أضف سؤال أو موضوع جديد          

تجربتي مع السيارات المستوردة من الإمارات

up 6 down 2
bubdr2003 18
قبل أسبوع و 5 يوم



السلام عليكم ورحمة الله وبركاته 
كثير منكم لاحظ بالآونة الأخيرة كثرة الإعلان عن بيع السيارات الخليجية
 
وخاصة الواردة من الإمارات، 
صراحة  الإعلانات مغرية خاصة وان معظم السيارات حسب الإعلان البدي وكالة و والممشى قليلة جداً  مقارنة بموديل السيارة. 

 كانت لي تجربة مع اكثر من معرض، وللأسف في جميعها كدت ان أقع ضحية غش فاحش.

سأحسن الظن بالشريطية وأقول انهم لا يعلمون عن السيارات اللي يستوردونها من الخليج، فهم ينقلون لك كلام البائعين هناك. 
كما انهم لا يفحصون السيارات
، بل ان بعظهم حاطب ليل يشري السيارات بنظام الشوال.
  وخلصت من التجربة مايلي:
 ١- إذا بتفحص سيارة مستوردة اضمن لك افحصها بالوكالة قد ما تستطيع.
  ٢- محلات الفحص اللي عند المعارض فحصهم اي كلام ولا يعتمد عليه ابدا. 

٣ هناك موقع لوزارة الداخلية الاماراتية
  (  https://portal.moi.gov.ae/eservices/PublicServices/AccidentsInquiry.aspx?Culture=ar()
 تدخل به رقم الهيكل وتشوف الحوادث اللي تعرضت لها المركبة ، ويوضح به الجزء المتضرر من السيارة. ،
 وقارن المعلومات مع ادعاء الشريطية بان البدي وكالة.
  وللمعلومة فإن حوادث السيارات بالإمارات اعلى من السعودية، وكل سنة بازدياد. 
 ٤- متوسط ممشى السيارات بالإمارات ٢٠٠٠-٣٠٠٠ كلم شهرياً، اللي يقولك اقل من كذا اطلب منه سجل الصيانة بالوكالة.
  هذه باختصار ما طلعت به خلال الخمسة اشهر الماضية من البحث عن سيارة 
إذا احد عنده اضافة باليت يذكرها لنا
حتى يكون الموضوع مرجع لمن يريد شراء سيارة خليجية. 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله اليوم بتكلم مع واحد بخصوص شراء سيارة لصديق الخ .. قلي واحد صاحبه شغال ببيع السيارات .. قال اغلب السيارات اللى تجي من الامارات و الكوامري خاصة كانت عبارة عن تكاسي ... يعدلو العداد وتتباع كأنها استعمال نظيف .. طبعا مو كلها بس في هذه الاحتيال


up 2 down 0
khalid3329 55
قبل أسبوع و 5 يوم



فروا من سيارات الامارات فراركم من الموت

الوافدين العرب مسيطرين على مفاصل سوق السيارات وموضوع تغيير قراءة العداد هذي شي مفروغ منه لكل السيارات
ليتها توقف على كذا،، مكاين مستوردة يركبونها وجيربوكسات وأغلب الضحايا من السعودية وعمان والأجانب اللي على نياتهم في الإمارات
هذا غير النصب في المواقع وعرض سيارة لقطة بسعر مغري وطلب تحويل مبالغ وعربون لحين وصول المشتري للامارات وثم المفاجأة

السيارة النظيفة المستعملة سعرها مثل السعودية وممكن أغلى فلا تتعب نفسك

متى تشتري من الإمارات؟؟ تشتري سيارة أصفار لكن موديل سابق للسنة الحالية اذا لون أو مواصفات السيارة غير موجود بالسعودية وانت مصمم عالمواصفات اللي تبي


up 4 down 3
jabhan 1
قبل أسبوع و 5 يوم



رخص السياره من الامارات هذا
عامل جذب للمستهلك حتى يشتري
بالمقابل فيها سيارات متاثره اما بالحوادث
او بكثرة الممشى ويتم تعديل العداد
لذلك اذا بتروح للامارات واخرتك تطب
في سياره معفنه وخساير على لا شئ
اتركها ... وراح تلقى النظيف عندنا بس
تتعب شوي ...
الله يوفق الجميع ويكفينا الغشاشين


up 1 down 1
لا للغلاء 765
قبل أسبوع و 4 يوم