أضف سؤال أو موضوع جديد          

نصاب وين اشتكيه ؟؟؟

up 2 down 0
lonely person 59
قبل سنه و 9 شهر



السلام عليكم يا اخوان باختصار بعت سلعه عن طريق الموقع لواحد اتقابلنا واخذ السلعه وقالي المبلغ مو متوفر عندي كامل الان بعطبك نصه والشهر الجاي مع نزول الرواتب بعطيك قلت ما يخالف والرجال يا أتوفى او انه سحب علي واعطاني بلوك وانا ما عندي غير رقم جواله فقط حتى اسمه الكامل ما اعرفه الزبدة :::: هل اقدر اشتكيه برقم جوال فقط وفين هل اقدر اشتكيه عن طريق كلنا أمن ؟؟؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


قل حسبنا الله ونعم الوكيل

مالك شي عنده دام ما معك ورق يثبت او رسالة واتس أو أي شي ملموس

لكن ربك هو القاضي


up 3 down 0
الاحترافي 1437
قبل سنه و 9 شهر



وعليكم السلام ..

انا عارف ان ردي ماراح يعجبك وبيزعلك

لاكن

انت تتحمل نتيجة خطئك لان من المفترض وقت بيع السلعه وبعد الاتفاق بينكم وعند المقابله للبيع السلعه اخل بكلامه ومن ثم قالك اني بعطيك جزء المبلغ وبكمله نهاية الشهر ووقتها انت وافقت فاانت تتحمل نتيجة خطائك لوثوقك بشخص لاتعرفه وفي هل الزمان حتى لوتعرفه لاتثق بااحد لان بهذا الزمن قلت الامانه بين الناس والادهى والامر انه الان الشخص اللذي تطالبه تجده يتجاهلك ويضحك ويسرح ويمرح ولم يفكر فيك نهائيا لانه استغل طيبتك واخذ حاجته وانت الان تدفع ضريبة اهمالك تذهب لتبحث عن حقك بينما الطرف الاخر لم يفكر فيك نهائيا فلذالك اعتبرها على قولة المثل كل صفقه بتعلومه ودرس لك بالمستقبل لان مستقبلا عند عرضك لااي سلعه ولم يحصل بنفس الاتفاق باامكان سحب السلعه والغاء البيعه والبحث عن زبون اخر لشراء السلعه جاد بشكل اكثر

واسف على الاطاله

وفقك الله


up 6 down 0
amear 1347
قبل سنه و 9 شهر



شخص ما تعرفه كيف تثق فيه؟

قبل 7 سنوات بعت كابرس لواحد وكنا متفقين على السعر 50 ألف ورحنا المعارض وقال ما معي الا 48 الف وبكرة اكمل المبلغ ورفضت

ثاني يوم جاب المبلغ كامل وبعته الموتر ورجعت مرتاح ومطمئن




up 3 down 0
مفقود 955
قبل سنه و 9 شهر



صاحب الرد السابق تصرفك عين الصواب ^^


up 0 down 0
amear 1347
قبل سنه و 9 شهر



الله يقلع هالأشكال اللي خلت أهل المرجلة والمعروف يتمرمطون ويندمون على فعل المعروف ويحلفون ويقسمون إنهم ماراح يسوون معروف مع آخرين مرة ثانية . . . . .

أنت سويت معروف ومرجلة وهذا يدل على معدنك الطيب , والخسيس خسيس والله في حياته كلها خسيس ونجس ووسخ حتى مع أقرب الناس له ,,,




up 9 down 0
خارج الوسط الرياضي 103
قبل سنه و 9 شهر



بعض الناس تفكيره ان سعر السلعه مبالغ فيه او ما جاز له
بدل ما يكاسر او يحاول تنزل له
اذا تمت البيعه يتشحذك مزنوق بعدين الباقي
ثم يسحب عليك مسوي فيها ذيب و هو خسيس
لكن ما تطلع من ذمته لو الباقي ريال واحد
و بهالزمن العجيب الدفع مقدم كاش كل المبلغ
و الا لا تبيع من الاساس
حاول مر مركز شرطه ادخل على الضابط
اذا يقدرون يجييونه من رقمه و الرسايل شاهده عليه
او الشكوى لله


up 4 down 0
مثقف سيارات 1143
قبل سنه و 9 شهر



لا تسوي معروف لواحد ما تعرفه 


up 1 down 0
badr 230 7
قبل سنه و 9 شهر



لا تخاف يجي يوم يدور عليك يبي يسددك ، صارت مع الوالد الله يرحمه ، أنكر حقه واحد وقال مالك شيء روح اشتك ، المهم بعد كم سنة مرض الرجال وجاء يترجى الوالد يسامحه وجايب الفلوس والله وضعه يحزن
أدع الله أن يصلحه


up 1 down 0
ابوفوز513 1
قبل سنه و 9 شهر



يعطيكم العافية جميعا شكرا يا ابو فوز513 على ردك واذا ماني ماخذها في الدنيا أبغاها في الآخرة


up 0 down 0
lonely person 59
قبل سنه و 9 شهر



الله يعوضك خير
الناس ماعاد تحاسب الناس بفلوسها ولا عاد تستحي
يحسبون بهالحركه ذكاء عاد الله يعوضك خير يارب
لو المبلغ بسيط تحسب عليه وربي يعوضك
لو المبلغ كثير ادخله من جوال ثاني وجننه



up 1 down 0
احمد شريف 3176
قبل سنه و 9 شهر