أضف سؤال أو موضوع جديد          

والدي 86 سنه صار عليه حادث وهو يمشي علي رجوله وتمت ادانته 75

up 2 down 0
abojpl 372
قبل 2 سنه و 2 شهر



السلام عليكم ورحمة الله وبركاته

الحادثه حصلت بعد صلاة العصر الوالد الله يقومه بالسلامه كان طالع من البيت كعادته
يوميا يتمشي بعد الصلاة وكان رايح البقاله خلف منزلنا طبعا علي رجوله
وجاء شايب من اقصي حارتنا ومايمشي الا بعكازات يعني شبه معاق
وصدم الوالد وجت الاسعاف وسوت تقرير وشالت الوالد للمستشفي وسالوا اخوي الصغير
تبي شي منه قال عندي اخوان اكبر مني وهم الي يتفاهمون معه
المهم الوالد تنوم في المستشفي حدود اسبوعين وسو عمليه جت اصابه في العظمه الي تربط الفخذ مع الورك
وتسمي في المستشفي رمانه وموقعها صعب جدا وحساس المهم مالنا اي تخطيط للمطالبه
وراضين بما قدره الله ولم نفكر باي تعويض وننتظر من اهل الحادث الزياره والاعتذار
وطلعنا الوالد من المستشفي وكملنا شهر من بعد الحادث وكانهم ماسوو شي
واشتكينا نطالب بحقوقنا الشرعيه وحصل تزوير في المستشفي في التقارير وتحويله من حادث الي ارتفاع سكر وسقوط
وبعد اسبوعين من المراجعات والشكاوي في وزارة الصحه تم تعديل التقريرورفعه للمرور
(الحاله الصحيه للوالد)اصبح طريح للفراش لايقدر يمشي ولا يقدر يجلس ويقضي حاجته في مكانه حفائظ اعزكم الله
وقسطرة بول والاكل لازم نوكله بانفسنا اعاقوه بشكل كامل عن الحركه وقبل الحادث يروح المسجد ويقضي حاجته بنفسه
ويروح ويجي محد يرده
.....................................................................
اليوم اخوي راجع المرور لنظام الحوادث المروريه وتفاجانا بان الخطاء علي الوالد 75 بالميه
والمتسبب في الحادث 25 بالميه
.....................................................................
برائكم هل ترون التقدير عادل وهل يعقل ان الشخص المصدوم يتحمل نسبه في الحادث

ابي شوركم ورائكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


البعير وهو بعير لو تصدمه في النهار تتحمل نسبة 100 بالميه
وادمي تصدمه ويتحمل 75 بالميه


up 7 down 1
abojpl 372
قبل 2 سنه و 2 شهر



الحمد الله على سلامه ،، معافا مشافه ان شاء الله


up 0 down 0
ايدج14 5
قبل 2 سنه و 2 شهر



اذا مانفع المرور اتجهو للاماره او المحافظ مانفع برقيه لوزير الداخليه اما 75 بالميه للي يمشي بوسط حاره جديده


up 3 down 0
khaled3224 284
قبل 2 سنه و 2 شهر



حسبنا الله ونعم الوكيل ان لله.
سلامات للوالد
وحاول انك ماتسكت وتيضع حقك. طالب بحقك


up 1 down 0
حسام -ابوسيف 57
قبل 2 سنه و 2 شهر



قدم شكوى اعتراض على نسبة الحادث
من نجم ........
او تحيلها للمحكمه ع القضايا المروريه
تاخذ شوي وقت لكن باذن الله تاخذ حقك




up 1 down 0
لا للغلاء 828
قبل 2 سنه و 2 شهر



زوروا التقرير الطبي والحين زوروا تقرير المرور




up 2 down 0
3bdulmajeed93 18
قبل 2 سنه و 2 شهر



الله يقومه بسلامه ويطول بعمره ويحفظه لكم 

ذكرتني بقصه مشابهه حصلت لوالدي والمتسبب طلع عنده واسطات في كل مكان 

مستشفى شرطه محكمه ماخلاء مكان ماله واسطه فيه

طلع منها في الدنيا لكن فيه يوم بناخذ منه الحق منه من رب رحيم لا يظلم احدا 

العبره في الخواتيم 




up 4 down 1
المتوكل 777 462
قبل 2 سنه و 2 شهر



المتوكل ،، تاكد بأن الله خد حقكم منه ،،، وتلقاه في مشاكل ليومك


up 2 down 1
ايدج14 5
قبل 2 سنه و 2 شهر



لاحول ولا قوة الا بالله 


up 0 down 0
m7md 33 1156
قبل 2 سنه و 2 شهر



حاول تشتكيهم في اكثر من جهة 

اما بخصوص التقرير الطبي اذا تأكدت انه مزور تواص مع نزاهة


up 2 down 0
طالب رضى الرحمان 251
قبل 2 سنه و 2 شهر



اشكركم جميعا لمشاعركم الطيبه والله يجزاكم كل خير ويكفيكم شر كل من به شر


up 0 down 0
abojpl 372
قبل 2 سنه و 2 شهر



سلامات والله يحفظ الوالد ويقوم بالسلامة ان شاء الله. 

الحين الي بصدم جدار او عمود انارة او حيوان (تكرمون) يحملوه 100%  الخطاء.
اجل وشلون بني آدم المكرم المعزز من رب العالمين ( ولقد كرمنا بني آدم)
لاتسكت حقك محفوظ بس يبي له شوية متابعة وصبر.
روح الامارة  مباشرة . وخبرهم بكل شئ.

الله وياك وسلامي للوالد الغالي. 





up 0 down 0
theuk1984 838
قبل 2 سنه و 2 شهر



السلام عليكم

ألف سلامه على الوالد الله يقومه ف السلامه وانا أخوك هادا مايستحي حاول تقابل أمير منطقتكم مو معقول 75ف الميه على ابوك الله يشفيه ويطول عمره رح ل الأمير ادا قدرت وأن شاء الله مايقصر خلنا نشوف تنفع معاه الواسطه والله غير يأكل على رأسه هو والي توسطو له هادي أرواح ما فيها لعب


up 0 down 0
باسل الزغيبي 37
قبل 2 سنه و 2 شهر



سلم القضيه محامي وريح راسك من الدوشه


up 0 down 0
meem34 183
قبل 2 سنه و 2 شهر



الف سلامة للوالد وان شاءالله فترة علاج ويقوم بالسلامه
اللي اعرفه من مراجعه في حادث مماثل
اذا كان هناك خطوط مشاه او ممر الافضليه للمشاه يتحمل صاحب السياره النسبة 100%
اذا مافيه يتحملها العابر والسياره نسبة 25%



up 0 down 0
ali400ali 214
قبل 2 سنه و 2 شهر