أضف سؤال أو موضوع جديد          

الجمارك والضريبه للسيارات المستورده

up 0 down 0
steng_v6 13
قبل أسبوع و 3 يوم



السلام عليكم ورحمة الله وبركاته وكل عام وأنتم ومن تحبون بخير
اخواني انا مستورد موتر من أمريكا وعندي إستفسار اهوجس فيه اللي هو الضريبه هل هي تطبق على الإستيراد الفردي أم لا ؟ وهل هناك طرق لتقليل نسبة الجمارك والضريبه ام لا ؟ واللي يعرف خطوات التخليص الجمركي ياليت يخبرني وهل الأفضل اسويها بنفسي ولا استعين بمخلص جمركي ؟ بارك الله فيكم ومشكورين مقدما ولا أستغني عن رأي او توجيه







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ياهلا فيك اخوي

قبل فنرة كنت بستورد سيارة وعندي خبرة بسيطة بالجمارك

اولا الجمارك تاخذ 5% والضريبة 5% من قيمة السيارة المسجلة عندهم

(مثلا قيمة السيارة اللي بتستوردها مئة الف ريال فتكون ضريبتها وجمركها 10الاف ريال)
لكن بالعادة موظفين الجمارك يسجلون قيمة اقل من الواقع وهو افضل لك
يعني سيارتك قيمتها مئة الف يسجلها 65 الف او 70 الف وتصير الجمارك والضريبة اقل.

وبالنسبة للتخليص نصية شف لك مخلص جمركي ياخذ 500 ريال اتعاب احس لك بكثير لان بتتبهذل كثير لو رحت بنفسك
طبعا فيه اشياء بسيطة بتدفعها مثل
-حقت بوصلة الملاحة اتوقع اسمها كذا حدود 400 ريال
وفيه اجار الموقف حدود 105 ريال
وشغلات بسيطة لكن شف لك معقب افضل لك


up 1 down 0
ولد الرياض 2010 748
قبل أسبوع و 2 يوم



أخوي ولد الرياض2010 - هل الـ 5% تنطبق على السياره الجديده والمستعمله أم المستعمله أقل ؟


up 0 down 0
jakwar2004 413
قبل أسبوع و 2 يوم



حط في بالك الضريبة بتصير 15% بعد شهر.


up 0 down 0
technology-services -2
قبل أسبوع و 2 يوم



الله يعطيكم العافيه جميعا ومشكورين على رأسي ماقصرتوا
أنا أجريت بحث سريع وكانت النتيجه او الجواب على سؤالي أنه طبقا للائحه الجديده للضريبه ال ١٥% يتم إستثناءها بشرطين
١- تاريخ شراء السياره قبل تاريخ صدور قرار زيادة الضريبه اللي هو ١١ مايو
٢- يتم شحن السياره قبل موعد تطبيق الضريبه الجديده اللي هو ٧/١ ميلادي وموعد وصول السياره لايهم حتى لو بعد تطبيق الضريبه الجديده المهم تشحنها قبل موعد تطبيق الضريبه كما أوضحت

الجمارك ٥% والضريبه ٥% ثابته ويتم إحتساب الجمارك على قيمة السياره بينما الضريبه يتم إقتطاعها على سعر السياره + قيمة الجمارك
* لايمكنك تغيير نسبة الجمارك او الضريبه وهي ثابته ٥% كما اسلفت لكل منهم ولكن لو استطعت تخفيض قيمة السياره بالفاتوره ورجل الجمارك اخذ بسعرك اللي هو أقل من سعر السيستم بذلك وفرت على نفسك جمارك وضريبه لأنها مرتبطه مع بعض أي بمعنى لو شريت السياره ب ٦٠ الف وفي السيستم حق الجمارك مقييمنها ب ١٠٠ الف واستطعت إقناع رجل الجمارك بإحتسابها ب ٦٠ الف فراح توفر قيمة الجمارك وهذا طبيعي لكن إيش علاقة الضريبه طيب انا وضحت سابقا انه الضريبه تؤخذ او تستقطع على قيمة السياره +قيمة الجمارك وبالتالي بتوفر كثييير

كل من استفاد او أطلع على هالمعلومه ياليت تذكروني بدعوه طيبه


up 1 down 0
steng_v6 13
قبل أسبوع و يوم