ارغب في شراء سيارة مستعملة

وعليكم السلام

لازم توضح بعض التفاصيل عنك

هل أنت متزوج؟ عندك أطفال؟

تستخدم السيارة للسفر؟ كم تمشي كيلومتر في الشهر؟

أنت في أي منطقة؟

حتى نقدر نعطيك اقتراح يناسب وضعك

لا ماني متزوج .
دوامي يوميا روحه رجعه ٨٥ كيلو
الرياض .
ممكن للسفر في السنه مره او مرتين ٥٠٠ كيلو

اشوف لك رينو سبميول 2020 بحدود هال29الف
اذا تصلح لك
علما ان قطع غيارها نيسان

عفوا السفر 3000 كيلو ذهاب وعوده
في السنه مرتين ثلاث

عندي سؤال ثاني اقدر اشتري سيارة كاش او مستعمل من غير رخصه

ايوه ممكن لكن اذا صار اقل حادث ما يشملك التأمين
اقترح عليك سيارة مكينه 2000 مثبت سرعة للخط
فرامل ABS الكوري من ٢٠١٦ الزموا الوكلاء من اقل فئة
المستعمل انواع و اشكال
٣٠ الف ما تجيب جديد ينفع لمشاويرك
اشوف الصني على الخط ما تنفع دايم ماسكين خط وسط مهدين
لو يسرع او يمر من تريله او وقت التجاوز خطيرة

تتسجل السيارة بالهوية الوطنية الرخصة عشان التأمين و المخالفات

كورولا 2015
دور وانشاء الله تحصل شي نظيف
سياره ممتازه داخل المدينه عمليه اقتصاديه قطع متوفره صيانه
بسيطه وتمسك سعرها

وش رايكم في سنترا ٢٠١٧ ماشي ١٠٠ الف
كيف السيارة من ناحية توفر قطع الغيار والاسعار وهل هي سيارة اعتمادية

اذا صاحبها محافظ على تغيير زيت القير اول باول كل ٥٠ الف كيلو
ممتازة السيارة و بديل ارخص من الكورولا و الالنترا
لكن اذا حصلت وحده من الثنتين بنفس السعر
السنترا عيبها ما فيها و لا ممكن تركب عليها مثبت سرعه

النترا 2017 المكينة الكبيرة 2.0 افضل سيارة بميزانيتك

سيراتو او النترا 2016-2017
كلها نفس بعض
خذ الارخص والانظف