43000 ريال لها 22 سنة

اخوي خذ الشيك وعالبنك وقدم شكوى وهم يرفعونها الى الشرطه والشرطه تستدعيه وبعد الشرطه للمحكمه 




والله يعينا وياك 

بتروح عليه الي بسمه الشيك اشوفهم مسوين حملة الي يصرف شيك بدون رصيد 

الوضع الان تغير طبعا للافضل من قبل كان الشيك ضياع اما الحين تغير النظام وماعليك الا ان تذهب الا الحقوق المدنيه ومعك الشيك وخطاب اعتراض من البنك ان مافيه رصيد وتقدمه لان قضيه الشيك الحين صارت جنائيه يعني يعمم علا الشخص في جميع النقاط ويصبح شخص مطلوب وبرضه اذا تبي تمرمطه صح قدم نفس الشكوا علا الغرفه التجاريه قسم الفصل في الاوراق الماليه واي ستفسار انا حاظر بس نسيت اقولك شف الشيك مسجل فيه حرر في وذكر المنطقه ترا مهمه

الله يرجع حقوقكم..
هذا ماعنده ظمير.. مدري كيف ينام..

بارك الله فيكم والله انكم رجال وما قصرتم

أتمنى أي أحد مر بالتجربة يفيدني بالخطوات بالتفصيل

الله يرجه ضالتكم انشاء الله

يرجه=يرجع

مرت علي تجربه الله لايعيدها زمان ايام كان النظام غافل عن المتلاعبين بس الحين رح للبنك الي اصدر الشيك ثم اطلب منهم خطاب اعتراض ثم قدم معه معروض للحقوق المدنيه مع صوره من الشيك وصوره من خطاب البنك ثم قدمه لمدير الحقوق المدنيه وأذاك برضه تبي تقدم نفص الطلب علا الغرفه التجاريه وابد يعممون علا الجاني لانه يعتبر في النظام الجديد قضيه جنائيه ويجيبونه طبعا اذا مسكوه بيقول الجاني حولونا الا الشيخ اي القاضي كي ابرر حجتي يمكن يطلع لك بشغله ماتحسب حسابها كان يقول للقاضي اعطيته فلوسه نقد ونسيت الشيك معه ومن هذا القبيل احسب احسابك لاكن الغرفه التجاريه ايضا تجبره بدفع اوتأمين الشيك الا ان يتم الفصل من القضاء كان الله في العون هي شغله طويله عريضه تعرضت لمثلها زمان والله كرهوني حياتي لاكن خلها قاعده ترا الحلال مايروح

فيه ناس يقولون الشيك اذا مضى عليه 6 اشهر ما تصير له قيمة ويصير كمبيالة

هل الشخص معروف لدا الوالد كأن يكون من الجماعه مثلا او زميل عمل هل مازالت تربط الوالد به علاقه

ياخوي بتتعب نفسك مشاوير وإمكن ترجع الفلوس او لا

خلها ليوم القيامه ترجع حسنات انت في حجتها يوم القيامه
الوالد راحت علي ارض على مد البصر صح انقهر وتعب وفكر بقتل السارق لاكن يقول تذكرة قوله تعالى ((.. من قَتَلَ نَفْساً بِغَيْرِ نَفْسٍ أَوْ فَسَادٍ فِى ٱلأرْضِ فَكَأَنَّمَا قَتَلَ ٱلنَّاسَ جَمِيعاً وَمَنْ أَحْيَـٰهَا فَكَأَنَّمَا أَحْيَا النَّاسَ جَمِيعاً...)) الاية لاكن الحمدلله على كل حال
الصبر الصبر زين
والله يخلف عليك بخير

لا والله المشتري مو من الجماعة

واللي حمسنا نطالب بالقضية هو النظام الجديد اللي يعتبر اصدار الشيكات بدون رصيد جريمة يسجن عليها

حسبي الله عليه بيجي يوم وواحد يلعب واذا ما خذيته منه في الدنيا بتاخذ الاجر في الاخره ان شاء الله

شف لك واسطة في البنك وطلع اعتراض وتقدم للشرطة اذا اقدر اخدمك كلمني لوجه الله

انت جرب الاجرائات الي ذكرت واذا حصل فيه صوره من المبايعه يكون احسن