أضف سؤال أو موضوع جديد          

حادث وعندي تامين ويطالبوني.... ادخلو جميعا

up 0 down 0
sss11233 8
قبل أسبوع و 2 يوم



السلام عليكم

السالفه ومافيها

اشتريت سيارة باسمي وماعندي رخصة وسويت تامين لدى شركة

مع علمهم ماعندي رخصه ومن ضمن شروط الحصول على التامين لابد من توفر الرخصة سارية المفعول

لكن قالو عادي نامن لك


يوم من الايام اخذت يوتير واعترضت جمس كان مسرع وراح يمين فوق سيارتين كانو جمبه عشان مايخش فيني

طبعا انا الغلطان 100% ووقفت ماهربت

اعترفت لنجم بكل شي
طلب التامين عطيته والاستماره

السالفه ذي السنة اللي فاتت

قبل اسبوع يطالبني التامين 74 الف قيمة تعويضات اضرار السيارات

طبعا حاطين رقم حساب بنكي للشركه ولين حساب فاتورة خاص بالحادث

او سيتم وضع اسمك في ( سمه )

الى الان ماقالو عشان ماعندك رخصة مايشملك التامين

طبعا راستلهم تويتر وحطيت مؤسسة النقد بالواجهه

ردو بالخاص طلبو الاسم والرقم

امس اتصلو نغمة وقفلو وماعاد اتصلو

وش الوضع يالربع

لان عندي ثغره ماسكها عليهم
مدري تنفع او لا

اللي هي انهم وافقو يسوون لي تامين بالرغم عدم وجود رخصه

وش الحل معهم

74 الف ماهي هينه







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لحد يجي ويقول كان طلعت رخصه ومدري ايش

علي مخالفات فوق 20

ماقدرت اسددها

لكن المغزى بالموضوع انهم موافقن ع التامين بالرغم من عدم وجود رخصه

وكيف بعدين يطالبوني والتامين ساري


up 1 down 1
sss11233 8
قبل أسبوع و 2 يوم



وعليكم السلام

هناك تناقض للاسف في هذا الموضوع فعلا التامين ما يطالبك برخصة لكن ما يعوضك اذا صدمك

اجل ليش امن ؟

عموما اعتقد انك بنسة 99% راح تدفع والله يعينك



up 2 down 0
meshal alharbi 283
قبل أسبوع و 2 يوم



مكتوب في عقد التأمين انه من شروط التأمين وجود رخصه ساريه.

انت ارفع عليهم قضيه حتى لو عن طريق محامي.




up 0 down 1
amer ahmed 529
قبل أسبوع و 2 يوم



قبل كل شي الحمدلله على سلامتك 
وترا التامين اتوقع مايطلب منك رخصة قيادة لاستخراج الوثيقة
والدليل ان فيه بعض الناس كانوا يطلعون سيارات ب اسماء زوجاتهم او امهاتهم 
طبعاً قبل قرار السماح بالقيادة 
التامين متجر يبيع لك وثيقة تامين وانت تلتزم بشروطها 
الله يفرجها عليك والله يعينك وييسر امرك 


up 1 down 0
rustic 87
قبل أسبوع و 2 يوم



التأمين من شروطة وجود رخصة سارية المفعول
حتى لو كان عندك رخصة و منتهية لا يشملك التأمين
هذا العلم الأكيد 


up 0 down 0
بو جنان 179
قبل أسبوع و 2 يوم



ارفع عليهم قضيه اليوم ولا تتاخر
انهم وافقوا على التامين( مع عدم وجود
رخصه) هذي اهم نقطه ان رخصتك
منتهيه .... وقت اصدار بوليصة التامين
وهذا خطا منهم وليس خطأك
وتاكد من انك ما وقعت على الشروط
ومن ضمنها ان التامين ما يشمل مع( انتهاء
رخصة القياده ).....
وتشوف ما راح تدفع ه ل ل ه .....
واعطنا الاخبار ...موفق


up 0 down 0
لا للغلاء 767
قبل أسبوع و 2 يوم



ياعزيزي الله يفرج همك قبل كل شي
بس بخصوص مسألة ان التأمين وافق يستخرج لك تأمين وانت ما عندك رخصة شي طبيعي
وكثير من الشركات تعطي تأمين على أساس انك بتطلع الرخصة بعدها مباشرة يوم او يومين
وبمجرد ما تطلع الرخصة يصبح التأمين ساري الصلاحية اما الآن انت اخذت التأمين وسحبت على الرخصة لذلك ما يشملك التأمين ومردك تدفع ولا بينتهي فيك الأمر بأيقاف الخدمات والله المستعان اما الي يقول رح لمحامي ما اعتقد بيفيدك بشي لأن النظام واضح ولو رحت لمحامي بتخسر قيمة استشارة وبتدفع له مبلغ ومراح يفيدك بحاجة


up 0 down 0
samer 2 7
قبل أسبوع و 2 يوم



كلكم فاهمين موضوع التأمين غلط

التأمين على المركبة  وليس على السائق

ومن شروط صرف التأمين يكون السائق حاصل على رخصة 
وفي وضع طبيعي واذا لم يكن صاحب المركبة يكون حاصل على تفويض

الغلط الوحيد أنك ما أخذت شي يثبت ورقي وعلية ختم فالوعد الشفهي لا يعتبر دليل وليس ثغرة




up 0 down 0
خالدkhaled. 111
قبل أسبوع و 2 يوم



حياك
الزبدة سابقا كان التامين مايصرف الا اللي معه رخصة
هاالحين التامين ع السيارة
قايد السيارة مايشمله الاتكون رخصته ساريه
واذا مطوفه او مامعك رخصة الله يعينك
بس مايمنع تشوف محامي يعلمك اذا قضيتي ناجحة او لااا


up 0 down 0
باترول 2020 2624
قبل أسبوع و 2 يوم



للحين عادي اذا احد شراء سياره ياقدر ياأمن على السياره حتى وهو مامعه رخصه



up 0 down 0
kon11 26
قبل أسبوع و يوم



التآمين على السياره مالك شغل انت عندك رخصة او لا

التعويض للغير التآمين بيطالبك لان ماعندك.رخصة


up 0 down 0
7amood1930 191
قبل أسبوع و يوم



الله يعوضك ويفرجها عنك ياخوي


up 0 down 0
ain501 206
قبل أسبوع و يوم



لاتستعجل يمكن السبب شي ثاني غير الرخصه لانك تقول لما جاء نجم طلب التامين والاستماره وماطلب الرخصه يعني مادرى ان مامعك رخصه
ويسجل ان مامعك رخصه



up 0 down 0
kon11 26
قبل أسبوع و يوم



شوف تقدر تتحايل بالموضوع انو اللي يسوق واحد معه رخصه مثلا اخوك او اي شخص معه رخصه
في الاخير أمانة واشياء كثيرة بس الحل انو متسبب الحادث معه رخصه وكذا يشمله التأمين
لان التأمين على السيارة مو على الشخص بس تحتاج انو واحد معه رخصه يقول انا اللي كنت اسوق



up 0 down 0
xjlsupercharge 2
قبل أسبوع و يوم



ادخل على موقع مؤسسة النقد وارفع لهم شكوى بخصوص شركة التأمين واذكر جميع التفاصيل ،
المؤسسة بتوصل شكواك لشركة التأمين ثم هم لازم يردون ويوضحون كل اللي حاصل وإذا ردهم غير مقنع ومخالف للأنظمة مؤسسة النقد بتكون في صفك إذا الحق معك،

إذا الحق مع الشركة مؤسسة النقد بتقفل الشكوى،


up 0 down 0
mhaaad 35
قبل أسبوع



لا يوهقونك العالم .. اللي يقولك ارفع قضية ومدري ايش

التامين من شروطه وقت الحادث ان اوراقك تكون سليمه عشان تقدر تطالبهم بحقك لكن وقت ما تأمن لا يشترط وحودة رخصة ولا استمارة سارية وليست من شروط شراء الوثيقة

الله يعينك ويسهل أمرك


up 0 down 0
تركي818 126
قبل أسبوع



الله يعطيكم العافيه جميعا

بنرفع شكوى في مؤسسة النقد ونشوف ردهم




up 0 down 0
sss11233 8
قبل أسبوع



السلام عليكم
ممكن هذه النقطة تفيدك الله اعلم ان الي ما معه رخصة بنظام المرور يتحمل 25/ بالمئه
من نسبة الخطا اذا كان الخطئ ع الشخص الاخر 100/100


up 0 down 0
ra3d777 435
قبل أسبوع