رايكم بسياره بحدود 20 الى 25 الف ريال

عليكم السلام
تجيب لك صني واكسنت ويارس وانصحك بالصني اوسعهم
وافضل تكييف

اذا مالك بالفئه هذي وتبغى اكبر تحصل لكن اقل نظافه
مثل النترا كورلا

الممشى اذا كثير اكيد راح تطلب السياره صيانه اكثر
لكن الاهم النظافه احرص على الفحص الكمبيوتر
وجرب سواقة السيارة بنفسك

و عليكم السلام و الرحمة
اللي مثل وضعك أول مرة لازم احد يروح معك و يكون فاهم
تصفح اعلانات الموقع بمدينتك و السيارة اللي تجوز لك
حاول تشوفها و تفحصها زين و ما عليك من السعر او الحد
اذا شافك صامل و جاد كثير منهم محتاج كاش ينزل لك و تتم البيعه ان شاء الله
اسأل الله التوفيق قبل كل شي

السلام عليكم
كل ما كبر حجم السيارة زاد سعرها وقل موديلها يعني مثلا لو عندك 25 الف وتبي تويوتا لو شريت يارس ممكن تحصل موديل 2016 ولو تبحث عن كورولا بتحصل 2013 ولو كانت كامري بيكون موديلها 2011 وعلى هالحال .
بخصوص الممشى لازم ماتتعدى 30 ألف في السنة فلو كانت 2017 يكون ماتتعدى 60 ألف (حسبة تقريبية) . الصني سيارة عملية واقتصادية ولو تقدر تاخذ جديد احسن سعره حوالي 37 الف
في اعلانات بموقع حراج لناس عندها خبرة في السيارات وانها تفحص لك بمبلغ معين لكني ماعرف احد منهم اذا يناسبك جرب اتصل احسن ماتروح لحالك وربي يوفقك

اهم حاجه ابعد عن السيارات الغير منتشره فى الشارع وقبل لاتاخذها اسئل عن قطعها اذا متوفر وسعره مناسب لك والممشى مايكون كثير فيه حاجات كثير لازم تركز عليها الافضل تاخذ معك احد عنده خبره فى السيارات لوكنت فى الرياض وتبي اطلع معك ابشر بسعدك 
خش النت وتفرج على السيارات شف السياره الي تجوز لك مابي اقترح عليك سياره انت مدري ايش ميولك عليه كوري ياباني امريكي وماادري ايش الفئه الي تبيها لازم تحدد النوع الي تبيه والله ييسر امرنا وامرك 

في الحقيقة 20-25 ألف ممكن تجيب لك سيارة
لكن أنت وحضك
ممكن تكون في نهاية عمرها الافتراضي
وممكن يكون صاحبها محافظ عليها وتكد معك خمس سنوات

طيب شباب لو ضغطة نفسي زيادة وصلت المبلغ الى 30 االف وش السيارة اللي اقدر اجيبها ..؟