أضف سؤال أو موضوع جديد          

نصيحه شراء سياره

up 1 down 1
متكي فالموقع 3
قبل 2 أسبوع و 6 يوم



السلام عليكم ورحمة الله وبركاته
اسعد الله اوقاتكم جميع بكل خير ،.. 

فالوقت الحالي افكر اشتري سياره جديده والفلوس باقي ما اكتملت ومستعجل مابين اني اشتري قبل تزيد الضريبه وتصير 15٪ او الله يعين وانتظر الين نشوف ايش الوضع اللي بيصير ..
الناس حيرونا يقولون ويقولون عاد مدري اللي عنده خبره او يقدر يفيدني الله يعطيه العافيه ويجزاه خير ..
وسلامتكم 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


في الوقت الحالي لو عندك سياره حاول تمشي فيها امورك
لين تتضح الصوره وتنتهي مرحله الكورونا وترجع الامور طبيعيه
اسهار السيارت البعض يقول ممكن تنخفض بسبب تراجع القوه الشرائيه
والبعض يتوقع الارتفاع بسبب القيمه المضافه
الافضل الانتظار او المستعمل لو حصلت شي نظيف بسعر مناسب


up 2 down 1
منيرعلي 37
قبل 2 أسبوع و 6 يوم



لو افترضنا سعر السيارات بينزل بسبب كورونا.. راح يعوض الفرق الضريبه الجديدة...



اذا محتاج ومستخدم اشتري وعز نفسك


up 0 down 1
asalami 2158
قبل 2 أسبوع و 6 يوم



اذا بتشتري الحين و الا اجل الموضوع الى بعد سنتين
و حسب السيارة اللي بتشتريها و المبلغ اللي معك
و قبل كل شي هل انت محتاج سيارة جديدة تكدها و تحللها
و الا مشاويرك قليلة و لا تسافر و لا تحمل ركاب و توصل



up 0 down 4
1405-1985 1051
قبل 2 أسبوع و 6 يوم



الصبر طيب
مامثل انك تشتري سيارة من غير اقساط


up 0 down 3
ابو محمد9999 4147 -12
قبل 2 أسبوع و 6 يوم



تقول فوسك ما اكتملت الان كيف تشتري الحين ؟؟!!
اصبر حتى فلوسك تكتمل وشوف الانسب لك واشترى على قد
فلوسك
واذا كان تقصد انك تشتري اقساط الان افضل قبل ارتفاع الضريبة


up 1 down 0
aaaammmm 128
قبل 2 أسبوع و 5 يوم



اشتر دامك تبي تشري والزهرة من اول قطفة الاسعار بترتفع ١٥ %

لو افترضنا طاحت اسعار السيارات ايش بتستفيد من طيحتها

فيها ١٥% بيرجعها اعلى

ولو زادت بتاكلها بدل خابور ١٥% بيكون خابورين


up 3 down 1
الاستراتيجي1 13
قبل 2 أسبوع و 5 يوم



بعض الردود شاطحه بشكل غريبِ. يقول ابي سياره ويقوله انتظر سنتين ههههههههه سنتين تخيل يسحب على العمل او الكليه عشان ماعنده سياره

المهم بقولك نقاط
انا عندي سيارتين صغيره ومن سنين افكر اشتري جديد والملاحظ
ان كل سنه تزيد الاسعار ولايهمك اللي يقول تنقص اتكلم عن الجديد طبعا
حاول تشتري قبل الضريبه لانها طبعا بتزيد عليك
قدر المستطاع ابعد عن نظام تاجير منتهي بالتمليك او التقسيط.. واذا حدت خذ مبلغ كاش من البنك اقل فايده او خذ مستعمل مشي فيه امورك
خذ سياره على قد فلوسك وابعد عن الهياط والكشخه.. صدقني كلهن يفن بالغرض.. وحاول تدور سياره عمليه
الله يوفق الجميع


up 2 down 4
man200 51
قبل 2 أسبوع و 5 يوم