أضف سؤال أو موضوع جديد          

دودج نيون - للمناقشة ونقل الخبرات

up 5 down 8
ربيع الأول 332
قبل سنه و شهر



السلام عليكم ورحمة الله وبركاته
اخواني انا شفت السيارة هذي وعجبتني
شكلا وسعرا ..
الاخوة المصريين نصحوني فيها
يقولو هي هي نفسها السيارة اللي عندنا اسمها فيات تيبو .. وطبعا الاحوة في مصر يمدحو فيها ويستخدموها وبحكم ظروفهم المعيشية وحرصهم على التوفير ماعتقد ياخذو سيارة اي كلام .. فلعبت سيرة السيارة بمخي خصوصا وان سعرها ٤٢ الف ريال وشكلها فخم والاوبشن تبعها عالي .. اعطوني شوركم ودوركم يالربع وتحياتي لكم









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


ان قلت اخواننا المصريين يعني في مصر وهنا وكيلها سيئ جدا وش الله حادك


up 7 down 8
benz lover -83
قبل سنه و شهر



والله شوف ياخوك لو تسال هلمصريين الي نصحوك فيها عن سياراتهم بتحصل ولا واحد جربها ويمكن بس شافوها مرة وحدة بشارع

انا جاري يدري ان معي فورد ودايم اروح واجي فيها يقدر يقول جاري عنده فورد وماشية معه زي العسل
ولكن لو تجيني انا ياصاحب الفورد اقدر اعطيك برنت عن مشاكلها السابقة والحالية وعن البهدلة الي اعاني منها يوميا

وبنسبة للدوج فهذه السيارة تحتاج وكيل ممتاز كونها تستخدم بشكل يومي وتحتاج صيانة متكررة بعككس الشارجر والتي مستخدميها يعتبرونها سيارة ثانية وليست الرئيسية !
لذلك اصرف النظر لحين تحسن اوضاعها وبالنسبة لفيات

ففي امريكا هي اسوء السيارات من ناحية الجودة !!! وهذاك بامريكا بلد بارد وشوارع زينة
وشلون بسعودية !!!!!!!!_!!!!!!!!!!!!!!!1


up 7 down 1
انت اخر امالي 677
قبل سنه و شهر



سياره جديده عندنا مهي منتشره فى الشوارع وكيلها سيى قطع ماتحصلها الى بوكاله حتى تشليح نادر تحصلها صيانتها مهو اي واحد يعرف يشتغل عليها وش الي حادك على هذا كله فيه منافسين لها اعلى مواصفات وتخدم وعمليه نصيحه اخ اصرف النظر عنها الى اذا تبي تبهذل عمرك خذها 


up 6 down 1
zl1.v8 108
قبل سنه و شهر



انك تاخذ اكسنت ولا يارس افضل حتى لو تاخذ صني راح تكون افضل لسبب واحد عدم وجودها في الشارع مثل ماقالو الاخوان


up 3 down 1
abdulaziz3000 52
قبل سنه و شهر



على فكره بزينها ٩٥ من الشركه


up 3 down 0
sabal 582
قبل سنه و شهر



السياره جربتها لمدة ٣ ايام.. كانت ايجار
السياره حلو وميزتها ثقيله ومليانه.. يعني تحس مايلعب فيها الهواء وبديها قوي
لكن عيبها
قطع غيارها محصوره بالوكاله.. واسعارها تعتبر فوق المتوسطه.. وتصل للغاليه

فنصيحتي لك.. خذلك سياره شعبيه... شوف لك كيا سيراتو.. جميله وقطعها برا الوكاله متوفره وسعرها رخيص..


up 2 down 0
ابوخالد1397 2882
قبل سنه و شهر



في امريكا سمعة دودج وكريسلر سيئة جدا من خبرتي في امريكا ومن اغلبية مقاطعهم على اليوتيوب. وهذه السيارة هي فيات والشركة هذه هي تملكها فيات اصلا لأن دودج فلست. عن نفسي اخذ اكسنت مكينة كبيرة افضل بكثير


up 1 down 1
dell2012 1027
قبل سنه و شهر



سعرها اذكره كان ٣٧ الف وش الي طيرها ل ٤٢ 


up 2 down 1
..wolf.. 102
قبل سنه و شهر



يكفيك من الدوج سمعة وكيله

42 ألف ريال لو معي أخذت فيها كورولا مستخدمة لك وللزمن وعلى الأقل تقدر تبيعها


up 1 down 0
مفقود 956
قبل سنه و شهر



في مصر اغلب الورش تصلح القطع ما تطلب منك قطع غيار جديده.
و ايضا وجود قطع بديله عن الاصلي. فلذلك السيارات هذي ماشيه عندهم.
اما هنا فحتتورط بالوكيل.


up 2 down 0
amer ahmed 556
قبل سنه و شهر



انا معي السياره لها سنه ماشيه زي الحلاوه صرفية بنزين ورساوه بالخط ويكفي انها الوحيده بفئتها فيها مثبت سرعه وست ايرباقات عيبها الوحيد واللي اعتبره مو ذاك اللي يستاهل ينذكر هو الاقمشه ولها بديل اقمشه سيراميك 


up 4 down 3
hass2015 60
قبل سنه و شهر



^^^

استخدام سنة لسيارة جديدة طبيعي يكون جيد وما في مشاكل

بعد 3 سنوات تبدأ تظهر المشاكل والوكيل والقطع

ولا تنسى أنك ما فكرت تبيعها ولا كان شفت السومات الي تجيب الهم


up 3 down 0
أبو عبادة 4851
قبل سنه و شهر



هل صحيح بنزينها ٩٥ يا أخ hass2015


up 0 down 1
ربيع الأول 332
قبل سنه و شهر



اولا انت كاتب ان شكلها فخم !!! احترم رايك ولا اتفق معه .. شوفها من قدام كأنها سمكه وجهها مورم ومتنفخ لكن بالنهايه (( لولا اختلاف الاذواق لبارت السلع ))

رقم 2 وهو المهم : شوف شركه ارامكو تاخذ من الامريكي سيارات فورد اكسبدشن وتوريس ومن شركه شفروليه عندك امبالا وتاهو وسلفرادو .. طيب ماسالت نفسك ليش مااخذو دوج مثلا ؟؟؟

السبب ان هالشركة تولي اهتمام كبير بالصيانه لدرجه انها تفتح لها فروع داخليه خاصه فيها ولايطلعون برا يراجعون الوكلاء ويزاحمون الخلق.. ووكيل دوج سئ جدا جدا بالصيانه لذلك تم استبعاده هذي هي السالفه باختصار

للعلم ارامكو عندهم احترافيه وشروط صارمه يفرضونها على الوكلاء .. مب السالفه خبط عشواء واقوى وكيل رح خذ منه


up 3 down 1
ابو هيثم 7 2252
قبل سنه و شهر



الاخ ربيع الاول عبي 91 وانت مطمن


up 1 down 0
hass2015 60
قبل سنه و شهر



الاخ ربيع الاول عبي 91 وانت مطمن


up 1 down 0
hass2015 60
قبل سنه و شهر



بس فضي التانكي لو كنت تعبي 95


up 0 down 3
hass2015 60
قبل سنه و شهر



انا عندي السياره تقريبا من سنه وكارفها الين خلاص وبشتغل بيها كريم
ماشاء الله عزلها ورساوتها فوق الممتاز غير الراحه اثناء القياده ولا احكيك عن تكييفها ماشاء الله في عز الظهر ع واحد
عيبها ممكن تحسها صغيره من جوا ولاني بستخدم بنزين اخضر تحس العزم طايح ويقهرك


up 1 down 1
abdulaziz bin sami 244
قبل سنه و شهر



انا مستخدم السيارة و بالفعل سيارة ممتازة
لا تقارن بالاكسنت و اليارس و لكن قارنها بالكورولا و الالنترا.
كسعر مقابل المواصفات هي الافضل.
عيبها الوكيل و توفر قطع الغيار.
السيارة تقبل بانزين ٩١ حسب التحديث الاخير و مذكور بكتلوج السيارة.
قبل الشراء جربت ايجار اكسنت ٢٠١٩ و يارس ٢٠١٩ و كورولا ٢٠١٩ كلهم استاندر و بصراحة نيون تفوقت في الرساوة و الثقل و مواصفات الأمان


up 2 down 1
nasr2014 3
قبل سنه و شهر