مشكلة في عزم مازدا

وعليكم السلام ورحمه الله وبركاته

الله يعوضك بأحسن منها وتأكد أنها خيرة بإذن الله
المشكله غريبه دعسة البنزين تثقل وتحجر ما ادري بس شيك على البخاخات او سو لها تنظيف
ترى انا بس اتفلسف ولا عندي خبره بذا الموضوع

المازدا سيارة ممتازة لكن وكيلها معفن

وأكرر يا غالي الله يعوضك بالأجمل والأحسن
وتذكر وعسى ان تكرهوا شيئاً وهو خيراً لكم


حده بس يبيعك السياره وتجي تسوي صيانه وبتدفع فلوس ويتعاملون معاك على انهم متفضلين عليك

فيصل الحربي . 100 % كلامك عين الصواب وصحيح .

الوكالة ماأحسنهم واجمل كلامهم قبل البيع . عروض، واغراءات ، ومدح ، وابتسامات، وهدايا، وتخفيض ،
وعند الضمان والصيانة ، لاتجد احد يستقبلك ، وان وجدت تجد شحوب الوجوه وعُبس المنظر، واجف العبارات،

كلهم ، تويوتا ومازدا ،

مشكلتكم تقولون الوكالة سيئة .. يا حبايبي مافي وكالة سيئة .. قول انك انت قليل حيلة .. مع احترامي لكم
تروح للوكالة وما صلحوا سيارتك خذهم بالصوت .. لا تقول منظر مو حضاري ومدري ايش ؟ انت دافع زيادة عن قيمة السيارة بنسبة 20% قيمة الصيانة لا تطنش حقك

لا تتنازل عن حقك .. هم سارقينك سارقينك بس عالأقل خذ مقابل للسرقة !!
رح انفضهم وازعجهم وغثهم سيارتك ما زالت بالضمان ذلهم ..
ما نفعوك ارفع السماعة للشركة الام .. طقهم إيميل

كانت معي افالون ومشيت عليها حدود 12 ألف ولاحظت اللون متغير للصدامات الأمامية والخلفية وشكل الحساسات مختلف عن خواتها

رحت لهم وكالة ابو جميل الحقير ..وازعجتهم بالأخير الموظف ولحتى الآن اتذكر اسمه ( طارق بن زياد) قالي بلط البحر قلت له خير
ومراسلة الشركة الأم وتم ذكر جميع التفاصيل .. ويجيني اتصال من دبي .. واعتذروا لي وقالوا لي رح للفرع دوار الأحساء عند الموظف سعود .. ورحت له ويرحب بي وقهوة وحلا كني جاي أخذ قرض

وياخذون السيارة ويفحصونها وكل شي ويبدلون لي الصدامات والحساسات وفوق هذا كله كرت تظليل مجاني من 3 إم .. واعتذار خطي بورقة

يا حبيبي لو فيه مسمار مفقود بسيارتك رح لهم لا ترحمهم بشي .

كفو يالاحترافي بردت قلبي بردك

انا صارت معي مشاكل مع سياره صينيه واروح للشركه ع الضمان يقولون صيني ياخي هي كذا

قلت اوريكم انتم والصينيه
بلغت التجاره وصلحو السياره ولاعاد تكلمو ولاقالو شي

قالو اي ملاحظات تعال وابشر بس فكنا من التجاره

هذا وانا موديل سيارتي 2017

وانت سيارتك موديلها 2018 وتجي تشتكي هنا
روح للوكاله وبلغهم باللي يصير

رفضو ارفع صوتك عليهم
مافي فايده بلغ التجاره
اخر شي الشركة الام
قوقل صار يترجم ترى

سيارتك تحت الضمان وانت تروح تصلح على حسابك وياليت استفدت شئ كله بسبب ان الوكالة سيئة!! أرجعلهم وفهمهم ان السيارة تحت الضمان يا انهم يصلحوها او يرجعوا فلوسك.. انت غيرت كل شئ مابقي غير طرمبة البنزين, والسيارة صارت تسخن يمكن تخبط في اي وقت اول ماتطلع من الضمان وانت خسران.

اعتقد والله اعلم انها عين دام انك كشفت ولا يوجد بها شي

للاسف شركة زباله

الحمد لله على كل حال انا ما راح أبيع السياره لاني بخليها لي ولعيالي ان شاء الله 
لكن اللي مزعلني انها جديده وخربت ورحت الشركه كل يومين انا عندهم اضارب معاهم اروح بموعد او بدون موعد
لكن شكلها عين او عطل طرمبة بنزين خلفيه

لا عين ولا هم يحزنون
سيارة مثلها مثل ملايين غيرها .. يحصل خطأ مصنعي أو عدم التركيب بشكل جيد وغيرها اسباب
رح للوكالة بشكل نظامي .. وبيركب فني ويجرب السيارة
ما فادوك بشي كلم الشركة الأم باليابان . وخطاب شديد اللهجة والله غير يدقون عليك

فيه واحد قال لي إذا السياره تتفتف أو تطفي إذا وقفت فهذي الكويلات خربانه أو الكهرباء الموصله لها فيها شي

انت تروح لمغسله سيارات اللي ينفخون بلي الهواء لتنظيف السياره غلط
دخل داخل دعسه البنزين حصى واتربه
ومثقل عليك الدعسه لانها كهرباء
غير دعسه البنزين وان شاء الله تضبط معك
ورح للمغاسل اللي تستخدم مكنسه كهربائيه

والله ممكن من غسيل السياره دخل لها تراب يبغالي اجرب انظف الدعسه

شوف اخوي انا اقولك ايش الحل افتح الكبوت تحصل السلك حق الدعسة في اخرها صامولة نظف السلك مع الصامولة اكيد داخلها اتربة شكلك مغسل السيارة او جاء عليها رطوبة او غبار

الكاسر وين احصل السلك حق الدعسه 

الكاسر وين احصل السلك حق الدعسه 

الكاسر حلوه يدور سلك الدعسه ترى السياره مازدا 2018 مو ددسن 86

طول الله عمرك مشكلة سيارتك من دبة البيئة الكتالست

فيه سائل يدخل عن طريق الثروتل قيمته ٤٠ إلى ٥٠ ريال وينظف دبة البيئة
ابحث عن تنظيف دبة البيئة في يوتيوب.

وهذا حل مشكلة سيارتك

دبه البيئه سو لها تنظيف