اكسنت او يارس

كلها ممتازة
الاكسنت تتفوق بالمواصفات لكن مكيف الكوري يخوف ممكن بدون سبب يخرب

اذا بتكد السياره 10 سنين وحولها
---> لا تشاور --> يارس
سيارة كد صراحه ومكيفها حلو
وقطعها حلوه ..والاهم اقتصاديه......

أنا استأجرت الاكسنت أكثر من مره صراحه جميلة ومكيف خلفي بس لاحظت حاجه كأن مكيفها فصل في جدة مع الحر،، مدري هو عيب أو السيارة اللي استأجرها مكروفه لأن أغلب الاجار مكروفه

^^^
كل الردود حقيقية بالنسبة للمكيف حتى انا كمالك للسيارة فعلا فالظهر مع الوقوف والزحمة المكيف ماش تحس بس ينفخ هواء تطفي ac تشغله نفس الشيء

بالنسبة لي افضل اليارس اوفر بنزين بكثير واقوى عزم وجرب سواقتها وبتفهم الموتر الين من الاكسنت وافضل تكييف وافضل صرفية

حتى كتماسك ديكور افضل انا سيارتي الان موديل 2017 اكسنت بعد سنتين من الاستخدام تحس الموتر له ٥ سنوات

والله ميتسوبيشي اتراج من الداخل احس مواد داخلية من الاكسنت لانه السيارتين عندنا بالبيت

الاكسنت والاتراج لكن اليارس ما امتلكتها لكن جربتها واعرف كثير من ملاكها الموتر حلو

خاصة من 2018 عدلوا عيوبه مكينه 1.3 الخرا شالوها هههه

والله اليارس حقة كرف والاكسنت كان يميزها رخص قيمتها ولاكن الان سعرها نفس سعر اليارس

اي سيارة تختارها ان شاء الله خيار طيب

اليارس عملية وتتحمل ومنتشرة في كل مكان بس سعرها مرتفع نوعاً ما ومافيها تجهيزات كثيرة
الاكسنت عملية وتتحمل وفيها فتحة تكييف خلفي (الوحيدة في هذه الفئة ) وفيها تجهيزات وبعد كم سنه ممكن التبريد يخف

اقترح عليك تستاجر السياراتين كل وحدة يومين او 3 ايام وتجربها بنفسك استخدام يومي وتاخذ انطباع كاملها عنها
وايضاً سوي قائمة بأهم قطع الغيار الاستهلاكية ومر وأسأل عن سعرها لكل سيارة
ولاتنسى الاستخارة
بالتوفيق ومبروك مقدماً

https://www.youtube.com/watch?v=tqPiUjsvlU0

ياريس وانت مغمض اذا تقدر على قيمتها

او خذ لك صني مكيف وخدمة وسعر رخيص اذا تبي توفر مبلغ وقدره بجيبك



وانا بحكم عندي اكسنت مع احترامي مكيفها زباله درجة اولى

يعطيكم العافيه شباب ماقصرتو على الردود والنصيحه

استاجرت الاكسنت شهر واليارس شهر
الاكسنت مريحه وحقت كرف بس تهربد بسرعه ويبغالها تربيط
الياريس شيك بجيبك وحق كرف بس مهي مريحه

استخير ومدام راح تاخذ وكاله ما راح تندم بالاثنين لان الجديد راح يعيشك اقل شي بين 5 الى 7 سنوات بدون ما تطلب شي

يعطيك العافيه فهد 
لان الاكسنت عاجبتني افضل مم اليارس لكن ابي من ناحية الجوده
واحتمال اخذ اللنترا 

بحكم تجربتي ولاني مالك لليارس + سبق لي استجار اكسنت 
ارشح اليارس 1 عمر اطول+ قليلة اعطال+ توفر قطعها ف كل حاره + تكييفها يبرد قلبك 
الإكسنت كوسيه وسوقتها ممتعه اكثر من اليارس بس مشكلتها تكيف ضعيف

للاسف اسعارهم وصلت مع الضريبه و التأمين و اللوحات
الى حدود ٥٠ الف !!!!
و ينزل سعرها بعد فترة بسيطة
و لا سيارات تنفع مشوار طويل او مريحة للركاب او واسعة
مستعمل فئة اكبر افضل الا اللي منحد على الاقساط
اتوقع الفرق بينها و بين اللي اكبر منها مبلغ بسيط شهريا"

نصيحه عليك بالتويوتا 
اخذلك يارس افضل من الاكسنت من كل النواحي قطع غيار كل شي 
تويوتا وبس 
واذا تقدر على كورولا افضل وافضل وافضل 

والله مقدر على كورولا 
وبسالكم شباب عندكم خلفيه متى راح تنزل صني الجديد
وهل تمدحون الصني !؟

اليارس ..... والصني.... افضل . ومن تجربة مع الاكسنت شريتها اصفار..

اقولك اليارس والصني افضل واجود من الاكسنت وافضل حتى من الالنترا
والسوناتا بعد ....ومن كُل النواحي .

.... الكامري + الكورولا .. لاتقربها نصيحة غالـــــــــية حيل ..

ابو نايف تنصحني انتظر الصني الشكل الجديد 

مجرب الثنتين 
اكسنت ١٤ ( سعر القطع رخيص - مكيف فالصيف ما يبرد - ريحة البنزين الظهر تفقع المخ - فزتها ممتازه - صرفية البنزين سيئه )
    
اخذت يارس ١٧ ( موفره جدا للبنزين - قطعها غاليه - مكيف ثلج - ثقيلة جدا في ألقومه )

أخي الحبيب / abdlh86
أولآ. مالك لأكسنت اصفار ..
1- اؤأكد لك ومن تجربة وبدون مبالغة ان / الصني واليارس افضل واجود
من الاكسنت وحتى من الالنترا ومن السوناتا بعد. ولو تخيرني اقول لك سأختار
الصني او اليارس ولا اختار السوناتا او الالنترا ولو بنفس المبلغ واصفار بعد.

2- انصحك نعم . باليارس او الصني .. ولكن لااستطيع ان انصحك بإنتظار
التصميم الجديد لاني لااعرف اسعارها . ولااعرف ظروفك الحالية .

وفقك الله ..

يعطيك العافيه ابو نايف كفيت وفيت بردك وتوضيح