كيف اتجنب النصب على قبل شراء سيارة مستعملة؟ نصايحكم

إذا حصلت سيارة وصامل تشتريها تشرط على راعيها إنك راح توديها لمركز فحص متقدم يفحصها كمبيوتر وأنت اللي تختار هذا المركز ماهو هو ,, فإن طلعت سليمة من العيوب . . . .

توكل على الله واشترها والفحص طبعاً راح يكون عليك وإذا والله طلع فيها خراب بسيط فمو مشكلة أدفع الفحص واشتر السيارة وصلح هذه المشكلة . . .

وإن طلع فيها خرابات أو خراب قوي فقل له يفتح الله يالحبيب ويصير الفحص على رأسه . . أو تقبلها بخراباتها وحاول مع راعيها ينقص من سعرها . . .عشان تصلح به الخرابات . . .

ولا تخدعك ورقة الفحص الدوري ولزقتها ,,, فترى ماعند الفحص الدوري إلا الدجة . . . . .

طبعاً ولازم قبل كل شيء تتأكد من ممشى السيارة وهل سبق وصار عليها حوادث وكم عدد ملاكها ,,,, وهذا سلمك الله عن طريق تطبيق موجز وبـ 63 ريال للتقرير الواحد . . . .

اول شيء تاكد من اختيارك ..هل انت مقتنع؟
ثم تأكد من الفئة للسيارة وقارنها بمثيلاتها
تأكد من منطقية السعر
احرص على دفع مبلغ زيادة عن سعر السوق مقابل سيارة نظيفة اكثر من توفير مبلغ معين مقابل اعطال موجودة.
ثم بعد ذلك حدد موعد لرؤية السيارة ولا تكن لوحدك واحرص على ان يكون الوقت نهارا.
اوقف السيارة في مكان معروف لمدة من الوقت وتفحصها خارجيا وداخليا وافتح غطاء المحرك.. لاحظ الاصوات والحركات والحرارة .
ثم حاول تشغيل جميع انظمة السيارة وتفحصها .. بعد ذلك حاول فحص الدخان الخارج من الشكمان.. اعتقد اللون واضح بالنسبة للجميع لكن الرائحة تحدد أكثر.
شاهد بتمعن كفرات السيارة واستقامتها.. ثم جرب قيادة السيارة واحرص على اغلاق المسجل والنوافذ والتكييف والسير بشكل طبيعي.. من تسارع و وقوف والتفاف وتابع الاصوات اولا باول.
حاول السير بسرعة منطقية واترك عجلة القيادة.. لاحظ الاستقامة بالمسير.
احرص على هدم وجود صوت تنسيم هواء وفكر مليا حينها. ارجع للمكان الاول ولاحظ اسفل السيارة ان كان هناك أي نوع من انواع التهريب... راجع نظرتك للسيارة ككل.. من ديكورات ومكيانيكا وكهرباء.

اذا ارتحت لها.... روح افحص كمبيوتر.
وسلامتك
لا تنسى تستخير ومبارك مقدما.

طبعا لو ذكرت نوع السيارة رح تستفيد من تجارب الشباب اكثر

افضل شي تاخذ شخص من اقاربك او اصحابك يفهم فالسيارات 

سوق المستعمل يخوف اذا ماتعرف من مين تشتري ويالله تسلم

شريت سيارات فحص كمبيوتر وغيرة وفي الاخر طلت فيها بلاوي ماكشفوها مثل قازقيت الراس ولا خلط القير ماي وزيت

شخصياً اذا ماتقدر على الجديد اقترح عليك تمر الوكالات وتشوف الرجيع الي عندهم في قسم المستخدم
عليها ضمان وفحصوها وصلحوا مشاكلها ولو بسعر اغلى ولا وجع القلب والراس
الله يعينك