بخصوص الزيت ابوعشره الآف كيلو والزيت ابوخمسه الآف

الزيوت انواع  
التخليقية بالكامل ترمز لها فول ساثتتيك بالانجليزي
او 100٪ ساثتتيك وبعضها تجيك مكتوب بالعربي تخليقي بالكامل 
وهاذي مو شرط تمشي 10000 على حسب استخدامك وساعات تشغيل المحرك والسياره واقفه يستهلك من الزيت وكذلك السرعه العالية 
الشخص اذا استخدامه شاق ودايم يتسارع ويتجاوز ويقعد ينتظر ف السياره وهي واقفه والمكيف شغال هاذي تستهلك الزيت ويفضل تغير قبل مثلا على 7000 او 8000 
كيلو اما اذا انت شخص عكس ما ذكرت فوق ف تقدر تمشي الى 10000 الاف  والاهم من هذا كله الزيت يكون جودة واصلي ومضمون وغير مغشوش  ويكون احدث تصنيف SN Puls

وفيه نوع ثاني اللي هو النصف تخليقي يرمز له ساثتتيك بليند او Sami ساثتتيك او ساثتتيك تكلونجي  وهذ يجي مخلوط بين زيت معدني وزيت تخليقي واغلب الشركات ما تعلن عن نسب الخلط
وهذا يمشي اقل ويفضل تغير على 5000 وينطبق عليه نفس اللي فوق اذا استخدامك شاق غيره قبل  

واقل نوع وهو المعدني او المكرر معاد تصنيعه وهو دايم لزوجتة ثقيلة وينفع للسيارات القديمة او اللي مكاينها فيها مشاكل واصوات طقطقه ون
 وتنقص زيت وتصنيفه قديم وما عليه اعتمادات رسميه وحده اشوفه 3500 كيلو وغير 

وانصحك بالزيوت المستوردة والمعروفه واللي عليها اعتمادات رسميه 
ونادر تلقاها في زيوت محليه ..

الكلام اللي فوق صحيح 100 % .
بالاضافه الى ضرورة انك تشيك كتالوج السيارة و بتحصل فيه
درجة اللزوجه المناسبه مع الممشى المناسب لكل تغيير و حسب طريقة الاستخدام.

في الواقع مافي زيت مكتوب عليه 10 الاف او 5 الاف ولا تقدر الشركة تكتب ارقام محددة, لأن في الخارج ممكن تصير عليهم قضايا و يخسروا ملايين.
التعليق الاول صحيح.
تخليقي كامل يمكن يمشي 12 الف كيلو لو انت في مكان بارد مثل كندا ولا في زحمة ولا طلوع ولا تحتاج مكيف او ضغط على السيارة. وفي مكان اخر, هنا مثلآ درجة حرارة فوق ال 45 , وساعات انتظار في الزحمة والمكيف شغال و طلوع ونزول وتجاوز تحتاج ار بي ام عالي كل شوي و خصوصا اذا السيارة فيها تيربو فالزيت ماراح يكمل 7 الاف.

اسعدتوني بالردود والله ينور عليكم مثل ماافدتوني انا وغيري من القراء معلومات قيمه تشكرون عليها

الزيوت انواع

اهم الزيوت حاليا هي التخليقيه

الهدف من الزيت منع الاحتكاك

الزيت بحرارة عاليه يفقد قدرته على منع الاحتكاك لذلك ينصح بتغييره وقت فقد اللزوجة

بعض الورش الاحترافيه تمتلك معيار يتحسس لزوجة الزيت

بعض الاحيان اشخاص يمكنهم تفقد لزوجة الزيت

الزيت ابو ٥ الاف يفقد لزوجته احيانا على ٢٠٠٠ كم بس
السبب نوع السيارة او المحرك تالف يحتاج صيانه

او نوع القيادة مستمر وعنيف جدا بحرارة فوق ٤٠ او ٥٠ يعني سرعه وضغط فوق ٤


وفيه ناس ما يمدي السيارة تحمى الا وهو موقف فهذا لزوجة الزيت قوية معه وتحصل الزيت ابو ٥ الاف يعيش ٨ الاف

لكن لا تحطها من راسك تمشي ٨ الاف لازم تقيس لزوجة الزيت

الزيت التخليقي يمشي ١٠ الاف لكن تزداد نسبة التبخير فيه

يعني يتبخر جزء منه وجز يتشحم فتكون خطيرة


الخطورة بالتشحيم اكبر من خطورة الزيت نفسه يعني يدمر حساسات المكينه الداخليه او فتحات صغيرة او سيارات رياضيه

لذلك نصيحة كل ٥ الاف غير زيت السيارة والتخليقي كل ١٠ الاف الا اذا وجدت نقص زبت مكينه


فجرب تقيس المقياس على ٧ الاف لو تغير لونه او نقص غيره مباشرة

الا اذا سيارتك فيها نقص زيت قديم فهذه شغله ثانيه