سبب الدخان الابيض من العادم؟
1
0
إضغط هنا للإخفاء
السلام عليكم ورحمة الله
قدر الله علي وانا ماشي بالسيارة، دعست فجأة عالبانزين وطاح عزم السيارة وطلع دخان ابيض بشكل كبير، فالغالب انه زيت
الجو كان حار وكنت مستخدم السيارة تقريبا ساعتين
وقفتها تقريبا ساعة ورجعت شغلتها الدخنة خفت ومشيت فيها شوي اللين الورش تقريبا ١٠ كيلو
طبعا مشيت عليها على اساس ان الزيت ما نقص ولا الموية، والحرارة طبيعية والعزم طبيعي
وديتها عند كم ورشة معروفه ولا احد عرف المشكلة، بس اقترحو تسقيط شمبر وتغيير وجه المكينة او توضيب كامل، بس قالو قبلها غير بلف الحرارة والزيت والفلتر يمكن بنسبة 20٪ المشكلة تنحل
الان مشيت عليها مشي خفيف مافي اثر للدخان، العزم طبيعي والحرارة طبيعية ولا فيه نقص مويه
نصايحكم؟ هل امشي عليها مشي خفيف واشوف اذا نقص الزيت وتنحل المشكلة ولا فيه امور ثانية اشيك عليها قبل التوضيب ؟ وهل التوضيب راح اعتمد عليه اقل شي سنتين قدام ؟
السيارة النترا ٢٠١٣ الممشى ١٩٠
إبلاغ
الردود
0
0
طلع ان ب الثلاجه حقت المكينه زيت
ويتبخر ويطلع من الشكمان
شفطوا الزيت من الثلاجه واختفت المشكله يارب لك الحمد
طبعا سيارتي بي ام
طبعا رحت ٣ ورش وخسرت صراحه.. لكن الحمدلله طحت بواحد امين.. فانت لا تعتمد على كلام شخص واحد..اسال اخوياك عن مراكز صيانه ممتازه وامينين.. ومر على كذا واحد وشف وش بتطلع المشكله معاك
والله ييسر لك امرك
0
0
هذا اللي سويته الان، غيرت الزيت مع الفلتر وغيرت بلف التبخير، شغلتها ودعست على خفيف والسيارة واقفة ومافي دخان والعزم تمام ولا فيه اصوات ابدا
ان شاء الله الليل بمشي عليها واشوف ايش المستجدات..
هل يحتاج اشيك على امور ثانية ؟ تنظيف البوابة ؟ بواجي واسلاك البواجي ؟ حساس الهواء ؟ او اذا فيه امور ثانية ؟
الله يعطيكم العافية وييسر اموركم
0
0
0
0
اضطررت لضغط البنزين كامل وما تجاوبت السيارة بسرعة وطلع دخان أبيض كثيف جدا ، ثم خف الدخان حتى أنقطع
وبعدها مشيت عالسيارة حوالي 30 ألف دون مشاكل ولا زالت معي
فإن شاء الله الأمر طبيعي
0
0
صار لي مرتين الموقف هذا لكن نظامي ماوديها لورشه الا اذا طاحت او شفت خرابها بعيني لانهم نصبو علي كثير مايخافون الله
سيارتي انترا ٢٠١٦
اللهم لك الحمد والشكر
والله يكفيني و يكفيكم الشر عاجل وآجله
0
0
والله اعلم انه كان بسبب بلف الحرارة، الله يجزاه خير واحد قالي غيره وغير الزيت لانه محروق مع الصيف
ومن غيرته الحمدلله عزم السيارة اتحسن بشي بسيط والسيارة دخلت ال ٢٠٠ الف كيلو ولله الحمد
الله يجزاكم خير جميع ويرزقكم من واسع فضله
0
0
صارت كثير الحركة هذي ويطلع سببها بلف التبخير او بنزين مغشوش او زيت المكينة نوعه تعبان
قبل 3 سنه و 10 شهر