إغلاق موضوع

باخذ لكزس بس عشان الاعتمادية والشكل مو بطال .. الالماني ما يتقارن بشكل اللكزس لكن بالنسبة لي الاعتمادية اهم

والله لا الماني مستخدم ولا لكزس 4 سلندر

جنيسيس G80 ستة سلندر او G70 اربع سلندر تيربو سيارات

سيارة فخمة فخمة وفيها موصفات بالنسبة للسعر

تخشيب وابواب شفط وجلد نابا وقير 8 سرعات وتبريد وتسخين مقاعد ونظام صوتي جباااار جدا 14 سماعة والفل الفل تجيك 17 سماعة وغيرها الكثيير الكثيير من الموصفات

سيارة صراحة جبارة وعزلها خرافي جدا

القي نظرة عليها يمكن تغير نظرتك

جنسيس
ضمان 5 سنوات مفتوح الكيلو وصيانة مجانية شاملة قطع الغيار 5 سنوات او100 الف

يعني ريح مخك 5 سنوات ان شاء الله

الالماني مايصلح الى في بلاده انا كنت في اللمانيا صراحه فيه جيب بورش قديم موديل 2005 تشوفه تقول هذا وكاله والسبب الاجواء عندهم حلوه وشوارع العاصمة برلين
شوارع مستويه افضل شوارع بالعالم ومدينه متطوره لكن بسعوديه الالماني مايتحمل مافيه الى المرسيدس بس ويادوب

ودامك يعني مصمل تبي موتر فخم وافضلك جديد وصيانه مجانية زي ماقالوالشباب جنسيس

واذا يعني مصمل على الالماني اخذ مرسيدس 400 CLS انا شفت واحد بطاقة جمركية نظيف مره موديل 2016 ماشي قليل وصل سومه 130 الف
فخم وداخليه فخمه تشبه داخلية جي كلاس 2019

وجهة نظر

دامي وصلت لمبلغ 160 ألف معناته مبلغ مو سهل وتتعب وتشقى به

ونصيحتي لك خذ جديد وريح راسك

١٠٠ سيارة كبيرة جيب و ٦٠ صغيرة موفرة بنزين
اما الفخامة خلها للي اصلن ما يشاور لا بمنتدى حراج و لا غيره
و الموضوع خيالي من بدايته كلمة لو الله يرزقنا رضاه و الجنة

دور الاعتماديه بدرجه الاولى ثم الفخامه ايش فايده الفخامه وكل يوم بصناعيه وسعر قطع الغيار غالي
انصحك ب
افالون او لكزس es
تورس 2020

اعتماديه وقطع في كل مكان وفخامة
وابعد عن الالماني

جينيسس g80 افضل من اللكزس es250

من قرات العنوان وانا قلت في نفسي الجنيسيس والشباب ما قصرو
صراحة سيارة بطلة الجنيسيس والله يرزقنا جميعا

لكزس جديد ولا بتندم
الالماني المستعمل مغامره والاعتماديه اقل
واتكلم عن تجربه
وحطها ببالك الجديد ما مثله ابد ابد حتى لو اقل مواصفات

بالنسبه لي وابي شي فخم بفكر في الافلون اذا جديد
اذا مستعمل لكزس LS 2013 او 2014 

جي 90 مستخدمة فترة قصيرة او جي 80 جديدة شكل وفخامة واعتمادية وراحة بال

اقترح عليك شراء سيارة بحدود 100 الف ريال
وعندك خيارات كثيرة بالمبلغ هذا
و60 الف خلها لك وللزمن وزيد عليها كل شهر مبلغ من الراتب حتى لو 500 ريال شهريا وتخيل نفسك بعد 4 او 5 سنوات في حسابك 100 الف

او اكثر تساعدك في شراء ارض او بناء بيت بدل ما تجلس مثل عامة الشعب مستأجر طول عمرك

والله يوفقك ويكتب لك الخير

مر على الكاديلاك

عندهم عروض
ب 140 الف
صيانه 8 سنوات مجان مفتوح الكيلو

اللي عليك حاجتين فقط

زيت المكينة واقمشة الفرامل خلال 8 سنوات
الباقي عليهم

روح شيك واستفسر اكثر