أضف سؤال أو موضوع جديد          

ابغى حل ي اخوان

up 1 down 0
حسام -ابوسيف 38
قبل 5 شهر و أسبوع



السلام عليكم مساء الخير صباح الخير
ي اخوان عندي سوناتا 2010 وارد كوري.
المشكله ي اخوان لمبات المسجل والطبلون والمكيف ماتشتغل
رحت لكم كهربائي وماعرفو لها وش الحل ي اخوان من منكم قد جاه العطل هاذا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


تاكد من السوتش حق الانوار
او من حساس النور التماتيك اللي يطفي ويشغل الانوار اذا
موجود في سيارتك
او ممكن مسوي توليف شاشه او اي اضافات ممكن تسويها


up 0 down 1
qahtani.505 328
قبل 5 شهر و أسبوع



شيك عالكتاوت ممكن منها


up 0 down 1
ابو عبدالله احمد 3475
قبل 5 شهر و أسبوع



ابداء بالاشياء البسيطة اولا شيك على الفيوزات تقدر تعرف مكان الفيوز حق اللمبات من كتيب السيارة واذا ما انحلت المشكلة او طلعت المشكلة مو من الفيوز تاكد ان الاسلاك موصل لها كهرباء او اللمبات يمكن تكون مضروبة تأكد من كهرابء السيارة بشكل عام يمكن فيه سلك مجروح وشيك على شريحة الدركسون يمكن منها


up 1 down 0
الكاسر 1409 259
قبل 5 شهر



واللهي ي اخوان ماقصرتم الله يسعدكم ويعطيكم العافيه وشكرا على ردكم
الموتر الكهرب فيه سليم والحمد لله مافيه اسلاك مقطعه ومافيه تهريب كهرب وكل شي مرتب فيه.
وحتا الفيوزات سليمه كلها. وديتها عند اكثر من كهربائي كلهم قالو سليم
وواصل الكهرب ف الأفياش والاسلاك وأعتقد مثل ماهم معتقدين ان المشكله ف اللمبات واللمبات عندي لد مدري ليزر
ومثبته في البورده حق المكيف ونفس الكلام على لمبات الطبلون يبغالها محل الإلكترونيات بوديها عنده يفحصها يشوف فيها الالتماس او قطع ف التوصيلات او اللمبات محترقه ووش السبب


up 1 down 0



السلام عليكم. صابح الخير مساء الخير.

رحت وديت الموتر عند اكثر من كهربائي شاطر وفاهم ولكن للأسف
كلن يفتي بفتوه من راسه. اللي يقول الكمبيوتر واللي يقول الضفيره واللي يقول علبة الفيوزات واللي يقول غير الوردات كامل حق الطبلون والمكيف
واللي يقول نبغا نفك الضفيره ورتبها ونشوف المشاكل
علما ان الضفيره شد بلد ماهي مقطعه او مجرحهه او حتا فيها الالتماس
هههههههاااه الهم ي شباب بقلكم ب اللي صار معي ولعل غيري يستفيد انشاء الله ويتأكد قبل مايسوى شي قوي
اللحين قبل ساعة تقريبا ونا عند البيت جبت لي لمبة فاحص فيوز ومشيت علا الأفياش والاسلاك واحد واحد ووصلت لسلك اسود صغير وفيه الفيش حقه
ومكان السلك هاذا يركب في ديكور عصا القير اللي هو ال P, طبعا شغلت النعاس النور الخفيف
وفحصت السلك الكهرب واصل وتمام واكرر عليه مره ومرتين ونا افحص واظغط على نفس الفيش بلمبة الفحص والطبلون كامل مع المسجل والديكورات اشتغل
هههههههاااه والله العظيم ي اخوان هاذ اللي صار. ف اللحين الحمد لله كشفت المشكله ولكن هل هو ملتس او محترق او وش فيه بالظبط وهل اقدر اغيره علما انه مربوط ب اسلاك الضفيره


up 1 down 0



حاول انزلكم كم صوره للمشكله هاذي اللي جننتني ولعل غيري يستفيد منها
ممكن تصير لشخص ثاني.


up 0 down 0



مشكور على افاده اخوانك,,,,الحل الان تروح للكهربائي وتسوي نفس الحركه حتى يشوفها بنفسه ويعرف الخلل ممكن قاعده ممكن سلك تعبان ممكن راس الفيش تعبان,,,ايضا اذا عطاك حل بتكلفه مرتفعه شوف غيره وسوي نفس الحركه عشان يعرف حلها,,,
بالتوفيق لك والجميع


up 0 down 0
midnight_963 624
قبل 5 شهر