ابيعها واقسط جديدة بقيمتها ولا اصبر عليها ؟

قلت باقي عليها 28000 دفعة اخيرة اجل وش تبيع؟
خل الوكالة ياخدونها اوفر لك و اشتري سيارة جديده لأنك مازلت ما تملكها حتى تبيع و تشتري جديد بقيمتها

^^
وإذا الشركة أخذوها منه هل بيعطونه شيء ؟؟ هل بيرجعون له شيء من القيمة التي دفعها لهم ؟؟؟
اعتقد نظام التأجير بكامله لايوجد به شيء يفيد المشترين نهائيا ... الفائدة كلها بجميع الأحوال للشركات والبنوك
وبفعل التساهل والرقابة الضعيفة من التجارة وغيرها أصبحت هذه التجارة مضمونة ورابحة للشركات والبنوك ... رغم أن التجارة بذاتها عرضة للربح والخسارة لكن الشركات والبنوك جعلتها لصالحها بجميع الأحوال

يعتمد على ميزانيتك فاذا انت بتاخذ قروض لزواجك وبتقسط لسيارة جديدة 

فلا والله حاول تنقل السيارة بأسمك وأعمل للسيارة صيانة كاملة غير جميع السوائل
والقطع الإستهلاكية والفلاتر وربط الموتر وترى سيارتك للآن مامشت كثير وموديلها حلو
وتمشيك لو تبي ٨ سنوات قدام 

وترى الدين عمى عين وانت محتاج الدراهم في المستقبل داخل على تكوين آسرة ومصاريف عائلية
فحاول تتعود من الآن على مسكة اليد وتصرف للظروريات 

وتصبر على ذا الموتر دامك خفيف لين على الاقل يجيك طفلين واشتر موتر عائلي مرة وحدة 
ونتمنى لك التوفيق والسداد

اصبر عليها من تجربة الزواج مصاريف يومية كل شي دبل
فواتير و شحن و معيشة ممكن هدايا و تمشيات
و السيارة توها ما دخلت ٢٠٠ الف تعيش معك ان شاء الله الى ٣٠٠ الف
مع صيانات خفيفة و ما تسوى بيعتها
وش تشتري بقيمتها مستعمل على يدك و لا استعمال غيرك
لا تخاف من شي ممكن يصير و احتمال كبير ما يصير

ماشيه 170 الف تعتبر قليله باقي السياره في نص عمرها
الى اذا السياره جاها حوادث قويه هاذا شي ثاني
بعدين وش الي طلبته ومن خلاله قلت خلاص بدت تطلب ؟ قصدك عكوس وكمبريسر ديمنو طرمبه بنزين هاذي تغيرها عادي
ماتبي تغيير شي في السياره وعندك استعداد تشتري سياره جديده !

kon نص عمر مين تمشي ان شاء الله اكثر بكثيير قيد ركبت ايدج 2014 ماشي 350 الف ما شاء الله وما فيه اي مشاكل من حيث المكينة ما شاء الله عسا الله يبارك له
شوف يا طويل العمر بالنسبة لي انا
وانا وضعي قريب من وضعك انا على وجه زواج واسأل الله ان يتمم لنا, انا وياك ان شاء الله على خير
انا معاي النترا 2015 وباقي لها دفعة اخيرة 26000 الف ريال تحل بعد 5 شهور تقول لي غيرها وخذ جديد اقولك معصي مستعد اني اقسطها لمدة سنة بالكثير ولا اني اغيرها
ليش ؟؟
اول شي سيارة على يدي من الوكالة وماشيه معاي 4 سنوات و8 شهور وعارف خرباتها وعارف كل صغيرة وكبيرة
ومحافظ عليها ولا اعطيها أحد يعني سيارتي وعارفها مضبوط
اني اطيح في اقساط مررره ثانيه اقولك معصي اخذ كوريلا 2000 على اني ارجع اقسط مرره ثانية
لاني كرهت شي اسمه اقساط او ديون وشي امتلكه وتحت يدي احسن من شي ممكن اتورط فيه اذا ما كان معاي القسط حقه
وهذي وجهة نظري .

عض عليها وفك نفسك من الديون.. دخلها فحص كامل وضبطها من وإلى واقرب مركز تلميع وتصير ورده

اصبر عليها افضل .............. الله يوفقك

ياخي موترك جديد حرام تبيعه
انا شريت ايدج 2007 كاني ماشي 170 ب60 الف
وكرفته 7 سنوات لين وصل 450 الف

الايدج يتحمل ما عليك

اخ ناجي
الرجال يقول لك باقي عليها 28 الف ريال و تقول هل بيعطونه شي و يرجعون من قيمتها؟؟

لاتمرمط نفسك بالديون انت شايف الاوضاع الحين لك عليها فكر بعدين بما انك على وجه زواج يعني وراك مسؤوليه كبيره مصاريف وفواتير وو الخ .. وبالمستقبل ان شاءالله بيجيك اطفال وتكبر المصاريف اصبر عليها ومن ناحية انها تطلب اذا قصدك اشياء استهلاكيه ف طبيعي مافيه قطع بتجلس للأبد اما اذا كان الخرابات كبيره مثل مكينه مشاكل قير مشاكل غريبه طالعه لك ماعرفت لها هنا معك حق وراح تكره السياره اساساً انا من رأيي تدخلها فحص من والى وضبطها بقطع اصليه وتربيط كامل وانساها تعيش السياره اذا انت محافظ ومهتم

نصحيه اخو دامك مقبل ع زواج خليها معك ولاتستخسر فيها حتى ٥ او ٦ الاف 
غير كل شي مستهلك وان شاءالله تمشيك لين تستغني عن البنك 

والله ان عندنا ناس ما ادري وش تبي موترك 2013 وتقول بدت تطلب وتبي تغير !! 

خاف الله ناس معهم دداسن وكرسيدات وكوامري من التسعينات والالفيه وماشيه معهم 
وانت تشوفه ما يجمل ! 

والله احس نفسك تغير الموتر وبس
2013 وممشى ١٧٠ وتقول السياره بدت تطلب
ناس معاهم موديل ٢٠٠٠ وممشين حالهم

ما قلنا شي حاب تغير فلوسك وانت حر بس لا تضحك على نفسك وتقول السبب السياره تطلب