لقيت سيارتي مصدومة حسبي الله

هوندا اكورد 2013

أولاً للأسف لازم الاسطب كامل  
ثانياً حصل لجارنا صدمة أشد من كذا عند البيت في مازدا6
والصادم مجهول
عن نفسي صرت أفكر أركب كمرة خارج البيت بالجدار لمثل هذه
الأحداث وللسرقة ولغيرها ونحن نسمع كم ساهمت الكمرات 
في كشف الجرائم 
لكن أخاف يشتكوني الجيران وتلحقني مساءلة قانونية
ولا أدري هل أحتاج موافقة إحدى الجهات او لا ?
يا ليت اللي يعرف يفيدني وله الشكر.

عندي كاميرات بالمنزل
وماحصلت شي شكلها مصدومة عند العمل
وبخصوص الموافقة مايحتاج ركب وماعليك من احد
نص الحارة مركبين كاميرات

حاول تصلح الاسطب محلات الفيبر قلاس تضبطه
او ممكن من برا المواقع الاجنبيه توفر غطاء للانوار و الاسطبات
و الصدمة لابد تحلقه حكات و مخوش لا تتخسر واجد
و الحمدلله على سلامتك جت سلامات

الصدام لابد تلحقه *** تصحيح

الله يسلمك
بكرة ان شاء الله بروح الصناعيه

الإصطب كامل . . . . ومن موضوعك والله أنصح الجميع بأمر مهم جداً لا يُغفل عنه وهو :

التأمين الشامل للسيارة خاصةً ( الجديدة منها يعني مالها 3 - 5 سنوات والفخمة والكبيرة بالتحديد زي ( مرسيدس - لكزس - لاند - باترول - يوكن ) . . . . .

فهو يغطي مثل هذا الأمر اللي صار لك ياراعي الموضوع أنت وجارك . . . . . ماتعرفون من هو المتسبب . . . . .

لأن التأمين ضد الغير يصلح لواحد عنده سيارة موديل 2010 - 2005 - 2000 - 99 زي كذا يعني قطع غيار بالهبل يبي يحصل وبالتشليح وبرخص التراب . .

أما الشامل فهو ضروري جداً للسيارات الجديدة اللي ماتلقاها إلا وكالة فقط وغالية جداً قطع غيارها . . .

فوش تسوي لو سيارتك جيب لكزس 2020 وأنت مأمن ضد الغير فقط وتطلع من مراجعة لدائرة حكومية وتلقى الجيب محكوك من الصدام للصدام ولا تعرف المتسبب؟

ووالله أنا أستغبي دائماً اللي سيارته جديدة مالها سنة أو سنتين ولا يأمنها تأمين شامل وهي كلها زيادة 200 ريال عن ضد الغير . . .

للاسف حتى في رمضان الناس ضميرهم مات يالطيف يارب .......
الكفار واليهود صاروا احسن مننا

الأخ خارج الوسط الرياضي
اللحين لازم تأمين شامل ماهو بكيفك إجباري تشتري التأمين الشامل
وخصوصا لو موديل سيارتك موديل السنه