شراء سياره جديده ام مستعمله استعمال خفيف؟

مع مراعاة نسبة الاهلاك والاستهلاك للسيارة، اعتقد ان 20% ليست كافية بنظري.. اجد ان الأمثل هو الجديدة.
ناهيك عن سعر اعادة البيع.

مشكور على المشاركه

ممكن انه يشتري جديدة بس موديل السنة اللي قبلها شرط اذا ما تغير شي يعني نفس المواصفات بين السنة الحالية و اللي قبلها.

يعني اذا الوكالة او المعرض لسه عندهم 2019 الممشى صفر و موديلات 2020 نازلة ما تغير شكلها ممكن ياخذ 2019

لأنه سعرها بيكون نازل عن 2020.

المشكلة من وجهة نظري ليست في نسبة الاهلاك خلال السنه او السنتين مع نسبة الخصم
لكن المشكلة في الشخص المشتري منه السيارة
شخص محافظ ومنتظم بالصيانة وسواقة هادية وممشي قليل ومحافظ تشتري منه السياره بعد 5 سنوات وتعيش معك عمر
وشخص مستهتر جالد السيارة وماله بالصيانة ولا يعرف شيء عن المحافظة علي السيارة يسوق السيارة شهر ما تصلح بعده الا للتشليح
اكبر مثال سيارات مكاتب التأجير او مر للتشليح بتلاقي مليان موديل 2020
فرايي لو سيارة شخص ثقة تعرفه ومتابع السيارة من يوم طلوعها وكالة اقول لك افضل من الجديد بتوفير كويس (في حالة فرق سعر كبير)
لكن لو ما تعرفه وما شايف السيارة بنفسك الجديد افضل لانك ممكن تطيح بسيارة تصرف عليها فرق السعر ده الضعف بالورش وما بتظبط معك

مشكورين على مشاركتكم

بالخارج انا مع شراء سيارة مستعملة بس هنا يبيع لك موديلات 2015 بفرق 10 الاف عن 2020 !

مامثل السيارة اللي تفكها جديد على يدك وتقعد تفكك من قراطيسها . . . . مهما وصلت المستعملة من نظافة . . . . . فلا يمكن أن تقارن بنظافة الوكالة . . . . .

والشيء ينطبق كذلك على البيت الجديد اللي ماحد سكن فيه والبيت القديم ، والجوال الجديد اللي تفك كرتونه والجوال المستعمل . . . . . وهكذا . . . . .

مثل ماقال أخونا طه يعتمد على مستخدم السياره اللي تبي تشتريها
فعلاً بعضهم مايغيّر زيتها إلاّ إذا تذكر إنه من زمان ماغيّر الزيت
وبعضهم يجلدها وهي 2020 وبعد كم شهر تحصلها في التشاليح تالف
فالأفضل أن تشتري سياره من واحد معرفه وتعرف إستخدامه وإهتمامه بالسياره .

غير مشكلة اللعب بالعداد

المستعمل زين ويفكك من غلاء سعر الجديد والضريبة

لكن مشكلة السوق صار النصب فيه سمة سائدة

والمصداقية هي النشاز!!!

طلعت لنا مصطلحات جديدة لتضليل وغش المشتري، ولا كأن البائع والمشتري كلهم مسلمين

زي رش تجميلي وخلافه


ناهيك عن ترجيع العداد


انا اشوف ان الجديد هو الخيار الامثل، يستثنى من ذلك انك تشري من شخص تعرفه وتعرف تاريخ سيارته

وفقك الله

على حسب دراهمك و مزاجك
بعضهم مستعد يدفع ١٠٠ الف على سيارة مستعملة فل كامل
و نفسها جديدة ستاندر بقيمة المستعمل فل هذا غلطان
لكن واحد معه من ٣٠ الى ٥٠ الف و يبي سيارة سيدان متوسطة او كروس اوفر
ما يلقى جديد يلبي احتياجاته
المستعمل بحر ماله قاع و الجديد غالي على غير فايدة
الموضوع محيى و الله يعين المتوهق و المحتاج

حياكم الله جميعا

العمر الأفتراضي للسيارة
وقوة المحرك
والمسافة المقطوعة
الحوادث
بعض الصالات تبيع سيارات جيدة نوعاّ ما كأنها جديدة وبسعر مناسب ومع ضمان

السيارة بمجرد ما تفكها من الوكالة و ترجع فيها بيتك يسمونها ( مستعملة )
عشان كذا لحد يفكر اي مستعمل يعني مستهلك
بعضهم ماشي الف وشوي و فرق سعرها عن الوكالة 10 آلاف شي بديهي رح اشطب الوكالة مثل هذه الحالة

مشكورين على مشاركاتكم معنا

المستعمل يوفر عليك اكثر من 25٪ 
انصح في شراء المستعمل في حالة الممشى ما تجاوز 50 الف او بالكثير 
80 الف  .. يوفر عليك مبلغ طيب

مشكورين على المشاركه واستطيع تلخيص ما قاله الاخوه هو انه عند التفكير بشراء سيارة مستعمله هو التاكد من صاحب السياره والتاريخ التفصيلي عن استخدامه او صرف النظر وشراء سياره جديده