أضف سؤال أو موضوع جديد          

استفسار بخصوص شراء كيا اوبتيما الشكل الجديد 2021

up 0 down 1
خدعوك فقالوا 210
قبل سنه و 6 شهر



السلام عليكم
يا اخوان انا ناوي اشتري كيا ابتيما الشكل الجديد ورحت وشفتها ع الطبيعة قالو لي انها تغيرت بالكامل تغير جذري
حتى اسمها غيروه صار K5
الموتر بطل فيه موصفات قوية مثل القيادة شبة الذاتية في حال خرجت عن المسار السيارة ترجع من لحالها
وفيها رادار وطبلون ديجتال وانور فل لد وشاشة 10 انش خرايط وابل كار بلاي وكميرات ٣٦٠ درجة وفيها ١٢ سماعة من شركة BOSS
والشكل جديد بطل اشوف العالم كلهم في المعرض متجمعين علشان يشوفونها
سعرها فل 130 ألف
السؤال الي مخوفني ان مكينتها 2500 سي سي نفس مكينة السوناتا وزميلي في العمل توه شاري من الوعلان سوناتا ٢٠٢٠ وصارت تنقص زيت وبدلو له المكينة على الضمان والآن رجعت معه نفس المشكلة
طبعا موظف المعرض يقول ان مكينة الأوبتيما من نوع GDI تختلف عن السوناتا يشتركون بس بالسعة ونفس القطع
وانا عاجبني الموتر مره شكله بطل بس خايف ادفع 130 ألف ثم ادخل بمشاكل زيت وتنقيص ابي رايكم








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله 130 الف وانا اخوك
فيها مازدا cx9
فورد اكسبلورر
فورشنر
دودج درانجوا

كلها مواتر دق سلف وخلها علئ يمناك


up 7 down 3
ابوحاتم6 469
قبل سنه و 6 شهر



خذ لك أفالون ابرك منها واوسع واكبر فئة واريح واجمل وتجمّلك لاجيت تبيع < مجرد رأي


up 12 down 2
abdulmohsen 8760 130
قبل سنه و 6 شهر



فل كامل على سيارة سيدان تضييع فلوس
لا تحمل زود ركاب و لا تطلع بر و لا ترفعك عن المطبات و الحفر
في بعض الميزات ما تحتاجها ابد او بس تجربها و تنساها
تنبيه خروج عن مسار رادار كاميرات محيطة نقطة عمياء قيادة ذاتية او بالريوس توقف من نفسها
شي عجيب غريب و تكلف كثير
فتحة السقف و مراتب الجلد على جونا فايدتها محدودة
و في مخاوف من مكينة 2.5 انتظر مهو لازم تشتري قبل الضريبه الجديدة
و ممكن تحصلها مستعملة بعد فترة بنص قيمتها الركادة زينه و السيارة ما فيها ذاك الزود
بتحصل مثلها استاندر سيارة اجرة مهي بموتر فخم او مميز زود مواصفات بزود فلوس


up 7 down 2
مثقف سيارات 1143
قبل سنه و 6 شهر



والله انا اشوف حرام تدفع هالمبلغ على السياره هذي فيه خيارات افضل 

المميزات هذي كل اللى قلتها تجربها وتنساها كذا الشي اللى مليان مواصفات ما راح تستفيد منها

عليك بالعمليه عندك الياباني شوف الكامري شوف المازدا 6 


up 3 down 3
mission 849
قبل سنه و 6 شهر



يوجد بدائل تحتوي على مواصفات سلامه اكثر واعتماديه مثل
مازدا ٦ و هوندا اكورد


up 2 down 1
reader2020 182
قبل سنه و 6 شهر



اول شي المكينه نفس مكينة السوناتا بالضبط الاختلاف فقط في نظام البخاخات ماعليك من المسميات مثل (GDI او MBI )مندوب المبيعات يبغا يبيع عليك السياره وبعدها ما فكر فيك اذا طلع فيها عيوب .. السوناتا كلها مشاكل من الموديلات السابقه هي الاوبتيما وتأكد ان المشاكل اللي ظهرت بالسوناتا الآن راح تظهر في الاوبتيما واصبر عليها لين تنتشر وتشوف كيف يطلع فيها مشكلة نقص الزيت وغيره لانهم نفس القير والمحرك ... يا اخي سياره كوريه بالنسبه لي أكثر من ٥٠ الف والله ما ادفعه فيها لأنها حدها ثلاث سنين وتبدأ مشاكلها ولاتمسك سعرها اذا تبغا تبيع وتحتاج فلوس .. اذا تبغا تدفع ١٣٠ الف ادفع على تويوتا كامري قراندي سيارة جودة لك والزمن وكيل ممتاز ومتجاوب واترك عنك الخرد الكوريه اللي كان ماشي سوقها بسبب تركيزهم على كثرة الإكسسوارات على حساب الجودة ورخص سعرها ... أما الآن صارت تبغا تنافس الياباني بنفس السعر وهم ما وصلوا إلى الآن لجودة السيارات اليابانيه


up 2 down 3
راضي بقربك 213
قبل سنه و 6 شهر



- السيارة اول ماتنزل وخصوصا جيل جديد لازم يكون سعرها مرتفع, وبعدها ينزل تدريجيا. و مولازم تاخذ اعلى المواصفات.
- سيارات الكروس اوفر اذا 5 ركاب و 5 احزمة امان فما في تحميل ركاب أكثر.
- كروس اوفر في نقاط كثيرة ما تنافس السيدان رغم التوجه الان للكروس اوفر بصفة عامة.
- السيارة من زمان وهي k5 ولكن عندنا تنزل بإسم اوبتما وكل سنة ينعاد هذا الكلام مع K7,K9 :)
-GDI هي مكينة تعتبر فقط upgarded يعني نفس 2400 العادية و الGDI الفرق هو الحقن المباشر يعطي حول 6 أحصنة لكل لتر زيادة وتقليل الاستهلاك بشئ بسيط جدا.
- اللي يعيب هيونداي وكيا هذا مجرد متعصب ولا يفهم مع السيارات. انا من تجربة 7 سيارات هيونداي وكلها وصلت 300 الف بدون مشاكل داخل وخارج السعودية وابيعها لأسباب مختلفة, هذه تجربة شخصية مو سمعت من فلان, وكل مره اغير لشركة غيرها اندم وارجع لهيونداي.
- سيارات هيونداي و كيا الصغيرة تفتقر لعزل الصوت وهذا طبيعي لأنها فئات صغيرة وللكرف اليومي ووزنها خفيف لكن روح قارنها مع G90 ولا ستنجر او كوريس.
- حاليا سوق المستعمل أعلى سيارات تمسك سعرها بعد تايوتا هي كيا و هيونداي وشوف أكثرها ما كملت 3 سنوات وماشية فوق 250 الف كم.
-و اخيرا هيونداي ثاني اعلى مبيعات في السعودية بعد تايوتا وهذا كرقم كلي ولكن في بعض الفئات مثل يارس و كرولا مبيعاتهم اقل من اكسنت والنترا, وهذا الى الان هيونداي ماعندهم فئات تنافس الهايلكس و لا الشاص و الا الجيوب الكبيرة!!
وعلى فكرة هي تنافس الياباني و تتفوق عليه والامريكي وحتى السوناتا كمثال من 2012 وهي اغلى من الفيوجن و الماليبو والمازدا 6 وحتى الاتيما اللي نزلت ال 56 الف في 2017
ويا صاحب السؤال من حقك قبل ما تشتري تتأكد ان مشكلة الزيت انحلت أو شوف اختيار آخر



up 4 down 3
dell2012 1044
قبل سنه و 6 شهر



١٣٠ في اوبتيما !!!! 
اشوفه مبلغ خيالي خيييييالي مهما كانت المواصفات 
انصحك بالافالون بنفس السعر لاسباب كثيرة 
مكينة اقوى - عزل هوائي وارضي افضل - افخم - مواد تصنيع افضل


up 3 down 1
rustic 219
قبل سنه و 6 شهر



دائماً أحذر أي موتر ( جيل جديد ) لا تستعجل في شراءه لين ينزل منه موديل أو موديل ونص , عشان تطلع العيوب بالموديل الأول ودفعاته والشركة تتلافاها في الدفعات التالية . . . .

شف الكامري الـ 2018 والله إني حذرت هنا بالمنتدى وقلت لا أحد يستعجل بالشراء لين تمر سنة وتشوفون العيوب . . . . لكن عمك أصمخ . . . .

وشفهم اللي ماسمعوا الكلام . . طلع تنسيم هواء بالموديل الـ 2018 والـ 2019 الدفعة الأولى . . . وتلافته الشركة في الـ 2019 الدفعة الثانية . . . وصار الموتر جبار . . .

ونفس الكلام ينطبق على السوناتا يوم طاروا بالعِجة بالجيل الأخير 2020 وفي الأخير طلع عيب نقص الزيت واستدعوا بـ 2500 سيارة عندك هنا لتغيير ( مكينة ) بكبرها . . .

و 100 % هيونداي راح تتلافى هالعيب في موديل 2021 أو في 2020 آخر دفعة تنزل . . . لذلك اسمع كلامي خله ينزل موديل الـ 2021 الدفعة الأولى وتطلع العيوب اللي فيه . .

ثم تتلافاه الشركة في موديل 2022 أو على الأقل في 2021 الدفعة الأخيرة منها ,,,, وعندها اشتر وأنت مغمض . . . تحياتي . . .


up 2 down 2
خارج الوسط الرياضي 103
قبل سنه و 6 شهر



اللي اعرفه ان مكينة السوناتا MPI 2.5 والاوبتيما GDI 2.5 يعني مختلفات


up 0 down 1
0abo_waleed0 131
قبل سنه و 6 شهر



130 الف تحطها في كيا مره غلاطان وانا اخوك انصحك لا تبعد عن الياباني


up 2 down 2
ابو فارس جدة 169
قبل سنه و 6 شهر



١٣٠ تجيب ٦ سلندر او جيب


up 1 down 2
mfh2009 372
قبل سنه و 6 شهر



أنصحك تبتعد المبلغ خيالي على سيارة سيدان مهما كانت سواء كيا أو هونداي أو تويوتا فيه بدائل أفضل زي ماقالوا الشباب مثل CX9 سيارة شبابية وعائلية وتمسك سعر وكل شيء


up 1 down 0
mohammed shareef 1088
قبل سنه و 6 شهر



السلام عليكم جميعا وكل عام وانتم بخير السيارة تصميم جميل لكن ولكن 130 الف بسيدان وابتيما والله اشوفها صعبة مهما بلغت مواصفاتها وعلى فكرة موصفاتها موجودة بالصيني وسعر معقول


up 1 down 0
ra3d777 506
قبل سنه و 6 شهر



الكوري هاذا كل شوي يزيدون في السعر ويرفعون بزياده عن اللزوم
وليتك عاد تشتريها وتتهنا فيها. وتقول يلا مافي خلاف موتر ماعليه كلام يجمل ويمشي
الا بالعكس بتتعب معاه وسعره غاليه وبيتعبك زياده
و١٣٠ الف قويه قيمه ماهي سهله في سياره ماتدري وش وضعها وخصوصا ان الاوبتيما لها سمعه سيئه
دورك هوندا اكورد افلَون. نيسان التيما سيارات حقيقه روعه وفنانه
والكوري إذا انه بالسعر ذا انا اشوف انه مايستاهل لأنه ماهو ثقه
لو سعرها أقل من ال١٩٠ بشوي بنقول معقول على وضعها


up 1 down 0
حسام -ابوسيف 57
قبل سنه و 6 شهر



افشل محركات محرك GDI فيه عيوب كثيره اسوق سيكل والا اسوق سيارة بمحرك GDI اللي يبي يعرف مشاكله يكتب باليوتيوب مشاكل محرك GDI ويستمتع


up 2 down 0
abosaad702 2
قبل سنه و 6 شهر



١٣٠ تجيب لك افالون ٢٠٢٠ نص فل . وسيارة عملية وفخمة وقوية جدا .
ولايوجد مقارنه بين الافالون والاوبتما من وجة نظري. والخيارات كثير غير الاوبتيما. انصحك تعيد التفكير . وموفق ان شاء الله


up 1 down 1
ابو احمد الشهير 220
قبل سنه و 6 شهر



انا موقاهرني الي مسوي ينصح خذ ياباني وضرطاني وهو ماقد جرب السيارة ولايعرف عن الكوري ياخي الرجال خلاص قرر يشتري هو مثل الي يسأل احد منكم جربها وشاف عيوبها وايجابيتها وبعدين هو حر يبي فل كامل يشتريها بمليون وبعدين الي يتفلسف يقولك مكينتها مثل السوناتا يألف من كيسه هالمعلومه والقير حقها 8 نمر والمكيف دينسو اذا ماتعرف شي نقطنا بسكاتك وخاصه الي يدخلون حقين طويطا خلك بسياراتك الاعتمادية طل روحوا شوفوا ابوحميل كم كامري مخبطه وطرمبة بنزين والاموية ضاربه بس فالحين تدورون للكوري عيوبه ماشفتوا الكوامري اول الي تنقص زيت والا ماتبون الكوري يجلدكم بالسوق كم واحد اعرفه مخبطة كوامري من جديد وقديم


up 0 down 0
adeem31
قبل سنه و 3 شهر