أضف سؤال أو موضوع جديد          

اخذ جديد فئة متوسطة أو مستعمل فئة اكبر؟

up 1 down 0



السلام عليكم ورحمة الله وبركاته

يالربع ابي مشورتكم اخذ جديد من فئة النترا أو كورولا نص فل أو استاندر.
أو اخذ بقيمتها مستعمل نظيف من فئة توروس أو امبالا أو ازيرا ممشى اقل من ١٠٠ ألف

انا محتار و احب الموتر يكون وسيع ومريح بالخط..
وفي نفس الوقت ودي بالجديد لكن المواتر مثل توروس ذي اسعارها فوق ١٠٠ الف والميزانية محدودة.

شوروا علي الله يجازيكم خير؟!








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


و عليكم السلام و الرحمة
اشوف اذا معك مبلغ طيب ٧٠ الف
يمديك على جديد لو مهو مشهور او معروف من فئة ٤ سلندر متوسط الحجم
مثل كيا اوبتيما لو مكينة 2.0 او شفروليه ماليبو 1.5 تيربو
مدري اذا في غيرها ممكن من الصيني اذا بتحافظ عليه لكن مجازفة
مستعمل اشوف ٥٠ الف او اقل لا ترفع الميزانيه مهما كان يبي له صيانة و تجديد
و عليك بالسيارات اللي صرفيتها ممتاز او متوسط اسعار البنزين كل شهر تسعيرة
و الله يسهل عليك المستعمل بحر انت و حظك استخير و افحص زين و لا تنس الدعاء بالتسهيل


up 2 down 0
مثقف سيارات 1067
قبل 5 شهر و 3 أسبوع



و من رأيي تستأجر توروس و تجربها زين
تراها ضيقه من داخل ومن ورا ما تشوف واضح
و المراتب الخلفيه مكان الرجلين ما يكفي و بالليل النور ضعيف مثل اكثر الفورد
و متوفرة بالمحلات


up 1 down 0
مثقف سيارات 1067
قبل 5 شهر و 3 أسبوع



الجديد افضل للانه تقريبا من ٣ إلى ٥ سنوات تقريبا فقط صيانه دوريه
بدون اعطال. طبعا مافي سيارة ماتتعطل ولكن اقل من المستعمل.
المستعمل سعره اقل ولكن لابد ان تبحث عن اغلب تفاصيل السيارة
من البودي إلى المحركات وحالة الداخلية والممشى و الحوادث السابقه .
ممكن تحصل مستعمل نظيف ويكون مستعمل من ٢ إلى ٤ سنوات وممشى قليل
وتوفر مبلغ كويس. وبالتوفيق ان شاء الله


up 2 down 0
reader2020 162
قبل 5 شهر و 3 أسبوع



مستعمل وبعد فترة من مشكلة لاخرى


up 2 down 0
mfh2009 345
قبل 5 شهر و 3 أسبوع



كنت بنفس مكانك قبل فترة واخذت سيراتو جديد لأن المستعمل اللي لقيته اما نظيف وبسعر نفس الجديد او معدوم وبسعر معقول، لو تقدر تتسلف 10 ولا 15 وتاخذ سيارة من فئة الكامري والسوناتا جديدة افضل لك، لو ماتقدر خلك على الجديد


up 2 down 0
0abo_waleed0 125
قبل 5 شهر و 3 أسبوع



طيب الماليبو تنصحون فيها؟!
افكر اخذها ستاندر وبستخير وعلى بركة الله.


up 0 down 0



عليكم السلام المستعمل يدبل الكبد وعلى حظك ويبغى خبره
انصحك بالجديد ترتاح ٥ سنوات من الورش
والنترا والكورلا ماهي سيارات طريق لكن يجملن وتعتمد
عليك انت هل يناسبك سواقتهن ولا لا بعض الناس عادي
يمسك 1000كليو على النترا وكورلا وبعضهم حده300كيلو
ويسبها لكن لو تشوووف الاوبتما محرك 2.0نفس النترا محرك
عملي وقليل مشاكل وواوسع من النترا والكورلا
الماليبو مانصحك الامريكي فئة السيدان ماتثق فيهم

اما لو تحصل افالون نظييييف صراحه موتر خط
لكن وين النظيف وان لقيت سعره بالعلالي


up 3 down 0
عاشق البيداااء 41
قبل 5 شهر و 3 أسبوع



الجديد افضل

بسعرك تحصل اوبتيما استاندر وسياره ممتازه جدا

الماليبو مالي خبره فيه


up 2 down 0
ابوخالد1397 2882
قبل 5 شهر و 3 أسبوع



السلام عليكم

الاخوان ماقصرو

بالفعل تحصل اوبتما استاندر بقيمة كرولا
موديل 2021 نزب يأسم K5 والشكل القديم ممكن تحصلة بسعر اقل لكن الحق قبل تطبيق الضريبة الجديدة
ممكن تستأجرها لمدة يوم ولا يومين وتاخذ فكرة عنها والجبر عنده فرع تأجير واسعارة معقولة
نصيحة مجرب ابعد عن المستخدم اذا تقدر تشتري جديد
بالتوفيق


up 2 down 0
salehhd 903
قبل 5 شهر و 3 أسبوع



بيض الله وجيهكم.. ما قصرتوا على نصايحكم يالغالين. +


up 1 down 0