السيارة تطول وانا ادق سلف لين تشتغل مع الحل

السلام عليكم ورحمة الله وبركاته
السيارة تاهو ٢٠٠٠
حبيت السيارة لان قطعها متوفرة في محلات قطع الغيار وفي التشليح
فقلت خلني اتعلم المكانيكا والكهربا في هذا السيارة
كانت بعض المرات تشتغل من اول نقرة وبعض المرات لازم اشغل مرتين او ثلاث
فقلت خلي افك الصفاية والتانكي
ورحت شريت صفاية ب ٤٥ ريال وطرمبة بنزين ب ١٠٥٠ ريال
وفكيت التانكي ونضفته من الداخل والخارج وحصلت الطرمبة الي راكبة دلفي ومسوي لها توليف
وحاط حولها حجارة وسمنت مكسر مدري مين الي ركبها الله يحاسبه ههههه
وركبت الطرمبة الجديدة والصفاية
تحسن الموتر بنسبة ٥٠ في المية ولاكن لازال مرة يشتغل على طول ومرة لازم عدة محاولات
فبحثت في النت وجدت المشكلة من الثروتل
قلت خلني اروح اشتري منضف ثروتل
ونظفت كمان ما نفع
فسالت كهربائي عن الموضوع فقال انت فكيت الثروتل وغطسته في بنزين ونضفت بالفرشة قلت لا
قال لازم تفكه قلت افكه وبالفعل فكيته ونضفته لين رجع وكاله
وركبته والله ياهو كان فيه بلاوي من داخل شي مايخطر على البال

وبعدها صار الموتر يشتغل من اول نقرة سلف

حبيت افيدكم