وش افضل شركة حماية واجهه وتكون ذات جوده وضمان وخدمه بعد لبيع

والله يا عزيزي انا أشوف كلهم واحد
والخامة وحدة
والشركة اللي تصنع وحده

رحت لهم قالوا حماية عرض خاص 2700 ريال .. اللي هي الواجهة
ورحت شريت فلم الحماية كامل من أمريكا وجاني عن طريق بريد واصل عالمي جاهز بحدود 600 ريال
ورحت لأبو يمن بالغرابي وركبه لي ب 300 ريال ... ووفرت الباقي بجيبتي

من اي موقع يالاحترافي شريته لاهنت

حياك يابو عبدالله

انا شريت الفيلم من موقع امازون
تجي طاقة كاملة .. اخبرها كان سعرها 140 دولار شركة VViViD
وفيه شركات كثيييييييرة عد واغلط .. لكن الشركة هذي ميزتها لمعة البدي تجي قوية جدا كنها وكالة
والسمك افضل ..

معلومة تخفى عن البعض / ترى كل ما زودت طبقات الحماية او النانو سيراميك تزيد من وزن السيارة

عشان كذا انا لما شريته شريته لكامل السيارة .. زي النانو سيراميك ..

لكن الوجهية الأمامية عادي تحط حماية ..

جيو شيلد عندهم عرض خصم ٤٥٪؜ حتى نهاية ٢٠١٩ وضمانهم مفتوح

بيض الله وجهك يا الاحترافي افدتني
احسن مااروح لمحلات هنا واسعارهم غالية
تسلم ماقصرت

ووجهك يابو عبدالله
الحمد لله اني افدتك
بالتوفيق