أضف سؤال أو موضوع جديد          

ايش اختار من سيارة محتار بينها

up 1 down 0



السلام عليكم ورحمة الله وبركاته
اخواني عندي استفسار ايش افضل كامري 2016او2017نظيفة
او اشتري كورولا 2020جديدة لان اسعارها متقاربة
وشكرا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


الجديد مافيه زيه 
على يدك وكالة ٥ سنين قدام ان شاء الله مايطلب الموتر شيء 


up 2 down 0
rustic 164
قبل شهر



الكورولا اقل سعر ٦٠ الف مع الضريبه ٦٣ غير التأمين و اللوحات
اما الكوامري الموديلات اللي اقدم من ٢٠١٨ اسعارها اقل ما عليك من اعلانات الموقع
لكن اذا لقيت كامري ١٨ مستعمل نظيف بسعر كورولا اشوف الكامري افضل من جميع النواحي
و في بدائل للكورولا بحجم اكبر مثل كيا اوبتيما مكينة 2.0 او ماليبو 1.5 تيربو


up 0 down 2
1405-1985 1054
قبل شهر



والله انا عندي قاعده الجديد افضل من كل النواحي .. كورولا جديدة تضمنها خمس سنين ان شاء الله بدون اعطال افضل من كامري مستعمل ماتدري كيف راعيها كان يعاملها ... اما بالنسبه للسيارات غير التويوتا اللي تكون مستعمله الأغلب منها تكون مستهلكه وفيها اعطال تزيد مع الاستخدام وتصير السياره مشاركتك في رزقك تصرف عليها بالآلاف ولاراح تضبط


up 4 down 1



الكامري 2016 لها 4 سنوات حنا 2020

والكورولا 2020 مديل السنه ووكاله وعلئ ايدك
الجديد جديد مافيه مثله


up 2 down 0
جاي امس 442
قبل شهر



الجديد بدون اي استشاره


up 2 down 0



غير صحيح ان سعر كامري 2016 نفس كورولا 2020
الا اذا تفكر تشتري من شريطي
رح يبيعك كامري 2012 بسعر كورولا 2021


up 2 down 1
chevrolet zr1 611
قبل شهر



والله لو مكانك اخذ الجديد انت ماتدري المستخدم وش بتغير فيه وش بيطلب وغير انه مضى من عمره كثير اكيد ماقصته استهلاكيات بصفه عامه
عشان كذا خذ الجديد يكفي انه بيخدمك وانت مبسوط ولا تفكر باي مشكله منه 
بالبركه عالجديد مقدما الله يعطيك خيرها ويكفيك شرها التزم وحافظ فيها ماحتشوف شر خصوصا ان سيارات تويوتا مكده


up 1 down 0



جديد على يدك افضل من المستخدم ماتدري وش جايها وبيكون مستهلك ويصر ويحتاج صيانه بين فتره وفتره ماتدري يمكن تطيح بوحده مهربده تقضي معها وقتك كله ورش وصناعيه اخذ جديده صرفيه ممتازه وعلى الضمان 


up 1 down 0
راكان443 136
قبل شهر



مافيه مقارنة . . . . الكامري الأفضل حتى ولو الكورولا بقراطيسها . . . فوش جاب 180 حصان إلى 120 حصان ؟؟؟؟ غير الوساعة من الداخل !!!!!

وأنت ولله الحمد رجال أكيد إنك فاهم وتميز بين الموتر النظيف والموتر المهربد . . .

وورشات الفحص عد وأغلط . . . . وفيه برنامج موجز يعطيك برنت كامل عن حوادث السيارة وملاكها وبـ 70 ريال أتوقع . . . . .

وأكيد تبي تلقى كامري 2017 نظيفة جداً وبسعر أرخص من الكورولا الجديدة ( الستاندر ) . . . .

وبعدين الكامري 2017 لساتها جديدة يارجل ماكملت 3 سنوات . . .


جديد افضل تطيح لك بشخص متلاعب بالسبارة تأخذها منه وتعاني تصليحات

اما الجديد على الضمان ولو تترك كوريلا وتدور سيارة ضمان ٥ سنوات وكيلوات مفتوحه يكون افضل

بس تأكد الجديد يكون وكيله عندك بالمدينة واهم شي ريحة الوكالة تكفي تشمها جوا تلسيارة ههههههه


up 2 down 0



كامري نظيفة افضل من الكورلا.. وحاول تاخذ ٢٠١٨


طبيعي ان الكامري افضل لكن المستعمل في اغلب الحالات نكبه الا لو تعرف راعيها
لانه ببساطه ماتدري وش جرى للسياره
صدمات.. استخدام شاق وقاسي.. بر ولعب.. ولاتدري وش مغير قطع وتخيل هالقطع تجاريه
تخيل انه فقط لو غير المويا حقتها وتخاسر فيها مويا الوكاله ابو 35 ريال او حتى مقطر ابو ريالين وحط موية صحه او حنفيه انه ممكن يعدم عليك منظومة المكينه والرديتر بعد فترة
عليك بالجديد ان استطعت
وفقك الله


up 0 down 0
man200 51
قبل 2 أسبوع