سيارات الحكومة
3
1
إضغط هنا للإخفاء
السلام عليكم
قريت تقييم سلبي لاحد الاخوان يشتكي من معلن باع له سيارة من مبيعات الحكومه وأن السيارات الحكوميه ليس لها صيانة جيده.
فقلت اكتب تجربتي مع سيارات مبيعات الحكومة:
بحكم انه سبق استلمت سيارة حكومية خاصه مستعمله من زملاء سابقين.
احب افيدكم ان سيارات الحكومة الي مع السواقين والمراسلين فقط هي الي لها صيانة ولهم بنزين.
وحتى السيارات التي مع الدفاع المدني او الشرط او المرور حتى لو ممشاها قليل يكفي انها تبقى شغاله 8 ساعات للتكييف وغيره.
اما السيارات التي تسلم للموظفين (عهده خاصه) يعني لاستخدامه الشخصي
هذي يلعبون فيها لعب
ما تعرف الصيانة ولا تشم ريحتها ويصلحونها عند اقرب ورشة ولا لها فحص دوري ولا تجديد استمارة.
ويحملون فيها برسيم وغنم وهي سيارة صغيرة سيدان او جيب فما بالك بالوانيت
بالذات المدراء
لانه ضامن كل اربع سنوات او خمس سنوات تجيه سيارة جديده لو ما تطفي من البنزين ما يعبيها حتى الزيت ما يغيره اصلا
ويرمي السيارة القديمه على موظفيه الي تحته
الموظف الي تحته مسكين ما يحصل سيارة إلا بالعشر سنوات تلقاه يبدأ يرقع فيها وبعدها يسلمها تالف وتباع بالمزاد العلني.
الزبده مو كل سيارات الحكومه تبع السواقين وتتصلح بورش الحكومه وشغل نظيف وقطع أصلية.
جلد مو جلدك جررره على الشوك
يعطونها عيالهم وعيال عمهم والمدراء الكبار يعطونها السواق يكرونها كرر ثم لما يتقاعد يسلمها او يسلمها وهو على راس العمل إذا طاب خاطره
تسلم رجيع للوزارة تنزلها لمزاد علني وتباع للناس.
والناس تسمع بورشة الوزارة الفلانية وكراج الوزارة الفلاني يعتقدون ان كل سيارات الحكومه لها صيانة وقطع اصلية وكذا ويقبلون على شراءها.
إبلاغ
الردود
1
0
2
0
لكن تلقى 100 موظف ساقها , وكل موظف أجن من الثاني . . . يقرشعون فيها بالمطبات وبالأرصفة والحفر ولا طق لهم خبر , وزيتها يقعد سنتين و 3 ماغيروه . . . .
زيت القير مايغيرونه أبد , السيارة يشغلونها الصبح بعز الشتاء بعز المجمداني ويعشقونها على طول وانطلق , مافيه انتظر 5 دقائق خلها تحتمي شوي . . . . .
بعز الصيف يجيك الموظف يطفي السيارة والمكيف شغال ومن بكرة يجيك خويه ويشغل الموتر والمكيف على تشغيلة خويه أمس وعشق وانطلق ويالله . . . .
لين يجي واحد حبيب منهم ويطفيه من عنده يمكن بعد أسبوعين وإلا 3 ههههههههههههههه . . . .
لذلك لو تعرض علي سيارة حكومية بـ 10 الآف والله ما شريتها . . . . . قال ورشة حكومية قال هههههههههههههههههه . . . . .
1
1
قمة الجهل والغباء والسذاجة في بائع يذكر ملاحظة مثل تلك.
يعني هؤلاء نازلين من السماء! أشخاص مثهم مثلنا.
طبيب يفهم بالطب مو يفهم بكل شي بما فيها حسن استخدام السيارة.
البعض إذا قالوا له فلان دكتور أو بروفيسور على باله يفهم بكل شي, لا يا مسلم يفهم في تخصصه الذي درسه فقط. ربما يصلح سيارته عامل لا يقرأ ولا يكتب ولم يعرف يقود سيارة
سبق وضبت سيارة عند ميكانيكي فلبيني بصناعية الخليج بالرياض ما يعرف يسوق.
دكتور وامير ومهندس كلن فاهم في مجالة.
0
0
قبل 4 سنه و 11 شهر