الافضل اطلع سياره من اين

المعارض ارخص من الوكاله عن تجربه كنت ادور سوناتا 2018 نص فل بانوراما رحت الوعلان حصلتها 80 الف رحت معارض الشفا خذيتها 76 الف فرق 4 الاف وبرضو وكيلها الوعلان وضمانها على الوعلان 

المعارض اوفر لك
راح توفر لك مبلغ ممتاز
لكن احرص ان اخذتها من معرض
تاخذ منهم كوبون حق غسيل بخار مجاني وتلبيس دعاسات بلاستك وشمعات
والله يعطيك خيرها مقدما ويكفيك شرها

حدد السيارة اللي تبغاها 
وشوف سعرها بالمعارض والوكالة 
واختار الارخص 

لان بعض السيارات  سعهرها بالمعارض اعلى من الوكالة تقلب سوق سوداء 
مثل المازدا والسيارات اللي موديلها جديد توها نازله 

نفس الي ماخذ صورتها 
اتوقع معرض عماد الدين خليجيه مكينة ٢٠٠٠ نص فل 
مواصفاتها حلوه واذكر عارضينها ب ٦٩ الف 
الوكاله اغلى 

ياخوان اسف 
نسيت لا اذكر انها اقسااط 

المعارض عندهم اقساط ع البنوك او الشركات 
اقساط يسمونه او تاجير منتهي بتمليك 
وعموما عبداللطيف نسبته كثيره 
وحسب علمي البنك الاهلي اقل شيء اذا ماصار غير

اذا راتبك على الراجحي و البلاد بدون دفعة اولى
و الاهلي حاليا" عندهم عرض على الكورولا بدفعة او بدون
اذا راتبك على غير هالبنوك لازم تدفع اولى او تحول راتبك عندهم
المعارض اقل سعر كاش = اقل سعر مع التقسيط
و ان كانوا يرفعون عليك الفين او ثلاث قبل ما يرفعون معاملة للبنك
و الله يعين اللي ما عنده كاش و مضطر للتقسيط
و الا ٣٠ الف تحصل سيارة نظيفة تمشي حالك و باسمك و ترتاح معها

الله العالم  انا كنت أظن المعارض ارخص  وكان هذا اللي نعرفه والحين يقولون الوكالة ربما ارخص  لكن الظاهر  ميزة المعرض يوفرها لك بوقت اسرع من تنتظر الوكالة شهر او شهرين لكن بعضهم يزيد في السعر والناس مستعجلة وانا اظن الوكالة والمعارض متفقين على ذا الشيء وبينهم مصلحه التوزيع، الظاهر مثل الجوالات في المكتبات الكبيرة واماكن البيع الرسمي قليلة ولازم تحجز وسرى ولو رحت المحلات برا تلقاها بدون تعب لكن ياخذا عليك فايدة ويرفع السعر .

المعارض في الغالب ارخص مثل ماقالو الشباب لكن مو دايم
لكن احرص على فحص السيارة مضبوط قبل الشراء لان بعض السيارات يكون فيها ضربة ومصلحة او صادها مويه سيل او برد وتتصرف على المعارض علشان ماتتحمل الوكالة مسؤليتها
كذلك في المعارض خيار الالوان اقل

اذا كانت وارد خليجي تأكد من الضمان وشروطة
بالتوفيق ومبروك مقدماً