أضف سؤال أو موضوع جديد          

هل تأجير سيارة جديدة من محلات التأجير فكرة جيده وعمليه بدل ا

up 3 down 3
عبدالله ولد ابراهيم 110
قبل 2 أسبوع و 4 يوم



السلام عليكم ورحمة الله وبركاته

احبتي لي تجربه ولأصدقائي تجربة مع التأجير المنتهي بالتمليك

الخلاصة لو خذت سيارة بدون دفعة اولى غالباً الدفعة الأخيرة بتكون مبلغ يعادل او اكبر من قيمة سيارتك بالسوق + التأمين ياخذون منك سنويا نفس القيمة يعني سنويا تدفع تأمين بقيمة سيارتك بالسنة الاولى

احد الأصدقاء اقترح وقال لو نروح لمحلات التأجير الكبيره وناخذ من سياراتهم الجديدة اصرف

قلت له كيف ؟

قال اروح محل تأجير مثلا واتفق معه اخذ هالسيارة لمدة 6 او 3 اشهر ونتفق على سعر والمحل راح يتحمل صيانتها واي شي يتعلق فيها + كل فتره اجدد سيارتي + ما اخسر بعد 5 سنوات بالدفعة الاخيره اللي غالبا تكون اعلى من قيمة السيارة بالسوق + اصلا عندي سيارتي القديمة موقفها عند الباب لو احتجتها


الرجل استند على تجربة جهة عمله الحكوميه
يقول كانوا سابقا يشترون سيارات وخذ لك صيانة وقرف والحين فقط نظام تأجير والصيانة على الشركة او الوكالة يعني تأجير فقط بدون تملك لكن جهة عمله تأجر من الوكيل مباشرة







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله الوضع حالياً ما انصح فيه احـد يورط عمره ويغامر بالمنتهي بالتمليك ابداً


يعني اللي عنده سيارة تمشي حاله مثلي يستمر عليها وكل شهر يسوي لها صيانة قدر المستطاع ويحفظ قرشه

واذا جاء وقت للسفر خارج المنتطقة التي يسكنها يروح يستاجر من اي شركة تأجير
مثل ذيب والوفاق وغيرهم الموثوقة ويكون تأمين شامل ويختار سيارة موديل السنة وجديدة ويمسك
خط فيها هذا انسب حل

وأعرف واحـد الآن مستاجر من شركة تأجير وكل شهرين يبدل على كلامـك


up 0 down 1
aboahmed2014 1118
قبل 2 أسبوع و 4 يوم



الاجارات غاليه
ممكن الاكسنت توصل شهريا
2800 ريال ...
بينما لو تاخذها منتهي بالتمليك
1300 ريال .... شهريا
انت راح تدفع مبالغ صخمه
ف ادفع في شي مصيره يكون ملك لك
في المستقبل ...


up 1 down 0
لا للغلاء 796
قبل 2 أسبوع و 4 يوم



معذرة ^^^^^^^^^^^^^^^^^^
... ممكن حتى يوصل قسط
الاكسنت شهريا ... 900 ريال
انا قلت 1300 على الفل كامل


up 0 down 0
لا للغلاء 796
قبل 2 أسبوع و 4 يوم



الافضل تمشي حالك باللي معك حاليا
لو موترك وضعه جيد الحمد لله خير ونعمة مافي داعي ابدا للديون وزيادة الالتزامات
او تشتري شي مستخدم قد فلوسك


up 1 down 0
منيرعلي 43
قبل 2 أسبوع و 4 يوم



انا نصحوني ناس ان استاجر سياره من مكتب اجار بالشهور وامسك خطوط واروح واجي فيها
لين استقر في مدينتي لكن ما فكت فيها واشوفها بكلفه

لذلك انسب حل اشوف تستخدم سيارتك القديمة و حين السفر تستاجر من مكتب اجار
عاد اذا ماعندك موتر شوف لك سياره مستعمله على قد قروشك او خذ قرض من البنك وخذها كاش افضل من المنتهي بالتمليك


up 1 down 0
mission 846
قبل 2 أسبوع و 3 يوم



كلام خطأ 100% واللي قالك هالكلام مع احترامي رايح فيها وانا بعطيك وشلون

الحين افترضنا بتطلع لك اكسنت مثلاُ قيمتها وكالة 50 الف تقريباً كاش مع فوايدها وتأمينها نقول يا رجل وصلت 80 الف مع انها مهيب واصله بس نقول وصلت حلوين

80 الف قسمها على 60 شهر 1333 ريال حلو هذا القسط الشهري لقيمة السيارات بفوايدها لو افترضنا انك ما دفعت دفعة أولى ولا أخيرة

اتحدا خويك ذا يجيب لي مكتب اجار بيأجرني اكسنت لاحظ اكسنت وكالة موديل السنة بأقل من 1500 ريال شهرياً اتحداه متأكد انها بتصفق فوق 2500 بالراحة

ولو افترضنا لقيت مكتب ب 1333 يعني نفس قيمة اقصادها مثل ماهو يقول وبيتكفلون بصيانتها وانا مريح على قولته لا تنسى انك تدفع شهرياً مبلغ وانت ما راح تملك شي طول عمرك بينما هالاكسنت بعد 5 سنوات ودفع 1333 شهرياً بتصير ملكي ولو ابيعها ب 20 الف نقول بعد 5 سنوات معناها رجع لي من خسارتي في 80 الف 20 الف

يعني 60 الف تقسيم 60 شهر صارت السيارة علي تقريباً شهرياً بألف ريال يعني حتى مع بنزينها شهرياً وصيانتها وغيار زيتها شهرياً بتصير أقل من الاجار وفي النهاية ملكتها

طول عمر الاجار دم فاسد لا في بيوت ولا سيارات ولا غيره دام نهايتها مهيب ملك فأنت خسران في كلى الحالات

ف الله يعظم اجر خويك في دنياه دام هذا تفكيره.

واذا يقول الجهات الحكومية مسويه هالشي مهب معناها انهم هم الصح والجهات الحكومية مسويه هالشي لأنها خسرانه في النهاية في كلا الحالتين ولا تبي وجع راس مهب معناها انهم صحيح



up 4 down 4
a.ibrahem 3135
قبل 2 أسبوع و 3 يوم



اخوي ابراهيم كلامك منطقي فعلا وبسحبه بسيطه فعلا هي خسارة بكلا الحالات


up 1 down 0
عبدالله ولد ابراهيم 110
قبل 2 أسبوع و 2 يوم



انا حسبتها حسبة خويك من قبل لقيتها خسارة في خساره دورت في محلات التأجير أقل سيارة لقيتها يارس أكسنت رايح على موديلها ٤ سنوات وحالتها حاله بالشهر ١٦٥٠ ريال طلعتلي يارس إيجار منتهي بالتمليك ب٩٩٩ ريال قول هتصرف صيانه في الشهر الي ١٥٠ اللي فوق ال ١٦٥٠ يبقى موفر ٥٠٠ ريال في الشهر
صحيح كلها ضرر لكن خذ اخف الضررين والحمد لله مرتاح جدا معاها وزي الفل


up 1 down 0
mr.teto 594
قبل 2 أسبوع و 2 يوم



استاذ عبدالله ولد ابراهيم .. كلامك عين العقل واحنا منظومة حولت اتجاهها من شراء السيارات المنتهية بالتملك للموظفين الى استئجار سيارات .. دافعين ضعف قيمة السيارة هذا صحيح ولكن من ناحية اخرى احنا وفرنا صيانات وحوادث وتأمين .. واللي يقول بعد خمس ولا ست سنوات بتكون سيارتك .. اصلا اعمار السيارات صارت خمس سنوات وتصير مستهلكه وتبدا تفك فمها وتدفع فيها شهريا صيانات بقيمة سيارة جديده واقساط .. لازم المجتمع يصير واعي لمسألة قيمة الاستهلاك الشي بعد خمس سنوات تكون قيمته صفر


up 0 down 0
ربيع الأول 292
قبل أسبوع و يوم