أضف سؤال أو موضوع جديد          

فلتر الهواء للفائده

up 9 down 5



سلام عليكم ورحمة الله وبركاته  
صارت لي مشكلة قبل ثلاث اسابيع تقريباً 
كنت مسافر وغيرت فلتر الهوا حق المكينه وغيرت زيت ومشيت 
من الدمام للرياض يوم وصلت الرياض وقفت ونزلت عند البيت وانزل اغراضي من الشنطه 
واسمع صوت الشكمان يقطع ويتفتف الهوا يطلع من الشكمان فيه تفتفه فتحت الكبوت المكينه صافيه مافيها تفتفه ولاتقطيع هاديه وصافيه ماشاءالله 
بس المشكله من الشكمان الهواء يقطع مثل اذا كان الشكمان مسدود  خليتها واليوم الثاني مريت كم ورشه وكل واحد يفتي من راسه الي يقول الشكمان مسدود والي يقول بواجي وكويلات او بخاخات 
المهم من ورشه لورشه وخساير على الفاضي غيرت بواجي وكويلات ونظفت البخاخات ومافي اي فائده نفس المشكله ماانحلت  
رجعت البيت وبعد يومين مريت ورشه دايم اتعامل معه وقلت له كل الي صار قالي قبل ماتسافر من الدمام وش غيرت قلت له فلتر هوا وزيت  فك الفلتر حق الهوا  وقالي جيب واحد ثاني جبت واحد ثاني وركبه وراحت المشكله 
وطلع الفلتر الي غيرت بالدمام تجاري مع اني اخذته من القطع وعلى كلامه اصلي   

فاانتبهو  اغلب القطع صارت تجاري حتى بمحلات قطع الغيار   وخويي قبل اسبوع معه انترا 19 غير زيت مع السيفون وخبطت المكينه اليوم الثاني  والسبب من فلتر الزيت السيفون طلع تجاري مع انه اخذه من قطع الغيار  








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لاحول ولا قوة الا بالله حتى اللي بالمحلات وكاتبين اصلي يطلع تجاري الله يكفينا شرهم
الحل انك تاخذ دايم فاتورة من المحل عند شراء اي قطعة والاحتفاظ بها
وعند وجود خلل الواحد يشتكي التجارة عليهم ويعوضوهم عن الاضرار وكيف يجيبوا قطع انها اصلية وهي تجاري والله مصيبة



up 2 down 0
ابو عبدالله احمد 3508
قبل سنه و شهر



احذر
لا تشتري القطع الحساسه من الموزعين
اشتر من الوكيل الاساسي وتاخذ الفاتوره
وباذن الله تتطمن .... ولازم يفرق السعر
بل احيانا الاصلي والله ارخص من التقليد
عندي باترول الفلتر اي كلام وتقليد ب 30
والاصلي من الوكاله والله ب 20 .....
انتبهو
انتبهو يالربع



up 2 down 0
لا للغلاء 828
قبل سنه و شهر



صحيح الفواتير مهمة وتقدر من خلالها تشتكي وتحاججهم
الوضع مدحدر والتجاري معبي السوق


up 0 down 0
محمد الدنيش 10
قبل سنه و شهر



تجربة مفيدة
يعطيك العافية


up 0 down 0
salehhd 912
قبل سنه و شهر