المنتدى للقراءة فقط. تم نقل المنتدى إلى حراج السيارات.

مامعنى تحبيل الكفرات ؟ واسبابه ؟ تم حل مشكلتي

تقييم إيجابي 2 تقييم سلبي 2
سلطان الطائف 325
قبل 7 سنه و شهر



السلام عليكم
قبل سنه وشوي تقريبا شريت مازدا جديده
المهم سافرت فيها كم مره ووقفتها يمكن شهر بحكم العمل ، وبعدين رجعت وسافرت عليها
لكن اغلب الوقت واقفه ..

المهم بالصيفيه وديتها الصيانه ومعروف الصيانه يغيرون الكفرات
على حرف اكس
وبعد ماطلعتها من الوكاله سمعت صوت من سرعة 40-60
صورت وروره وكان من الجهه يمين من الامام
المهم بعد بحث وعناء رحت للوكاله ولما ركب مع الفني قال هذا صوت تحبيل
ماهو رمان
غير الكفرات وحطها ورا وبالفعل راح الصوت الحمدلله..


سؤالي الان ، وش معنى التحبيل ؟؟ وليه حبلت والسياره جديده؟
هل هو من الوقوف ولا من الشمس ؟
ثاني سؤال
هل عادي اسافر عليها ولا فيها خطر ؟ لان كل اسبوع مسافر تقريبا

وشكرا











الردود


التحبيل نفخه بالكفر من جهه معينه واسباب التحبيل غالباً الحفر القويه وطبعاً ماينفع تسافر عليه لان الكفر احتمال كبير يضرب مع السرعات العاليه

تقييم إيجابي 3 تقييم سلبي 2
1919. 44
قبل 7 سنه و شهر



مره مسكت فرامل على سرعه ١٨٠ وضربت مطب على ١٤٠ او ١٦٠ من وقتها صارت رجه خفيفه 

مسكت خط سافرت 

والله بنص السفر صارت السياره ترج تحسها من داخل تبي تتكسر 
وقفت عند بنشري قال احمد ربك م انصلخ عليك .. يقول محبل والاصياخ منفصله عن الكفر يقول كنت تمشي على فراغ بس ربك فكك 

تقييم إيجابي 1 تقييم سلبي 4
مشاااووير 6
قبل 7 سنه و شهر



التحبيل انتفاخ بالكفر وعادة يكون ماهو كبير  تقريبا من ٤-٥ سم قطره تقريبا وعادة بشكل شبه دائري ، وتصدق  كنت اسمع بالكلمه من زمان وتو خطر علي اصل الكلمة لانها فريبة من حاجتين ولكن ارجح الاولى وهي  من  الحبل وهو الحمل والأحتواء ومعروف ان الحمل يحدث به انتفاخ البطن  تماما كالكفر ينتفخ وفي مكان معين  وربما أخذناه من بعض الدول العربية  فهم يقولون  للحمل حبل وللحامل حبلى ، هذا من ناحية التسمية اما من ناحية السبب  فكثيرة الاسباب ومن ضمنها ماذكرت الوقوف الطويل ربما كذلك الشمس وحرارتها ممايزيد ضغط الكفر ، الاطار ، وهذا شيء معروف فالغازات تتمدد بالحرارة ،، ايضا الضربات كالمطبات والحفر لانها تضغط بقوة في منطقة معينة فينبعج الكفر ويتمدد المطاط بقوة وبسرعة اكثر من باقي اجزاء الكفر فينتفخ  ويحصل التحبيل مع انه يوجد اسيام واسلاك معدنية تعزز من قوة وترابط الاطار ، الكفر مع بعضه والا لتمزق بسهولة  ، وعشان كذا ينصح دائما بتحريك السيارة المتوقفة  لمدة طويلة  حتى مايكون وزن السيارة الثقيل على نفس النقطة من الكفر لمدة طويلة وحرارة الشمس العالية والاسفلت فتحبل واشوف البعض يعبونها هواء زايد وعندي ملاحظة على هالطريقة ويقولون عشان الكفر مايحبل او يتلف ويتشقق مثل بعض المعارض وهذا شفته شخصيا ، ومن ناحية الخطورة نعم هو  خطر انك تسافر به او تسرع على السيارة وهي محبلة والكفر مهم جدا وسعره معقول  والحافظ الله وايضا يسبب رجه  للسيارة لانه جزء احيانا بارز  وسلامتك .

تقييم إيجابي 5 تقييم سلبي 4
جبال معانيق 277
قبل 7 سنه و شهر