وش رايكم بكفرات جينيو الصينية

انا مركبها على موتري الجمس و الهوندا الاكورد

انصحك فها بصراحة نعومة ممشى و تماسك ممتاز و سعر زين

الله يعطيك العافيه اخوي
راسيه بالخط وتحمل سفر
وكم سعر الطقم لاهنت

وعليكم السلام
جربتها مره وحدة بعد فترة تطلع صوت مزعج مثل الرمان

من وجهة نظري ممتازه مركبها الان على سوناتا الطقم ب٧٤٠ ريال
وكنت مركبها على اكسبلورر سنتين وضعها ممتاز

شف برضو شركه DOUBLE KING  حليوه ماعليها الطقم تقريبا مركبه مقاس ١٦ على اوبتيما حدود ٧٥٠ 

والله فيه بنشري في الخبر عندنا نصحني قاللي لا تقرب الصيني ما يعمر بسرعة يحبل.
قاللي اذا تبي رخيص خذ هانكوك.

ركبت مقاس ١٧ بالكامري مشتني اكثر من سنة بشهرين زيادة تقريبا
وبعدين تمسح شوية شوية الامامية هذي اما الخلفية داخلة يالسنة الثالثة تقريبا
وذحين ناشفة لكن ماشي عليها لين الله يفرجها

في نوع إندونيسي اسمه اكسيليرا مركب منها فول رمضان مقاس 14 جيدة نوعا ما

ركب وتوكل على الله مجربها بعدة سيارات
ماشاءلله جدا ممتازة ومريحة ورخيصه

افضل كفرات حاليا و رساوة خط و نعومه ركبها و توكل على الله

انا استخدمتها اكثر من مره الكفرات حلوه وتتحمل السفر 
وعمرها على حسب استخدامك من سنه الى سنه ونص 
ومازلت مستخدمها الى الان  

ركبها وانت مغمض كفرات تنافس الكوري بجودتها طيبه ولينه وخدومه ورخيصه سيارتي مقاس كفراتها15\65\205
ركب الكفر الواحد125 تقريبا بسيارتك بتكلفك زياده عشره غالبا ومايردك انك تتاكد من سعرها من اكثر من محل لان كل محل سعره يختلف

ممتازه وانصحك فيها ومغيرها مرتين ومشتني سنتين ع 70 الف كم بدون تحبيل او مشاكل 
اهم شي
تاريخها جديد
واعرف رموز الاحتكاك وتحمل الحراره والسرعه عاليه 

ركبتها على الكامري جنط 16 وللأسف الثبات سيء جداً خصوصاً في الجو الحار

ركبت بعدها كفرات نيتتو اليابانية وصراحة رائعة بكل معنى الكلمة - صار لها معي سنة و 3 أشهر

انا استخدمتها على كامري 17 جيده من ناحيه لينه ولا تحبل 

بس اذا قربت السنه تطلع مسحيه والثبات يتغير وصوت ونه وحنه مثل الرمان مزعج جدا هذا العيب الي لاحضته اصوات تطلع يوم قربت السنه

ممتازه جدأ انامركبها على فورشنر ولها سنتين تقريبا الحمد لله ماشيه

شوف صيني اسمه انفنتي
شيريت صيني مسحت دعستتها وهذا مشاؤالله باقي