باجيرو ام برادو ام اف جي ام جيب

السلام عليكم ورحمة الله وبركاته

اخواني الأفاضل ارغب بالأستفسار واخذ المشورة من اصحاب التجربة :

انا في حيرة واتمنى افادتي بحكم تجاربكم وخبرتكم يا اهل الخبرة

انا ابحث عن سيارة تكون جيب مستعملة ونظيفة وحدودي بين ال40 وال45 الف ريال لشراء سيارة علما انو رجلي حارة على السيارة خطوط سفرياتي كثير يعني ابغى السيارة لسفر وللمدينة ولطلعات بر قليلة .
وبنفس الوقت تهمني نقطة الصيانة انو تكون سيارة اعطالها قليلة وما تشكي كثير وقطعها في نطاق المعقول .

وحصلت هذي الخيارات امامي :

1- جيب ميتسوبيشي باجيرو من 2014 وحتى 2016.
2- جيب برادو من 2010 وحتى 2013 .
3-جيب اف جي كروز من 2010 - 2013 .
4 - نيسان اكستيرا من 2012 وحتى 2015 .
5- جيب قراند شيروكي من 2011 وحتى 2015 .
6 جير رانقلر 4 ابواب من 2010 وحتى 2012 .

اتمنى تفيدوني بارائكم وتجاربكم وسلبيات وايجابيات السيارات المذكورة .

إبلاغ

الردود

عليكم السلام
كلها سيارات طيبه تتفوق تويوتا بتوفر القطع والوكيل
وتقريبا كل الورش تشتغل فيه اما القطع معروف تويوتا
غاليه جدا

بالنسبه لي
البرادو
الاكستيرا
الافجي
الاهم احرص على النظيف خصوصا
الافجي والاكستيرا قليل النظيف سيارات برر ومكروفات كرف

عاشق البيداااء 70
قبل 4 سنه و شهر

عندنا باجيرو 2016
السياره قوية وتتحمل ولكن عليها شويه ملاحظات صرفيه البنزين شوي فوق المتوسط خطوط او داخل المدينة طبعا المحرك الاكبر
وفيها كذلك ملاحظة اشوفها عيب انها ما فيها جنزير داخل المحرك مثل اغلب السيارات الموجود سير تايمن ربل قوي ولكن يلزمه صيانه وتغير كل 100 الف لاجل ما ينقطع وتتعرض المكينه من داخل لمشاكل عكس الجنزير حديد ويستمر طول عمر المحرك غالبا
وعندنا كذلك رانجلر 2013
اربع أبواب كذلك قوي ومتين ولكن قبل فتره صار خلل ف عمود الدوران وكان نظام الدفع الرباعي متعطل وتم اصلاحه ومن ابدع ما يكون واشوفه في صرفيه البنزين افضل من الباجيرو

088mansour 799
قبل 4 سنه و شهر

((( سفر و مدينة و طلعات بر قليلة )))
اجل شوف لك جيب كروس اوفر
او جراند شيروكي او دورانجو V6
هم الافضل بالصرفيه من اللي في بالك

مثقف سيارات 1153
قبل 4 سنه و شهر

رجلك حارة لاتدور مستعمل لان المستعمل=مستهلك
ودام انك ماتطلع البر لية تأخذ جيب خذ دورانجو اوتاهو
او خذ سنتافي سته سلندر وراح تدعيلي

abdulaziz3000 57
قبل 4 سنه و شهر

جزاكم الله خيرا عالردرود الجميله الدورينقو او السنتافي ماني راغبها ادور شي مرتفع عن الارض بسبب المطبات والحفر في مكان سكني التاهو خير جيد ولاكن وجهة السفر الاولى لي الاردن وهناك البنزين يقص الظهر والتاهو يبلع بنزين بخصوص الجراند شيروكي موجود بعقلي ولاكن ما قد جربته اذا يتحمل مكده ولا لا

x_bmw_x 4
قبل 4 سنه و شهر

وعليكم السلام

من الخيارات المطروحة، باجيرو!

لكن اقترح عليك تشوف " كيا موهافي ".
تحصل 2015 بفلوسك وحاجة اكثر دلع منهم كلهم، وبالبر ما عليه كلام.
وامسك الخط الي يناسبك، مريح للسفر.

واخيرا الله محييك بين أهلك وترى معزبينك اذا احتجت اي شي من الأردن.

ibh.x976 761
قبل 4 سنه و شهر

تويوتا برادو لأن يخدم فترة طويلة وتوفر قطه في كل مكان

ابومشعل14423 143
قبل 4 سنه و شهر

ردي متأخر لكن اشوف الاخوان شتتوك شوي ولكن انا ارجح لك الباجيرو لأجل نظام الدبلات فيه، لانه فيه تقريبا ثلاث وضعيات دبل بالاضافة للدفلوك الوسطي وايضا الدفلوك الخلفي واتحدى تلاقي هذي الوضعيات من الدفلوك في البرادو او حتى الVXR بغض النظر عن نظام الزحف اللي في VXR والبرادو الفل ابو 220 الف.
بالنسبة للصرفية فعلا الكل يقول انه يصرف.

a_gh1 2
قبل 4 سنه