أضف سؤال أو موضوع جديد          

اشتكيت بالمحل وزارة التجارة وهكذا كان الرد...

up 27 down 28
ابو يوسف مظفر 16
قبل سنه و 3 شهر



السلام عليكم
حبيت انقل لكم تجربتي وتعامل وزارة التجارة قد الموضوع يجعله الكثيرين،
القصة وما فيها اشتريت من محل قطع غيار وجه رأس مكينه وطلعت القطعه مختلفة عن الي طلبته فما رجعت للمحل بسبب بعده عن منطقتي واشتريت قطعه من منطقتي ومشي الحال المهم بعد حوالي ثلاثة أشهر ونصف رحت للمدينه الي فيها المحل وشوي وانا ابعتش لقيت القطعه معي قلت ليش ما ارجعها واخذ فلوسها،
مالكم بالطويله رحت للمحل، السلام عليكم، وعليكم السلام هاك القطعه هذي ارجعها ما ركبت عالسيارة طالع لي ودخلها عنده بالكمبيوتر قال هذي ما ترجع لها اكثر من ٣ أشهر قلت له والحل أنا ما ابيها كيف احطها بحلقي رفض رفض تام قلت له هات رقم الي اكبر منك، الو السلام عليكم القصه كذا وكذا وكذا قال ابشر على خشمي كلها ١٧٠ ريال ما يصير خاطرك الا طيب، تقلب وجه الموظف اليمني وحلف يمين انها ما ترجع وكلم الي أنا كلمته وقلب رأيه فجئك يرد ويقول لي لو شهر كان مشيناها اعتذر منك عزيز.
ارجع للوظف ياهوه من هنا من هنا لو ترجع لي نصف السعر موافق الا الرجال راكبه راسه يقول والله ما ترجع لو تبي الشرطه دق دقيت عالشرطه رديت عليه قلت له والله ترجع ولو ما رجعتها اشتري ١٠ زيها واحدها جنب المحل
دقيت عالشرطه.:قالي الموظف تبي الصدق ولا ابن عمه قلت له الصدق قالي كلم وزارة التجاره هم افهم مننا بالنظام، ما صدقت سيرة وادق على 1900 يرد الموظف واقول له كذا وكذا وكذا والفاتورة معي وفي الفاتوره ماهو موضح اي سياسه للاستبدال والاسترجاع ولا فيه اي نص يوضح مده معينه لا جاع السلعه الا ويقول لي انه اذا المحل مخالف بنغرمه بس الي شريته ما يرجع، قلت له شكرا لك،
واحمل برنامج بلاغ تجاري واكتب كذا وكذا ويقولي موظف المحل ان قطعتك ما ترجع، واقفل البلاغ وانسى الموضوع، هذا الكلام يوم الخميس الا والأحد تجيني مكالمه من رقم جوال يقول لي معك وزارة التجارة احنا غرمنا المحل ورح رجع القطعه وخذ فلوسك، وما صدقت سيرة هههه كنت نايم فزيت من النوم كله ابي اقهر راعي المحل وارمي القطعه في وجهه ويرجع لي فلوسي من غير ما اكلمه أدنى كلمه السلام عليكم وعليكم السلام ابرجع هذي وهو ساكت ناولني الفلوس واعدها قدامه ٦ مرات هههه كله ابي اقهره وطلعت
وتوته توته خلصت الحتوته
إلى أبي اوصله انه لو معك حق ما راح يضيع وسلامتكم.....








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


جزاكم الله خير جميعا كيف احذف الموضوع يا اخوان


up 3 down 3
ابو يوسف مظفر 16
قبل سنه و 3 شهر



يا احبابي ما ضرنا من يحقد ويحاول
ينتقم ... والله والله ان قرارات الدوله
مثل العسل على قلبي ... وقلب كل واحد
من ابناء البلد ... ان شاء الله تتنظف البلد
من حثالة البشر الحاقده ... ويبقى اهل
الخير والصلاح .. البعيدين عن الحسد
وتعمد الاضرار بابناء البلد ... تخيلو ي
االربع ... انا حاولت ف محل جمله اخذ
بنفس التسعيره اللي ياخذها الوافد
اقسم
بالله رفض البايع وانكر ان السعر على الوافد
اقل حتى جبت له الفواتير بطريقتي
يعني اضرار لابن البلد وحسد وتضييق
عليه عيني عينك ... وفيهم الطيب ما انكر
لكن الاغلب لهم لوبيات خاصه ويحاربو السعودي
حرب خفيه ... انتبهو يا شبابنا اجلسو لهم
بالنظام وخذو حقكم بالنظام
وفق الله الجميع


up 3 down 3
لا للغلاء 828
قبل سنه و 3 شهر