أضف سؤال أو موضوع جديد          

أفضل زيت للفورد كراون فكتوريا 2011

up 0 down 0
abosaad702 1
قبل 4 شهر و 2 أسبوع



ياشباب عندي استفسار بالنسبة لنوع لزوجة زيت الكروان فكتوريا
راجعت كتيب الوكالة يوصي بزيت 5W-20

وفي قسم سيارات الاستخدامات الشاقة 
(سيارات الشرطة)  توصي بنفس اللزوجة 5W-20

اللي اثار تساؤلي ناس كثير تقول زيت 5W-20 خفيف ويفقد لزوجته طيب ليش الكتيب وصى بهذي اللزوجة 
لسيارات الشرطة وهي استخدامها قاسي ضغط ومطاردات وشد 

والشي الثاني اللي يقول 5W-20 مايتحمل حرارة الاجواء عندنا توصل درجة 50  مئويه

طيب حرارة المكينة دائما توصل 90 درجة الى 100  ثابته. سواء بالحر او بالبرد 




فا أنا محتار صراحة بنوع الزيت اللي عنده معلومات علمية ومتأكد منها نتمنى يفيدنا وشكرا. 









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ماعندي معلومة علمية أكيدة
لكن عندي تجربة واقعية
خلك على زيت موتر كرافت 20/5
ماشفت عليه أي ملاحظات من تجربة لأربع سنوات على سيارتي جراند ماركيز 2009
واستخدمي داخل مناطق صحراوية تصل درجة الحرارة فيها فوق 50 فترة الصيف وسلامتك


up 1 down 0
مجرد مشاركة 259
قبل 4 شهر و 2 أسبوع



هذا انت انت قلتها كلام الناس وياكثر كلامهم ، اذا المكينة نظيفه خلك ع الكتالوج ولا تلتفت لغيره 
وخلك ع موتر كرافت 5 -20 وتاخذه من الوكاله مع السيفون اغلب المحلات ماتضمنها من الغش 
ورخيص تراه يمكن يكلف من الوكاله 6 علب مع سيفون 150 ريال اتوقع مع الضريبه بعد
ومن تجربه 6 سنوات لماركيز 2011 من ممشى 20 الف الين 340 الف كم وانا استخدمه وكان ممتاز جدا في هداوة المكينه وصرفية الوقود ولا صوت تكايات ولا غيره
وبجميع الظروف واختلاف درجات الحرارة استخدمته وكان الزيت ممتاز جداً 


up 1 down 0
yasser alyasser 593
قبل 4 شهر و 2 أسبوع



انا اللي حيرني اكثر ان كاتلوج فورد موديل 98 و 99 و2000
كان يوصي بدرجة لزوجة 5W-30 
ومن موديل 2001 بدا يوصي بدرجة لزوجة 5W-20 لتقليل استهلاك الوقود

راجعت منتديات اجنبية يقولون ان الحكومه وفورد صار همها تجاري بحت 
وقامت تضحك على الناس وتسوق عليهم بموضوع ان زيت 5W-20 لتوفير الوقود وماحطت درجة لزوجة ثانيه والسبب 
ان لهم غاية في نقص عمر المحرك وزيادة نسبة الاحتاك عشان تخبط ويتطر الشخص يوضب بقطعهم او يشتري سيارة جديدة 
ويزيدون نسبة الارباح.  
على كل حال يعطيكم العافية على المشاركة
 انا عن نفسي بتوكل على الله وبستخدم درجة لزوجة 5W-30 موتركرافت بحكم انها لزوجة متوسطة


up 0 down 0
abosaad702 1
قبل 4 شهر و 2 أسبوع



5w30 ممتازه خلك عليها بس شيك على الزيت بين فتره وفتره


up 1 down 0
راكان443 149
قبل 4 شهر و 2 أسبوع



كتيب السوناتا يقول لا تستخدم هذي اللزوجة بالمناطق الحارة


up 1 down 0
mfh2009 342
قبل 4 شهر و 2 أسبوع



الفورد وحش لو تحط له زيت ابوكلب مايقول لا


up 0 down 0
haraj012 -29
قبل 4 شهر و 2 أسبوع



اشتر زيت موتور كرافت 5-20 او 5-30
وانصحك تاخذ تخليقي بالكامل
من الوكاله او من محل موثوق مع السيفون
وغيره برا
اللي يقلك ان الحكومه اصر همها تجاري ومدري وش جاهل
لكن مكاين 2006 الى 2008 تختلف عن 2009 الى 2011 وتختلف عن 2005 وانت نازل الى 98 وتختلف عن 97 وتحت
بالنسبة للرقم حق الزيت يتم تحديده من المصنع حسب الفراغات في جزئيات المكينه
مثلا سيارات كيا وهونداي مايلصح لها زيت 5- 20 او 5- 30 او 5- 40
تلاقي ينصحون ب 10 -30
سيارات فورد 5-20 او 5-30
جي ام سي 0- 20
التحديد هذا يكون حسب الفراغات بين البستم والسلندر والسبايك كل ماكان اكبر يحتاج زيت كثافته عاليه


up 0 down 0
ali400ali 211
قبل 4 شهر و أسبوع



اشكرك اخوي علي على الاضافه كلامك صحيح
يعطيك العافيه.


up 0 down 0
abosaad702 1
قبل 4 شهر و أسبوع



بس لاهنت الفروقات بالمحركات من أي ناحيه خبري كلها وحده من موديل 98 ؟ 


up 0 down 0
abosaad702 1
قبل 4 شهر و أسبوع



ومن قال لاهان يابو سعد
صحيح بالنظر كلها واحد
لكن مواد التصنيع تختلف حتى وزن المكينه نفسها مختلف الموديلا الاخيره اخف
نسبة الالمنيوم داخله اكثر في الموديلات الاخيره والفراغات بين جزئيات المكينه اقل لذلك زيت 5-20 او 5-30 ممتاز معها
الموديلات قبل نسبة الفراغ اكبر فتحتاج زيت كثافته اعلى
طبعا ملاحظه الفراغات بين جزئيات المكينه دقيقه جدا ولاترى بالعين المجرده لكنها موجوده وتختلف من موديل الى موديل ومن سياره الى سياره ويتم تعوض الفراغ في اعلى البستم بالشنبر



up 0 down 0
ali400ali 211
قبل 4 شهر و أسبوع



جزاك الله خير اخوي علي على المعلومات القيمه اشكرك .


up 0 down 0
abosaad702 1
قبل 4 شهر و أسبوع