أضف سؤال أو موضوع جديد          

كثر التلاعب بعدادات السيارات و طريقة لكشف التلاعب

up 4 down 0
عبدالله غ ت 13
قبل 2 أسبوع و 4 يوم



السلام عليكم ورحمة الله وبركاته
اشتريت سيارة ايدج موديل ٢٠٠٩ نظيفة وفيها حكوك البدي شي طبيعي بس اللي جذبني لها عداد الكيلو مسجل ١٩٠ الف فقط
قلت اخذها وسعرها اعلى شوي من اللي بموديلها والسيارة استلمتها باسمي من واحد غير سعودي وبعد لسبوع لقيته منزل اعلان لفورد اكسبللورر نفس الموديل والممشى الكيلو شكيت بموضوع سيارتي وبحثت ولقيت طريقة تكشف التلاعب وفعلا لقيتها ماشية دبل ممشاها بعد التعديل واخذت منه نص المبلغ بعد ماهددته
المهم الان رافع عليه قضية ابغاع يتعاقب ويكشف كل مبيعاته لانه بعدي نزل كم اعلان وشكله غير يوزره
المهم وراه شلة مثله ومعرض او كم معرض سيارات بجدة.
كل واحد ووحدة رجاء لايشتري سيارة الين يكشف تقريرها عن طريق تطبيق موجز يطلع لك ممشاها كل مرة فحصها الفحص الدوري ويطلع الحوادث والصور للحوادث وزيارات الصيانة للوكالة ان وحدت
ادعوا لي اوقفه هو واللي وراه عند حدهم ويتجازون بما يستحقون ويرجعون حلال الناس.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


هذا اللي نقوله اخوي عبدالله قبل الفحص شيك على برنامج موجز وتأكد من ممشى السيارة وبعدها روح افحص السيارة


up 0 down 0
ابا وجد 3
قبل 2 أسبوع و 4 يوم



بس السؤال اذا واحد اشترى السيارة ونقل ملكيتها واكتشف ان العداد ملعوب فيه ومعدل ايش يسوي بالضبط ووين يشتكي لاي جهه


up 0 down 0
ابا وجد 3
قبل 2 أسبوع و 4 يوم



صدقني ماحولك أحد كل أهل المعارض ينزلون العدادات وسبق ونزلت موضوع حصل لي مع جيب مازدا واشتكيت في وزارة التجارة قالوا ماهو من اختصاصنا السيارات المستعملة،، اختصاصنا سيارات جديدة فقط واشتكيت في كلنا أمن قالوا رح لشيخ المعارض،، رحت لشيخ المعارض وعلمته بالقصة وكأنه عارف كل اللي يحصل وقالي حصل خير ومدري كيف وصرفني لكن الحمد لله قدرت استرجع السيارة وفلوسي،
الشاهد في الكلام إذا الشخص ناوي يشتري مستعمل يشيك السيارة ويقارن هل ممشاها هذا طبيعي على شكلها وديكوراته ودركسونها والدعسات، وأيضا يشيك في برنامج موجز وفي الوكالة إذا كان للسيارة صيانة ينكشف التلاعب على طول وهذا الكلام يشمل السيارات السعودية فقط،، أنا مشكلتي كانت مع سيارة خليجية وذكرت تفاصيلها بالكامل في موضوع
والله يكفينا وإياكم شر عيال الحرام بياعين الذمة والضمير عشان ٥ والا ١٠ آلاف يكسبها


up 1 down 0
mohammed shareef 1058
قبل 2 أسبوع و 4 يوم



يااخي علمني بالطريقة اللي سويتها لان عندي شخص وقع في نفس مشكلتك وماهو عارف ايش يسوي


up 1 down 0
ابا وجد 3
قبل 2 أسبوع و 4 يوم



^^ بحثت عن رقم الوكالة في الكويت وتواصلت معهم وسألتهم عن آخر صيانة للسيارة برقم الهيكل وبعدها اكتشفت التلاعب الحاصل والحمد لله كانت السيارة باقي بطاقة جمركية مانقلتها تواصلت مع المعرض وهددته ورد لي فلوسي وفوقها ألف ريال أتعابي


up 0 down 0
mohammed shareef 1058
قبل 2 أسبوع و 4 يوم



الحمد لله انها ضبطت معاك
طيب اذا كان البائع شخص يروح يشتكي في الشرطة والا المرور والا المحكمة لانه مسكين ورطان وماهو عارف ايش يسوي ؟؟؟ البائع الشريطي الله لايوفقه استغل ثغرة خطيرة الفترة الماضيه وهي بيع السيارة بدون فحص دوري وراح المشتري فحص السيارة في ورشة بالمعارض والعالم الله انهم متفقين مع البائع ووثق فيهم جميعا وبعد شراء السيارة ونقل الملكية باسبوعين دخل على برنامج موجز وطلع معاه العداد ملعوب فيه والسيارة تعرضت لحادثين


up 0 down 0
ابا وجد 3
قبل 2 أسبوع و 4 يوم



للأسف تطبيق موجز سيئ جدا فيه مشكله يخصم عليك رسوم التقرير ويهنج مايطلع شي ولما تدخل مره اخرى يطلب منك فلوس لنفس التقرير اللي طلبته قبل.. ادخلوا شوفوا التقييم اللي عليه والرفيوهات ياريت القائمين عليه يشوفوا حل


up 0 down 0
mr.teto 594
قبل 2 أسبوع و 4 يوم



التطبيق اسمه موجز من شركة علم تكتب بقوقل موجز او تقرير موجز يطلع لك تطبيق نزله وافتح يوزر وعطهم رقم اللوحة والرقم التسلسلي بالاستمارة او ابشر للسيارة وادفع المبلغ ٦٥ ريال يطلع لك التقرير
طبعا بخصوص كيف تاخذ حقك لازم تعرف ان اللي يتلاعب بالعداد هذا مرتكب تزوير يعني لاتتردد ولا تخاف اتصل به وبلغه انك طلعت التقرير واطلب اللي تبغى منه انا رديت نص مبلغ السيارة بعد ربع ساعة من التقرير كلمته وهددته بكل ادب
واذا بترد السيارة يحول لك فلوسك اول ورسوم النقل له وبعدها تنقلها باسمه في ابشر هذا حقك واذا طلع ساطي ومسوي رجال لاتاخذ وتعطي معه اشتكيه ولا احد يردك لان المزور يكون مشتري السيارة بتسجيل عداد وبايعها بتسجيل مزور وان طلع مزور مع المعرض تجيب المعرض وراعيه المهم مالك الا المحكمة رحت التجارة قالوا مانتعامل الا مع مؤسسات وشركات رحت المرور قالوا روح المحكمة وحنا نعطي المحكمة اللي تطلب اثباتات بطلب رسمي يعني تسجيل المبايعات السابقة فيها كم ماشية السيارة كل مرة
ورحت الشرطة قالوا المحكمة وواحد زميلي قالي لو تروح الشرطة وتقدم كمواطن بلاغ عليه وتطلب فتح محضر وتحويل للنيابة تنكب عفشه بس انا البايع بمدينة ثانية لازم اروح لمدينته
انا اخذت حقي وشكلي باخذ منه تعويض بعد حق المشورة ويعلم الله غرضي اوقفه هو وامثاله واذا المعرض بعد متواطى بنكبهم كلهم باذن الله لان صاحب المعرض كلمني بعد ما اخذت نص المبلغ من الشريطي ومسوي نفسه وسيط خير وبيصلح بيننا عشان ما اشتكي وعرفت انه صاحب المعرض من الشريطي قلت له بعدها ياتجيب اسم المعرض او ترى بحط اسم المالك اللي قبلي وخاف لانعا كانت باسم ابوه حاطها وعطاني اسم الرجال اللي مسوي فيها محضر خير
اتمنى كل واحد ياخذ موقف ويرد خقه وحق الناس ويحتسبها عند الله خدمة لغيره



up 0 down 0
عبدالله غ ت 13
قبل 2 أسبوع و 4 يوم



وعلى فكرة الضابط بالشرطة قالي تكفى لاتفكه لين تسلمه الشيخ واطلب حق خاص وحق عام واتمنى كل اللي تعرضوا لهالشي مايتهاونون بالموضوع
المهم لايمسك عليك الشريطي بتسجيل او واتساب او ردود الموقع انك شتمته او اتهمته اتهام اخلاقي مع الزعل خلك ثقيل وكلمة ورد غطاها تحرقه وتحرق قلبه واعصابه ومايدري متى تجيه الحكومة اللي نصب علي انجن يبغى يعرف بس انا معزم على ايش اطلب منه معلومات وهو صاير اليف يرد بكل ادب والله ياشفيت غليلي منه


up 1 down 0
عبدالله غ ت 13
قبل 2 أسبوع و 4 يوم



هذا الكلام الصحيح
بيض الله وجهك ياغالي


up 0 down 0
ابا وجد 3
قبل 2 أسبوع و 4 يوم