أضف سؤال أو موضوع جديد          

طريقة القيادة في المنحدرات الشديدة والمرتفعات الشاهقة

up 1 down 2
ربنا الرحمن 85
قبل 10 شهر و 3 أسبوع



إخواني اللي عنده خبرة وتجربة في طريقة قيادة السيارة في المنحدرات الشديدة والمرتفعات القوية
مثل عقبة الصماء اللي تنزل على رجال المع وأيضا طريقة الصعودد
نبغى الموضوع تثقيفي وتجميع خبرات وخصوصا من بداية شهر ١١ القادم نهاية الحظر وكثير من الناس يروحون مثل هذه الأماكن وماعندهم خبرة
وأحيان ترتب عليها مآسي من القيادة الخاطئة بالاستخدام المتكرر للفرامل وتسببت بمآسي من شدة الحرارة







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


أنا نزلت الصما وضلع وشعار والمبدأ واحد

في النزول: نمرة ثقيلة وادعس فرامل وقت الحاجة دعسة وارفع ولا تترك رجلك على الفرامل حتى لا تسخن

في الطلوع: خذ عزمك من تحت واطلع وأول ما تحس السيارة برد عزمها ردها بنمرة واستمر وخل سرعتك ثابتة لا تسرع ولا تهدي بالمرة فتفقد العزم وحاول ما تتوقف إلا في الطوارئ

وربنا الحافظ


up 2 down 0
مفقود 956
قبل 10 شهر و 3 أسبوع



قير عادي تمسك السيارة بنمرة ثقيلة
اما القير الاوتو اذا مافيه التحكم بغيارات القير بشكل يدوي او ماهو دبل لاتغامر واصلا القير الاتو ماهو بكفأة العايدي في مثل هاذي الظروف
واذكر زمان ايام التسعينات قصة مشهورة واحد نزل بجمس سوبربان بدون دبل الفرامل سخنت و طاح الجمس من اعلى العقبة بمن فيه وتوفوا جميع افراد العائلة الله يرحمهم اجمعين
وكان زمان حتى الجمس الدبل يفصل اذا سخن وحتى الجيوب القديمة
بصراحه العقاب مامثل القير العايدي حطه في الواحد يمسكه مزبوط
ونسال الله السلامة للجميع


up 1 down 0
oneplusone 77
قبل 10 شهر و 3 أسبوع



حسب سيارتك وووزنها


up 0 down 0
abcdefg123 6
قبل 10 شهر و 3 أسبوع



على حسب العقبة مثل عقبة ضلع حط القير التماتيك ع 2
اما الصماء اذا نزلت منها احط على 1 مع فرامل خفيف
واذا ارتفع ضغط المكينة تضغط فرامل لين ينزل وفك فرامل
واذا ارتفع اضغط وعلى هذا الوضع لين تخلص العقبة
اما الطلوع عندي اريح من النزول بس اهم شي ثبت رجلك
على دعسه البنزين دعسة وحده لين تخلص العقبة
لاني دايما احصل ناس في الصماء متعطلين بسبب ارتفاع
حرارة السيارة وانفجار الرديتر والسبب مايدعس دعسه
وحده والقير يرجع نمرة ويقدم نمرة وهذا يسخن القير
خاصة بالامريكي وحتى لو ارتفعت حرارة السيارة فوق
النص بشوي طبيعي لا توقف خلك مثبت دعستك
لين تخلص العقبة وبترجع طبيعية
علما ان سيارتي جمس وانزل كثير من الصماء واطلع
ولا واجهت مشاكل ولله الحمد


up 0 down 0
salem0100 328
قبل 10 شهر و 3 أسبوع



ضلع نزلت وطلعت بها اكثر من مرة عقبة عادية فيها منحدرات بسيطة كذلك عقبة شعار مستوية افضل ضلع
يعيبها انها طويلة
لكن الاخطر الصماء وشديدة منحدرات النزول ولا تصلح لمن يخاف من العقبات في الجبال
وعقبة الباحة نزلت بها لكن لا تقس بعقبة الصماء وهناك عقبات لم اجربها مثل عقبة النماص
المهم النزول والطلوع في العقبات تعتمد على خبرة السائق وعدم الخوف والهلع من المرتفعات


up 0 down 0
ابومشعل14423 135
قبل 10 شهر و 3 أسبوع



عشان لاتسخن الفرامل دايم الواحد يحرص يبدل زيت الفرامل
نوعيه اصليه معتمده
كل سنتين كحد اقصى


up 0 down 2
منيرعلي 45
قبل 10 شهر و 3 أسبوع



ماشاء الله تجارب ثرية من الاخوة الكرام
وبانتظار البقية


up 0 down 0
ربنا الرحمن 85
قبل 10 شهر و 2 أسبوع



بالنسبة للأخ اللي يقول ماينفع بالعقبات الا القير العادي كلامه خطأ
أنا نزلت الصماء وشعار وضلع والله ماتشم حتى ريحة القماشات القير الاوتو جدا ممتاز في العقبات حطه في واحد والا اثنين على حسب الحاجة وخفف الضغط على الفرامل وأمورك طيبة
ويمكن كلامك عن السيارات القديمة أنا معك


up 0 down 0
mohammed shareef 1071
قبل 10 شهر و 2 أسبوع



اكثر الحوادث للهمج الي يسرعون بالنزول...

ثم يليهم العليمي الي يسوق ويعطي نمره على سرعه عاليه فينكسر القير او يبوش ويطيح من الجبل

الثالثه من يستخدم الفرامل بشكل كبير جدا ... المفروض نمره ثقيله وفرامل بوقت الحاجة

الرابعه استخدام السيارة وكفراتها مضروبه ممسوحه او استخدام فرامل خربانه او تجارية

الفرامل ليه ينصح ما تستخدم بكثرة

حتى ما تسخن

طيب واذا سخنت

اذا سخنت فيه مقدار محدد بعدها يكون الفرملة هواء فقط بدون فررملة فتحتاج تدبل عليه وقت ثم تبردها بالمشي بدون استخدام لو وقفت تنتظر تبرد ممكن تشتعل في اي لحظة

وقد سويت تجربة جرئية باستخدام الفرامل لحد احترت لتبريدها خليك ماشي بالذات اذا بطريق ما راح تحتاج الفرامل فيه خط طويل ومستوي وهذا الي جربت الفرامل لحد صار لونها احمر


up 0 down 0
الاستراتيجي1 16
قبل 10 شهر و 2 أسبوع



ضلع وشعار عاديه جدا ماتحتاج شي لا في طلوع ولانزول ولاهي مقياس

الصماء ممكن تنزلها باي سياره اهم شي تكون عارف موترك وتعرف تتعامل معه الاكيد كلها تحتاج نمره ثقيله ويبقى توقيتك للفرامل بحيث لاتسخن عليك


up 0 down 0
ali400ali 214
قبل 10 شهر و أسبوع