أخطاء بسيطه تدمر جيبك
19
0
إضغط هنا للإخفاء
السلام عليكم و رحمة الله و بركاته
جمعة مباركه للجميع
موضوعي مختصر لكن مفيد بنفس الوقت و مهم
كثير يطلع خراب بسيارته و ادا راح للورشه و استقبله داك الحلاق قاله توضيب او تغيير بدون البحث عن سبب العطل الاساسي
فمثلا في اشياء في القير او المكينه تخليك تشك ان واحد منهم خلاص راح و لازم تستبدل
مواقف جتني من قبل او عند اصحابي و حتى في الورشة اللي اجلس عندها تصير مواقف بسيطه تافهه
ماتعرف عنها الا بعد اليأس
مثال
سوبربان
كان عندي تأخير بالتعشيقات لسوبربان و ادا دعست يسرع بالتعشيق
فحصت كل شيء حتى الحساسات و بالاخير توضيب و الحمد لله ماوضبت و لا مره مع التعب اسبوع كامل
طلع عندي سلك الحساس اللي يوصل للقير تجيه حراره و استبدلته و اخرتها اخد العامل مني قوطي بايسن
ألتيما
كانت فيها تفتفه و خويي استبدل منها البواجي و الفلاتر و الاسلاك و من الصيانه المعروفه و لا في نتيجه
و بعد التعب حوالي 10 ايام حتى قرر يبيعها تشليح طلع من فلتر البنزين الخارجي غفل عنه
هوندا اكورد 6 سلندر
هدي اخر تعبتي فيها و توي البارحه خلصت منها
كانت تشتغل عندي لمبة VSA و تشيك انجن و الخطر تقريبا كل اللمبات شغاله
استبدلت الثروتل بدي اربع مرات و حساس دعسة البنزين كامله و برمجه و تحديث و لا في اي نتيجه
نظفت افياش الحساسات كلها خصوصا حساس الكرنك و لا في اي تغيير و الكمبيوتر يطلع خراب الثروتل
اخر شيء طلع عندي الدينمو تعطي كهرب زايد لان فيها زيت بعد استبدال الزيت و الفلتر في البنشري
صار شوي على الدينمو و تعطلت صلحتها ب 250 ريال فقط
كامري على كلام زبون في ورشة صاحبي
كان فيه دخانه سوداء مع صرفيه بنزين و تفتفه اوقات تجي و اوقات تختفي و تمشي مضبوط
غير ظفيره و بعدها منظم و الكمبيوتر طبعا على ضمان الورشه الحمد لله ماخسر لان ماضبطت عندهم
بعد التعب و المجهود طلع عنده كويل واحد بس شغال بس فيه كسر خفيف مايوصل كهرب زين اخد مستعمل ب 50 ريال
يوكن
ضعف في ضغط المكينه و الامبير دايم نازل اقل من الربع
استبدل طرمبة الزيت مع الجلد حقها بدون اي فائده و انا في نظري الطرمبة قليل خرابها خصوصا بالامريكي
اخرتها من فلتر الزيت التجاري شكليا نفس الاصلي و الكرتون نفس رقم الاصلي بس الفلتر تجاري يكون من داخل اضعف من الاصلي
اوقات يصير عندكم اسباب تافهه تخليك تخسر مبالغ واجد من سبب عطل بسيط و حتى الكمبيوتر مايطلع لك
الخراب بالضبط خصوصا ادا كانت كهربائيه
تروح لورشة ابتدي في حل المشكله في الامور البسيطه قبل الكبيره
قبل لا تشتغل في المكينه شوف توصيلاتها و حساساتها و فلاترها
او القير شيك على الاسلاك او الفلتر او الزيت قبل التوضيب او الاستبدال
حاولوا تتفادوا الخسائر بالبحث عن ورش مضمونه و قطع غيار اصلية او بديل ذو جوده عاليه
و الاهم الميكانيكي الشاطر
تحياتي للجميع
إبلاغ
سيارات للبيع
الردود
5
0
صدقت لكن المصيبه ان اغلب الورش اما حرامي فاهم
او حرامي غشيم اكيد فيه فاهمين وشرفاء لكن قليل
الحل انك ماتستعجل ابدا ابدا بالاصلاح وتمر قد ماتقدر
من الورش واذا صلحت اشرط
يضمنون شغلهم واطلب فاتورة
1
0
وسؤال اهل الخبره الثقه
اسال الثقه والامور باذن الله ف السليم
2
0
اكثر من ورشة قالو توضيب قير واللي مسوي فاهم يقول ما اقدر اقول لين افك القير
واعلمك وش المشكلة بالضبط
وبعد الفحص بالكمبيوتر طلع حساس كرنك
1
0
وابدأ بالبسيط و بعدين الصعب او اللي يحتاج شغل اكثر
انا الحمد لله ربي مسخر لي ناس أمينة ما يبولي الخسارة على الفاضي
الباث عندي خرب المكيف صار يطلع هوا حار و بعدة مدة يبدأ يبرد
و عقب ما غيرت الكمبريسور مع الغرشة و الفالف اللي من الفريون للثلاجة الحمد لله انحلت المشكلة و بعد طلوع الروح طبعا روحات
و جيات
1
0
قبل 4 سنه و 11 شهر