منين اخذ قرض

اراجحي

فيه عنده برنامج نسيت اسمه للشركات الغير معتمده  بس ما يعطونك زي الشركة المعتمده يعطونك لحد ٦ رواتب يعني انت يمكن يعطونك ٣٠ الف خويي مثل وضعك بس لازم تكون انت عالتامينات

الله يوسع عليكم ويزيدكم من غناه وفضله ويرزقكم الوظيفة الحكومية . . . . .

الراجحي انحش عنه نصاب يضيع وقتك على الفاضي اناشركتي معتمده وراتبي قوق 8 قالي حول راتبك وثبت راتبك يوم سويتها ونزل اول راتب قالي جب برنت تامينات جبته قالي التوقيع الي على التثبيت غير معتمد !! قلت عطني الاسما الي معتمدين عطاني وديته الادراه وجبت توقيع الاسما الي يبونه يوم خلصته يقولي التوقيع نبيه مطبوع طباعه وليس كتابه ! سلامات والله لوانه بيعطيني القرض صدقه كنسلت حسابي من عندهم ورحت الفرنسي واخذت منهم 
رح الاداره حقه دوامك واسئلهم عن البنوك الي متعاقدين معهم ورح خذ منهم احسن لك من الشركات فوائدهم دبل 

انا مثل وضعك شركتي وقفت التعاقد والاتفاقيه
رحت للراجحي ورحب فيني الموظف وشاهي وقهوه ووافق يمولني على 5 رواتب كحد اقصى يعني لو راتب 5 الف
يعطيك 25 الف وانبسطت وقلت توكلنا على الله ولمن جاء يطقطق بالحاسبه طلع القسط 2100 بالشهر على سنتين
وفايده لهم نفس المبلغ الى بيعطوني هو
وربي انفجعت ووقف شعر راسي قلت بتعطوني 25 وتاخذو فوايد 25 ؟؟ وربي اليهود ما سوها

وطلعت وقررت اجمع واحرم نفسي بس سنه كامله وباذن الله ما احتاج لاحد