أضف سؤال أو موضوع جديد          

رأيكم في باترول جديد

up 3 down 0
راعي بر 48
قبل أسبوع و 6 يوم



السلام عليكم 
يا رجال وش رايكم بالباترول من ناحية الاستخدام 
انا كنت ناوي على برادو 2020 فل كامل لكن سعره فوق 180
ولقيت الباترول 2019 جديد نص فل قريب من هالقيمه وبديت افكر 
بالباترول افضل مواصفات واوسع. 
هل تنصحوني بالباترول ولا اهون. 
كيف استخدامة مع الوقت وهل فيه عيوب 
هل هو موتر كد وعملي 
واسعار قطع الغيار الاستهلاكيه 
انا ماعندي اي علم عن الباترول ولا اعرف احد استخدمه
وجزاكم الله خير. 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


و عليكم السلام و الرحمة
ما عندي علم عن استخدامه
لكن معروف انه يصرف بنزين الثمان سلندر
اما الست سلندر صرفيته قريبه للGXR V8
و اقل منه قوة و عزم
بشكل عام بيتغير شكل الاثنين اجيال جديدة
بعد سنتين بالكثير و ممكن تنزل مكاين ست سلندر تيربو
اقوى و اوفر
اللي بيشتري الحين باترول ما تغير من ٢٠١٠ الا شي بسيط
و اللاند بعد اللي معه ٢٠٠٨ ممكن يرهمه من برا ٢٠٢٠
ما يسوى عليك تشتري جديد بمبلغ جامد و سعر البنزين كل ٣ شهور يزيد او زين كان ثبت


up 1 down 2
1405-1985 1002
قبل أسبوع و 5 يوم



مثل ما تفضل الاخ
انا مثلك افكر في الباترول لكن من عرفت انه سنتين و بيتغير كليا قلت الافضل انتظر يمكن ربك يسهلها و يفرجها من الآن الى
سنتين. و نيسان وضعها اصلا يخوف بعد اللي صار مع كارلوس غصن الله يعلم وش بيصير في ذي الشركة لكن نقول ان شاء الله
خير.


up 3 down 0
بدر الباثفايندري 1083
قبل أسبوع و 5 يوم



اذا الاستخدام مو في البر. فكر في التاهو الجديد مكينة قوية و صرفية ممتازة و قير 10 سرعات و تقنيات حلوة وكمان قطع في كل مكان وسعر حلو عند البيع وشركة جي ام موترز كلها ماعندها شئ اعتمادي مثل التاهو واليوكون ونسخهم البيك اب


up 4 down 1
dell2012 963
قبل أسبوع و 5 يوم



نيسان وضعها غير مستقر لا عالميا ولا محليا


up 3 down 0
dell2012 963
قبل أسبوع و 5 يوم



و ترا حتى البرادو بيتغير قريبا
ثالث تغيير بشكله من نزل ٢٠١٠
نفس الفورشنر نزل ٢٠٠٦
تغير شوي ٢٠٠٩ و تغيير ثالث ٢٠١٢
و ٢٠١٦ جيل جديد و الهايلكس و الانوفا نفس الطريقه


up 1 down 0
1405-1985 1002
قبل أسبوع و 5 يوم



عليكم السلام

من ناحية بر ودبلات ماعليه كلام من ناحية راحه من ناحية رساوة
من ناحية عزل موتر ماعليه كلام

لكن سته سلندر هو والاند بالنسبه لي ماخذهم لو بنص السعر
اذا تبغى باترول عليك بال8 سلندر تنسسسسى كل المواتر
معه

اما مقارنه بينه وين البرادو بالنسبه الباترول افضل بكثيرر
لامن شكل ولاراحه ولاوسع

انصحك بتاهو استاندر دبل عزم وصرفية وسعر


up 1 down 1
عاشق البيداااء 27
قبل أسبوع و 5 يوم



الله يبيض وجيهكم ماقصرتو 
بالنسبة للامريكي مالي رغبه فيه خصوصاً اني دايم اطلع البر 

بس كيف قطع الباترول من ناحية السعر وهل هي متوفرة 
وهل الباترول سيارة اعتمادية تتحمل الكرف ولا سيارة حساسة


up 1 down 0
راعي بر 48
قبل أسبوع و 5 يوم



ياخوي مع احترامي للباترول لكن تسكيرة الباب حقت صني، شف الباجيرو الشكل القديم والله يوفقنا وياك


up 0 down 2
abu mohammad 555 60
قبل أسبوع و 4 يوم



شوف انا كنت من عشاق النيسان

لكن بالفترة الاخيرة لو بريال ماخذيته

اول خمس سنوات وشزينه وبعدها الله وكيلك يطلب قطع لدرجة ماتتصورها
واغلب القطع بالسوق حتى لو اصلي تغيره وفتره تغيره مره ثانيه من واقع تجربة بالالتيما

اضافة إلى لو جيت تبيع يخسفون بقيمتة سابع قاع

شوف لك برادوا مستخدم موديل السنة او قبلها
او لاندك من تويوتا ولك ولزمن عشرين سنه قدام خدوم وقطع غيار متوفرة ويصبر معك
وان بغيته للبر وان بغيته للمدينه والسفريات

انبهك لايغرك الشكل والاكسسوارات

غيرررر توووويتوووتا لاتدور تكفى


up 1 down 1
aboahmed2014 1110
قبل أسبوع و 4 يوم



من ناحبة اعتمادية وبر ماعليه كلام ابدا

والقطع متوفره وكثير ورش تشتغل فيه ودايم اقول
من شركة نيسان لاتأخذ الا باترول y62 y61 والصني
اما الباقي مكسيما على التيما على نافارا قطعها غير متوفره بكثرة
والروش قليل من يشتغل فيهم ويعرف مشاكلهم

بالنسبه لاسعار القطع تقدر تسوي مقارنه بينه وبين المنافسين
وراح تشوف انه ارخص منهم

اذا الموضوع بين الرادو والباترول اقولك باترول اكيد
لكن البرادو افضل كحجم داخل المدينه


up 0 down 0
عاشق البيداااء 27
قبل أسبوع و 4 يوم



وعليكم السلام ورحمة الله وبركاته

طبعا لا مجال للمقارنه بين البرادو والباترول.. من ناحية التصنيف الشمولي للفئة، لذلك بما ان السعر مقارب فالباترول هو الخيار الأنسب. الجودة والاعتمادية هي ذاتها بين تويوتا ونيسان لا يوجد فروق شاسعة والباقي توفيق من رب العالمين.
بخصوص استهلاك الوقود، اعتقد انه لن يكون عائقا أمام من يفكر بمثل هذه السيارات.. اما بخصوص قطع الغيار والصيانة .. انصحك خذ كشف الصيانة الدورية لكل الخيارات المطروحة امامك وسعر القطع الاستهلاكية كذلك من الوكيل.
ع الاغلب هي متقاربه وتميل لصالح البرادو بعض الشيء.
بالنسبة لموضوع السته سلندر ام ثمانية،، طبعا وبكل تأكيد الثمانية سلندر عزم وتسارع وتورك وراحة و بالنسبة للبر.... ال8 وبس
.
.
.
هذا لا يقلل من شان ال6... لكن بالنسبة للمعتاد بتفرق.
و ع كل حال احسن من البرادو فالبر كقوة.

الشكل لافت للنظر وجميل جدا... وصدقني رح يكون الشكل المرغوب اكثر بين القديم والجديد.
اذا تقدر ع ال8 جيبه... بعد 3 سنوات ..راعي البر مثل مهو اسمك رح يدوره


up 1 down 0
ibh.x976 726
قبل أسبوع و 4 يوم



الله يجزاكم خير ما قصرتو
بالنسبة للباترول 8 سلندر يقولون فيه مشكلة طرمبة البنزين فيها قطعه 
لازم تتغير واذا ماتغيرت تسبب مشاكل بالمكينة 
هل هالكلام صحيح. 
او ممكن يكون عيب بـ8سلندر



up 0 down 0
راعي بر 48
قبل أسبوع و 4 يوم