من يفيدني بخصوص المشروع متردد وأبغى شوركم

1 1

لايمكنك التصويت حتى الحصول على 20 نقطة على الأقل
إضغط هنا للإخفاء

ابو مزهي 94
قبل 4 سنه و 12 شهر

السلام عليكم ورحمة الله وبركاته

بدخل بالموضوع .. شفت مشروع مغسلة سيارات في الدمام مشرف عليها ولد شباب وما شاء الله شغل نظيف ودائما هو ماسك المغسلة .. سولفت معاه قلت له كيف الشغل متعب مجدي علمني .. قال والله لا متعب ولا شي أنا بس أشرف على العمال .. والشغل مجدي جدا جدا الحمد لله .. قلت طيب دامك حاط كاميرات خلاص ما يحتاج تكون موجود ..ضحك وقال لا يا حبيبي ما تقدر تسيطر على حلالك إلا إذا كنت واقف عليه ومتابع كل كبيرة وصغيرة .. قلت طيب علمني كم الدخل صافي دام عندك إيجار ورواتب ستة عمال اثنين غسيل وأربعة تنشيف والماي والكهرب والصابون ووو .. قال شكلك ناوي تفتح مغسلة هههععع .. قلت إيه والله تحمست للمشروع شغل مرتب وعمال لابسين زي موحد ومواد ممتازة .. يا الربع قال لي صافي ربح شهريا مبلغ ما تصدقون ما شاء ما يقل عن 25 ألف ربي يزيده والله لأنه يستاهل ..
سؤالي المهم إللي نسيت أسأله هو كيف تقدر تراقب العمال والدخل مزبوط ؟! طالما فيه كاميرات كيف العمال يقدرون يلعبون بذيلهم ؟!
أتمنى تعلموني لأني أخذت كل تفاصيل المعدات والمواد والغسيل يدوي أصلاً بالمسدس وطلعت ما تكلف واجد .. الإيجار إللي يكون مرتفع بس ويفرق كثير إذا محطة بنزين أو موقع ثاني او مجمع خدمات وكذا.
ألحين فتحت المغسلة مثلا ومسكتها شهر أو زيادة وعرفت الشغل والدخل والويكند وبعد الأمطار والعج وكذا خلاص ما يحتاج أمسك المغسلة .. وبحط لوحة للملاحظات اتصل على وأحط رقمي .. كفاية كذا والباقي كاميرات وأريح خلاص.
أفيدوني لو تكرمتم لأني بإذن الله ناوي أستنسخ كل التفاصيل إللي مسويها الرجال لكن ما أمسك الشغل على طوووول لا .. والمغسلة حقته يمكن يعرفونها البعض في حي الفاخرية "الشعلة".
هذا والسلام ختام .. ونسيت أقول عادي لو فيه شريك بحيث تكون المغسلة في محطة بنزين في الدمام المحطات يا كثرها في الأحياء الجديدة كل كمن يوم فاتحة محطة ودخل المغسلة بيكون أعلى في محطة .. وطريقته بعد حلوه إللي يغير زيت غسيل مجاني لكن مدري كيف يستفيد منها ؟؟؟؟ هي حركة حلوه لأنك بتشوف شغل نظيف وتنشيف وتمسيح بالملي وبتصير تغسل فيها .. لكن مدري كيف يكون إتفاقه مع البنشري وكيف يستفيد ؟!
طولت عليكم .. فمان الله.

إبلاغ

الردود