كيا بيجاس و ميستوبيشي اتراج أو الأفضل منهما؟

كيا بدون تردد.

القير حق الكيا نفس الصني 4 سرعات على بالي 6! لكن كتصميم كيا الاجمل بينهم. و انتشار الوكيل و قطع الغيارلصالح كيا

الوكيل موجود في منطقتي مابه خلاف، الكيا بيجاس غاليه شوي مقارنه بالأتراج، محتار صراحه، ومادري اذا فيه سيارات بنفس السعر وتكون أفضل؟

اتراج ٣ سلندر ما تنفع السيارات اللي مثلها
الوكيل سئ و اتوقع بيتوقف تصديرها قريب
خلك بين الكيا و النيسان نفس المواصفات تقريبا"

اتراج ضحك على العالم بالدعايات وسعرها رخيص لكن تعال وقت ما تبغى قطع غيار. ومكينة ضعيفة لا خط ولا مدينة, وعلى فكرة كل الشركات عندهم هذه الفئة من السيارات لكن بدون دعاية والسيارات هذه ماكنا نفكر فيها في ال 30 سنة الماضية. ويمكن توقف مثل اي سيارة من عندهم شوف الانسر, ماجنا, باجيرو, جالنت.. كلها وقفت. اما الصني فشكلها قبيح وتصنيعها في الهند وصت المكينة بعد فترة يصير عالي وصرفيتها في الخطوط كثير يشتكوا منها

الكيا افضل من ناحية الشكل الخارجي والداخلي والمواصفات

الخطه كانت اكسنت بس للأسف سعرها عالي، الحين مابين الكيا بيجاس والصني، مشورتكم لأني محتاجها قريب جداً.

الصني بدون تردد

اذا انت محتار بين هالسيارات هذي بس

خذ الصني

الصني بدون تردد قطع غيار متوفر فى التشليح ومحلات قطع الغيار ومرغوبه اكثر عند البيع ومن زمان والناس تستخدمها وماتشكي من عيوب فيها عكس السيارتين هذي كلها جديده علينا والصني تتميز بسعتها من جوه ومكيفها الثلاجه

انتظر Sunny الجديدة 2020
صناعة المكسيك .

كيا وهونداي مكيفها سيء خذ صني

كيا بيجاس هل هي صيني أم كوري؟

شكرا للجميع علي تعليقاتكم راح اخذ واشتري صني ٢٠٢٠ نص فل للابن

كيا بيجاس كورية و تجميع صيني .. اما صني يابانية و تجميع هندي