المكائن المستورده..العالم المجهول
4
2
إضغط هنا للإخفاء
السلام عليكم ورحمة الله وبركاته..
*اولا هذا ليس اتهام لاحد او تكذيب لأي احد ..لكن انا رحت تشليح السلي ل المكاين والقيور المستورده..وهذي بعض الملاحظات..هل طبيعي يصير عند الانسان شك او لا
#المكاين المستورده..العالم المجهول »» وفعلا مجهول لاجهة رقابة ولاشي..مكينة مجهوله بكل ماتعنيه الكلمه..واكثر كلمة بتسمعها في بيع القطع..مستورد وشد بلد..ولو عندك سياره من الحرب العالميه الثانيه..ورحت تدور لها مكينه بيقولك فيه مكينه مستورد وشد بلد ؟! طبعا الاغلب موب داخله راسه فكره الشد بلد وهذا صحيح ٩٩℅ لكن كيف يقنعونك انها مستورد؟ يقولك شوف اثار الرطوبه والاملاح ع المكينه وهذي يعني انها جايه ب السفينه واثرت عليها المسافه بسبب البحر والرطوبه..طيب كأني صدقت؟ الشد بلد هذا يعني انها من المصنع ماانفكت.. اساسا نفس المكينه مكتوب عليها ب الخط الواضح [صناعة اليابان مجدده ] ( طبعا هاالجمله مكتوبه على حديده صغيره ومثبته بمسمار على اعلى المكينه بخط واضح ) وعذرهم ان الجمارك مايدخلون الا اللي مكتوب عليها مجدده..لان لو مكتوب شد بلد ماتخش..هاالكلام ماخش راسي صراحه.. ومن الاسباب ان فيه اختلاف في الوان المسامير بعضها فضي وبعضها اسود وبعضها ذهبي ؟ هل الوكاله تركب اكثر من لون في مكان واحد ؟! مثلا غطاء جلد البلوف.. له ١٠ مسامير تقريبا او اقل او اكثر.. تخيلوا بعض المسامير لونها اسود وبعضها فضي وبعض الاحيان تحصل كلها فضي وواحد اسود ؟! هل هذا منطق ! ثالثا لو تدقق ب المسامير تحصل ان رأس المسمار ( سداسي حاد ) لكن مع كثرة الفك او التغيير تلاحظ ان( زوايا ) « جمع زاوية « راس المسمار قلت فيه الحده من كثر الفك والتركيب.. هذي شد بلد !! طبعا لو تساله وين تودون المكاين الرجيع ؟ يقولك نبيعها سكراب ؟ انا ماادري وسن تروح صراحه لكن عندي شك ان مكاين الرجيع يرسلونها لاي دوله ويعاد توضيبها ثم يجيبونها لك هنا ب اسم مستورد و { شد بلد }
*البعض يدعي ان لديه مكاين شد بلد..ولك حق الفحص ب الوكاله..واسترجاع الاموال ان ثبت خلاف ذلك..
إبلاغ
الردود
وين نحصل مثلك ابو ٦ شهور..
1
0
0
1
لو شفت الى قدامي واثق وصامل والضمان فتره طويلة ويتكلم بثقه وفاتورته مختمه وموقعه منه ومحل مشهور
وله زبائن اخذ منه ولو صار ما صار ارجعله وانشب بحلقه
بعضهم تلاقيه متردد وخائف وما يعطيك الا 15 يوم ضمان ومهزوز تحجرله بالسوال يتهرب
هذا خاف منه واعرف انه متلاعب وضميره مأنبه وما يبي يفضح نفسه كثير
1
0
1
1
عندك حلين لاثالث لهم
يا انك توظب المكينة عند واحـد فاهم وصاحي وله زبائنه
أو انك تشتريها من التشليح والله يعينك على الفرفره بين السيارات وتشوف لك سيارة مصدومة من الخلف
والمكينه سليمة وتفكها وصلى الله وبارك
1
0
0
0
الاولى انك تاخذ ضمان مايقل عن 3 اشهر وتشد على المكينة وتجلدها جلد طول هالفترة عشان تضمن انها سليمة
الطريقة الثانية تاخذ معك شخص متخصص بالمكاين ويفهم فيها وهو يرشدك على الشي الطيب
اما بخصوص موضوع مسامير غطاء جلد البلوف ترا فكه سهل وماياخذ 10 دقايق فعادي يكون مفكوك لتغييره وهذا مايعيب المكينة
عن نفسي اخذت قبل 4 سنوات مكينة مستوردة وعطاني عليها ضمان 6 شهور والى الآن شغالة ماتشكي من شي ولله الحمد
وقتها كانوا يرفضون يعطون ضمان اكثر من 3 شهور اغلبهم بس هذا قال انا اضمن شغلي وعطاني ضمان 6 شهور وفعلاً طلع عند كلامه.. واهم شي التركيب يكون عند نفس الي تاخذ المكينة من عنده لاتروح لشخص ثاني تركبها
قبل 4 سنه و 11 شهر