أضف سؤال أو موضوع جديد          

معاناة في بيع السيارة .. بالحراج

up 8 down 2



يا شباب .. مدري اذا ها الشيء يقابلني انا فقط
ام عندكم نفس الهرجة ..
مرات احط اعلان عن بيع سيارة ..
واحط كلللل التفاصييييل عن السيارة من الالف الى الياء + الصور بكل وضوح

يجو لك مجموعات من الناس .. يتصلوا عليك او يرسلولك واتس
يسألوك ؟؟
كم موديل السيارة ؟؟
كيف البدي ؟؟
كم الممشى ؟؟
كم حدك ؟؟
سيارتك نص فل ولا ؟؟


وانا حاط المعلومات هذه في الاعلان ... طيب يا غالي لو ضاع عليك الاعلان .. قلي ارسلي الاعلان ارسلك اياه ثاني مو مشكلة
مو تسألني كل الاسئلة..
تخيلوا اذا بتحط اعلان كامل المواصفات .. وعشرين واحد يسألك هذه الأسئلة ولا كانه شاف الاعلان ..

والمصيبة الأدهى والأعظم وممكن نسيمها كارثة ..
انه يقلك خلاص انا شفت الاعلان وموافق عليها وتمت .. واعتبر سيارتك انباعت .. ومتى اجي لك علشان نسوي نقل الملكية ؟

وبعد ما يجي يشوف السيارة وتروح مع بعض قريب المعارض وتضرب مشوار .. وممكن كنت مخطط تروح اماكن ثانية ..
بس علشان انك بتبيع سيارتك اجلت المشوار

..يجي يسأل هو كم موديلها ؟؟ اووه في حكة هنا ؟؟ اووه هذه خربانة .. ؟؟ هي السيارة مجددة ولا مش مجددة ؟
طيب يا عمري يا قلبي يا حبيبي ... ليش قلتلي انك شفت الاعلان .. ليش ليش .. الله يهديك .. وفي الاخير يقلك خلاص بيننا اتصال .. اذا ابغى اشتري اكلمك
ماني فاهم ايش القصة ..
والغريب انه كل اللي يتصلوا يقولولك انا صامل وانا جاد وانا والله وانا شراي .. وانا فلوسي جاهز .. ووو انا مستخدم ..
نصدق مين ونكذب مين ؟؟
ماني فاهم .. ايش الهرجة ..ليش اللعب هذا ؟؟
مع اني كاتب في الاعلان .. (((((رجاء لا تتصل او تستفسر الا بعد قراءة الاعلان كاملاً)))))
لكن لا حياة لمن تنادي ..







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله انك صادق والمشكله بعض الاحيان تسوي اعلان مطلوب سياره وموضح بالاعلان انه مطلوب ومكرر الكلمه كمان وتعال شوف الاتصالات كم حدك انا صامل ومن الكلام هذا يعني صراحه ماتدري هل هم فعلاً يبون يشترون سيارات او لعب بس


up 0 down 1
1919. 44
قبل سنه



صحيح كلامك واظن نصهم يقولو ياليت اخذنا الموتر ،،،، لكن المشكلة او السبب الناس صارت تخاف ومافي ثقة وبتشوف اختلاف الكلام بعد المقابلة وان شاء بتجيك البيعة اللي تسرك ،،، وبرضو حط نفسك مكان الشخص اللي بيشتري ،،، ومن ناحية اللي يسأل عن مواصفات انتا ذكرتها فالاعلان هذي نوعية جديدة ولازم كتالوج عشان تعرف تتفاهم معاهم


up 2 down 0
zax_makkah 247
قبل سنه



هههههههههههههههه

ي رجال بعض الاحيان القى اعلان وواحد حاط صورةة سيارة ( توضيحيةة ) يدور قطع غيار لها .. يجو يكتبلوك للبيع ؟ ي ابن الحلال الراجل طالب قطع غيار مو بيع سيارة او قطع هههه احسهم ربورتات تلقائية


up 1 down 0
khalid3329 83
قبل سنه



مثل ماحصل معي بالظبط
كاتب جميع التفاصيل والصور وكل المعلومات
وبالاخير يتصل علي واحد يقول كيف البدي
قلت له موضح بالاعلان
قال ماقريته كامل
قلت شوف الاعلان مره ثانيه وشف كل المعلومات
واذا اعجبك الموتر اتصل علي عشان تحدد موعد تشوف الموتر
انا انسان مشغول وعندي اشغال من هنا لبكره.. عندي عمل و عندي اهلي ومدارس واغراض للبيت و و و
ما اقدر ارد على كل واحد يستفسر
عشان كذا وضحت كل شيء بالاعلان
اتمنى تقراه بعدين تتصل

صار كذا ردي
والحمدلله ارتحت كثير






up 1 down 1



والله العظيم انك صادق بكل حرف


up 0 down 0



صحيح
هذولا شكلهم من الفضاء
اذكر اذا جيت تسجل بموقع ما يقولك ادخل رمز الكود لانتاكد انك بشر
او يحسبونه مكان دردشه يسال بس يبيك ترد وهو كل شي واضح


up 0 down 0



الافضل اي شخص يستفسر تقله تعال شوف السيارة هي قطعة حديد وحدها بسعرها في السوق وبيجيك الشرا. ويبعد عنك الي جالسين يتسلو هذا بعد تجربتي ببيع ٤ سيارات شخصيه في الموقع


up 0 down 0
gh_1977 44
قبل سنه



اعتقادي ووالله اعلم ان فيه صغار سن تتلاعب بالموقع بس تقضي وقت 

لان كثرة اساله واستفسارات واصلا ماتلقى الصامل بس يزعجك عالواتس بالاسئله ويروح 




up 0 down 1
مشاااووير 9
قبل سنه



هل وجود الجوال مهم !!!!
... لو حطيت الجوال انسى الراحه
لانك تتعامل مع مئات او الوف البشر
كلن له تفكيره .. وقناعته ... ومستواه
لذلك اتوقع لو تحط التواصل ع الخاص
راح تعرف من الصامل او اللي يبي
يضيع وقت ... ولا تحط جوالك .....
وما رأيكم ... اشتراط العربون للجديه
بكذا الجاد واللي اعجبه الموتر راح يعربن
وتقول له اذا طلعت مشاكل ارجع لك
بكذا تضمن المبزره ما يقربون منك !!
وش رايكم ....(: (: (:




up 1 down 0
لا للغلاء 826
قبل سنه



لا تحط رقم جوالك في الاعلان والصامل يجيك انا بعت كذا سيارة بنفس الطريقة إما إذا حطيت رقم جوالك صدقني ما يوقف لا ليل والنهار والعشرة منهم واحد جاد والباقين طقطقة


up 1 down 0
mohammed shareef 1057
قبل سنه



اللي يبي يشوف الموتر لاتقابله بمكان يجيك لين البيت الله لايهينه ان جازله الشكل العام والقيادة تروحون الفحص غير كذا يمسك الباب لا تضيع وقتك


up 2 down 4
benz lover -82
قبل سنه



اغلب اللي يتصل او يرسل واتساب ويسال عن شي ذكرته بالاعلان
اقوله مكتوب بالاعلان هذولي يناظر في الصور ويدق عليك
طنشه ماهو شراي لانه غير مهتم بالسلعه لو صادق وصامل كان قرا كل شي مذكور بالاعلان


up 1 down 1
qoowoop 129
قبل سنه



والله العظيم انك صادق بكل حرف دائما كذ ولا في نوعيه جديده يعلقك يقلك خلاص تم و يتفق معاك و ارسلي رقمك و بعد كذا يسحب ليش ما تدري


up 0 down 1
majed34911 35
قبل سنه



الامر والادهي يرسل لك واحد يبي رقمك تقول له تواصل واتس يجي مدرعم واول ما ترسل رقمك يدق عليك اتصال حتي لو اخر الليل


شيل رقم الجوال حط اصفار وخلهم يكتبون السوم بالعام


up 0 down 1
علي ال506 -1
قبل سنه



ودك اللي يبي يبيع ويشتري يخصص له جوال خاص بالموقع عشان مايجيك ازعاج وتحطه عالصامت وترد وقت فراغك  وعلى الجادين  وايضا بالعادة صاحب الحاجة هو اللي يجي يشوف السلعة عشان ماتتعب وتروح مشاوير وايضا وعن تجربه  يوجد أناس  يستخدم  كثرة الأسئلة  وتنويعها لهدف في نفسه ويعتقد أنه صحيح وهوغير كذلك وهذا الهدف هو معرفة البائع ونفسيته وخبرته في البيع والشراء على أمل  أن يحصل على أكبر قدر من الربح إذا كان البائع شابا صغيرا أو تنقصه الخبرة او معرفة القيمة وهذا لايصلح وليس من الشطارة في شيء بل ربما يعتبر تحايل فلبيع بالمعقول وليس بالمخادعة  فلاضرر ولاضرار.


up 0 down 1



البيع الألكتروني عادة ينقصه الترابط والثقه فلا تستغرب ان المشتري او الراغب بالشراء قد يسئل اسئله قد تكون اوضحتها في عرضك للسيارة ليتأكد ويطمئن وبالنسبه لأكتشافه عيوب بالسيارة لم تذكرها هذا طبيعي للسيارات المستعمله .

( ياشباب بارك الله فيكم ادعموني بالتصويت الايجابي عشان اقدر اقيمكم بالايجاب ان شاء الله ) .


١- لا تحط رقمك
٢- قفل خاصية الردود 
٣- وضح التفاصيل كاملة ب شكل مختصر 
٤- صورة لكل اتجاه من السياره تكون واضحه ( الوجهية الخلفية الجوانب داخل الكبوت داخل الشنطه الداخليه وحده قدام ووحده ورى )
٥- اطلب سعر معقول اقل من سعر السوق ب ١٠٠٠-٢٠٠٠
٦- اكتب موقعك المنطقة و الحي .. 

بهذي الحالة بتجيك السومات بالرسايل الخاصه ومنها بتعرف الصامل وحتى لو حط لك رقمه لاتدق عليه 
اعجبتك سومته اكتب له رقمك ( ان دق يبي يشتري ما دق يعني يطقطق )

ان دق عليك واتفقت على سعر ضروري الاتفاق عالسعر ( لاتقوله بجيك او شي ) هو يجيك لو ب اقصى الدنيا الله لا يهينك 
ولا تخليه يجيك عند البيت ماله داعي يدل بيتك عطه عنوان بريب منك مثلاً بقاله او مطعم 
تواعد معه بوقت مناسب لك 
ويكون المكان يبعد عن بيتك دقايق 
اذا وصل المكان المطلوب تروح له 

^ كذا افضل طريقة للبيع 

المعروف في البيع والشراء ( ان الشاري هو المهتم والباحث عن سلعه ومحتاجها ) 

يعني لو انا حصل سياره بالموقع واعجبتني نظافتها وسعرها ( بروح له لو ب اقصى مكان ) 
( هذا دليل الجدية والرغبه ) 

^ طبعاً اتكلم معك وانا بايع اكثر من ١٠ سيارات عالموقع ( اعرض مواتر ربعي ) 


up 2 down 1
m7md 33 1151
قبل سنه



مع الاسف عن تجربة اغلبهم يطقطق ولايكسر السعر بشكل غير طبيعي ولا يعطيك سومة تعجبك وفي الاخر يسحب عليك
لايقورن الاعلان زي الناس بش شاف الاعلان ركض على التلفون يتصل حتى لو ماعندة قروش
سيارة عرضتها 6 شهور وياكثر الاتصالات والشراية والمواعيد ووقت الجد محد حولك كأن الناس ماعندها شغل غيرهم
يكرهونك بالسيارة علشان تبيها بسعر بخس
الله يعين


up 1 down 0
salehhd 898
قبل سنه



هاذول هم الشريطية يحاول يعذرب بالسيارة ويمشورك ويكثر الكلام عشان يجس نبضك يشوف انت متوهق وتبي تبيع
بسرعه عشان يبخسك


up 0 down 0
faisa8000 37
قبل سنه