هل اشتري جير و لا ابيع تشليح ؟

اذا تكلفة القير البديل معقولة بدلة واستخدمها ولا بيعها وهي تمشي

التشليح هذي النوعية ماعليها طلب كبير

خذلك قير من التشاليح او الشركات الي تبيع قيور عليها ضمان اان اعرف لليباني فيه واجد سمنان وغيره بس اكيد فيه بالتشاليح ناس متخصصه بقيور الكيا
اما بيعت السيارة هذي ارزاق يمكن سعرها بالسوق سليمة 19 وتجيب لك وهي كذا 19 من شخص قريب يعرف الموتر ورغبان

نفس وضعي اول كانت معي التيما ٢٠١٠
و ضرب علي قير الCVT بشكل مفاجئ على ممشى ٢٢٠ الف
احترت و ركبت قير ب5 الاف للاسف انغشيت فيه بعد ما انتهى الضمان
خرب مرة ثانيه وقفتها عند وكالة الحمراني طابت النفس منها
بعتها على مهندس الوكالة بعشر الاف كل شي كان فيها سليم غير القير
و بعد هو انغش بالقير ثم ركب قير ثاني و باقيه معه السيارة

الفلوانس هذي مدري كان يركب علبها قير نيسان سنترا جرب و احرص على الضمان اكثر من شهر
اما اذا بتبيعها تشليح ما تجيب سعر يسوى و هي حسب وضعك المالي
بتصلح و تستخدم او تصلح و تبيع و بينزل سعرها قير مستبدل
او تبيعها على حالتها لكن لازم تدري بكم قيمة القير و من وين عشان تتسهل بيعتها
و الله يعوضك خير

مشكله الفلوانس القير بيضرب عند 80 الف فلو انت اشتريت قير هيخبط لأن دا عيب مصنعي
الحل انك تشوف قير سياره أخري يركب عليها

اذا معك سيولة لسيارة ثانية بيع تشليح .. السيارة نفسها م تستاهل الخساير هذي الا اذا تبيها تمشيك

قيورها مشتركة مع نيسان. يمكن لما تبحث تحت اسم نيسان تحصل ارخض واذا القير غالي عاد بيع السيارة ماتسوى

مشكورين على الردود و التفاعل و هذا من طيب اصلكم