تجربتي شراء سيارة من موقع سيارة اونلاين

10 9

لايمكنك التصويت حتى الحصول على 20 نقطة على الأقل
إضغط هنا للإخفاء

faymax 16
قبل 4 سنه و 11 شهر

السلام عليكم جميعاً

حبيت اشاركم تجربتي باختصار (باجابيتها و سلبياتها) في شراء سيارة عن طريق الانترنت بالكامل من موقع سيارة ...


انا كنت ابحث عن سيارة لي بعد ما قررت اعطي السيارة العائلية للسواق ...
كنت ابي سيارة رخيصه و صغيره من البيت للدوام والمشاوير القريبه واحيانا السفر يعني تكون سيدان متوسطة الحجم

وقع الاختيار على سيارة النترا و بحث بالانترنت عن السيارة ولقيت اسعار مختلفه وفيه الغالي والمتوسط ...
و انا ابحث لقيت اعلان لموقع سيارة اونلاين وصراح جذبني وضغطت ولقيت موقع يبيع سيارات اونلاين بدون ماتجي !؟

قلت اتصل عليهم بالرقم الموحد حقهم 9200 و كلمت الموظف وبلغني انه نحن نتولى عنك كل شي من الالف الى الياء يشمل:
1- ضمان اقل سعر لك بالسوق ... يعني توفر فلوسك لك بدل ما ياكلونك المعارض والشريطيه ...
2- أنهاء مراجعات المرور والتسجيل واصدار اللوحات .... (والله كنت ناقل هم وجع الراس)
3- الشحن الى منزلك ( في الرياض والدمام وجدة) والى مدينتك خارج المدن هذي وتستلمها من اقرب فرع بسامي لك.
4- هدية خدمة المساعدة على الطريق 12 شهر مجاني وتشمل العديد من المميزات
5- كوبون خصم على التظليل والخ وهذا كل المعارض يعطونه
6- تقدر تمدد الضمان الى 10 سنوات ( اختياري برسوم رمزيه)
7- موزع رسمي لعديد من الوكلاء

قارنت اسعارهم بالسوق والله فيه فرق ... وهذي بعض المقارنات:

كامري 2020 LE بالمعارض ب 93500 وعندهم ب 90100 ( فرق 3400)
فورد تورس 2020 SE بالمعارض 109 الف وعندهم ب 105 الف ( فرق 4 الاف)
هيونداي H1 موديل 2020 بالمعارض ب 85250 وعندهم ب 82600 الف (فرق 2650)
و انت ماشي كل السيارات


المهم قلت كيف الطريقه قال تحجز اونلاين وتدفع 500 ريال حجز (مستردة) بواسطة بطاقة الصراف (مدى) لإثبات الجدية .
بعدها تحول باقي المبلغ حوالة بنكية الى حسابهم الرسمي بالراجحي

توكلت على الله وحجزت خصوصا بعد ما عرفت ان شركة علم (الحكومية ) تملك 10% منه شركة سيارة اونلاين و ايضا المجدوعي يملك فيها 5% وانها شركه كبيره

دخلت اخترت السيارة والمواصفات و طلع لي الحساب كامل مع الضريبه والخ (سيارات جديدة فقط وقالوا لي مستقبلا بينزلون مستخدم بس مضمون)
و دخلت بيانات بطاقة مدى وحقت الراجحي وحجزت ... (احتفظ بالايصال او صور الشاشة)

بعدها جاني اتصال منهم لتاكيد الطلب و اكمال المبلغ و فعلا حولت المبلغ لهم و مباشرة كلموني وقالوا تبي تامن او نامن لك ؟ قلت لهم لا انا ابي اسوي التامين عن طريق موقع التامين و فعلا ارسلوا لي مباشرة البطاقة الجمركية و سويت التامين
و لكن التامين ما ربط مع أبشر الا ثاني يوم وهذا الشي اخرني بسبب شركة نجم ... المهم ثاني يوم بعد ما ربط التأمين راحو وطلعوا لي اللوحة والاستمارة وبنفس اليوم باليل سلموا السيارة الى البسامي

والحمد لله وصلت السيارة بعد 4 ايام والحمد لله واستلمتها وكل شي تمام واستفدت:
وفرت فلوسي ( حوالي 4500 ريال عن المعارض فرق) لان الموظف قالي انهم اقل شي بالسوق وفعلا دورت مالقيت اقل منهم
ريحت بالي (لا معقب ولامراجعات ولا لوحات ولا مرور مرتاح في البيت)
ضمان ممتد 10 سنوات
خدمة المساعدة على الطريق سنه كامله مجانا
كوبون خصم بس للاسف ما فيه فرع بمدينتي بس وعدوني يشوفون شركه في نفس مدينتي مستقبلاً. :(


لكن ملاحظتي لو يسرعون بعملية الشحن و يدورون غير البسامي والشي الثاني عندهم ضغط و يتاخرون بالرد عليك بس مو دايم حسب الوقت باليوم ...

نصيحه: اذا اطلب صور اكثر اذا ماكانت الصور كافيه

السلبيات:
الخوف من شراء شيء غالي من الانترنت (وهذا تخوف طبيعي عند اي واحد) وهذا يزول بمجرد انه تعرف انهم شركة رسميه وموجودة و مملوكه لجهات شبه حكومية و شي ثاني الحين في امريكا وبريطانيا والصين والدول المتقددمه كلها تشري سيارات اونلاين وهذا الشي اكيد بيجي عندنا.
التاخر من شركة الشحن ( وهذا حسب مافهمت حسب مدينتك ومكان وقالوا الرياض الشحن بنفس اليوم الدمام وجدة ثاني يوم توصل وكل ما ابتعدت اكثر زاد مدة الشحن من البسامي)
بعض السيارات مالها صور كافيه فتضطر ترسل لهم طلب ارسال صور ويرسلون لك بس بدل مايرسلون ليش مايحطوها في الموقع ...

ملخصها: انصح الجميع وخصوصا اللي يفرق معه توفير الف و الفين وثلاث الاف و ماعندهم وقت يراجعون ويدورون انهم يستخدمونه ويرحون مخهم




حبيت اشاركم تجربتي

والله يوفق الجميع

إبلاغ

الردود