أضف سؤال أو موضوع جديد          

مهم للجميع بطارية هانكوك تعال قبل لا تشتري

up 6 down 1
محمد5001 16
قبل 2 أسبوع و يوم



السلام عليكم ورحمة الله وبركاته.
اليوم رحت بشري بطارية هانكوك لسيارتي سوناتا. انا سبق وان استخدمت بطارية هانكوك
وما شاء الله تبارك الله جلست معي تقريباً سنتين بدون مشاكل ولا شي. (وقفت السيارة وقت كورونا)
ومن بعدها احتجت اسوي لها اشتراك واكيد انتها عمرها.

المهم اليوم رحت للسوق، وبشتري مثلها، مريت اكثر من محل واستغربت من الأسعار البعض يقول 230 والثاني 280 تقريباً

المهم ركبت بـ 230 ولكن حسيت انه فيه شي غريب في السعر وفي شكل البطارية (الموظف قال انه هذا موديل جديد)
ما اقنعني كلامه، ورجعتها له.

بعدها كملت تمشيتي على المحلات، واكتشفت انه في السوق فيه نوعين هانكوك (الي شفتها) نوع كوري ابو 280 الي كان عندي
ونوع اسباني (بدون تاريخ) ابو 230 الي رجعته له.

صراحة الفرق واضح بين الثنتين. الكوري هو الأصلي وسعره اعلى، هو الي كان عندي وكمل سنتين تقريباً، الاسباني واضح انه
جودة اقل.

كلها عليها ضمان سنه من الوكيل، طبعاً انا كتبت الموضوع للمستقبل عشان اذا احد حس بالفرق وحاب يبحث يعرف الفرق بدون لا ينلعب عليه
او ينخدع وياخذ الأسباني.

الكوري= هو الأصلي وهو الي سعره اعلى وهو الي جلس معي سنتين
الأسباني= شكلة وملمسة اقل جودة (ممكن من جبل علي) وسعره اقل
سمعت ان فيه تركي بعد. لا تنخدع وخذ الكوري.

والسلام عليكم ورحمة الله وبركاته.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام ورحمة الله 
ليت لو تضيف صور للموضوع للايضاح 
الشي الثاني حصلي نفس الموقف والاثنين كانت نفس السعر ركبت الشكل الجديد بحكم ان اكيد تاريخها جديد ولها ٦ شهور والى الان تحت التجربه 


up 0 down 0
فلان الفلاني 508 472
قبل 2 أسبوع و يوم



فعلا الهانكوك الان فيه صناعات غير الكوري.
و الفرق بتحصله في CCA اقل من الكوري.
اللي هو طاقة التشغيل البارد.
و الرقم هذا كل ما يقل ، يقل معاه عمر البطارية.
و لذلك فيه فرق في السعر.
و لكن انتبه لمن تاخذ الكوري لا يكون مخزن فتره طويله في البنشر.


up 0 down 0
amer ahmed 545
قبل 2 أسبوع و يوم



انا اخذتها من الصناعية القديمه من محلات البطاريات ب 170 ريال هانكوك ولها الحين فوق السنه وامورها طيبه جدا يارب لك الحمد.. وللامانه ما ادري اذا اسباني او كوري.. لكن حبيت اقول لك بالصناعية ارخص مع التركيب وببطاريتك ياخذوها ب٣٠


up 2 down 0
ابوخالد1397 2808
قبل 2 أسبوع و يوم



إشتريت أكثر من ٤ بطاريات هانكوك كلها لاتكمل سنة وشهرين وتنتهي ، لاأعلم سوء صناعة أو تخزين .


up 0 down 0
ابو محمد 4 289
قبل 2 أسبوع و يوم



السلام عليكم
اغلب انواع البطاريات الافضل الواحد يشتريهم من الوكيل نفسه لانه طريقة التخزين حتكون مختلفة عن البناشر


up 0 down 0
reader2020 139
قبل 2 أسبوع و يوم



انا مجرب هانكوك الكوري اللي وكيله شيهون صراحه ممتازه تخدم سنه وعليها شهرين او ثلاث شهور زيادة بس بعد سنه تحس بضعفها عند التشغيل ويمكن ماتكمل اكثر من سنه وعليها ضمان سنه مره خربت علي بعد ست شهور ورحت الوكيل بن شيهون وكان متجاوب وبدلها ببطارية جديده على طول ....


up 1 down 0
راضي بقربك 174
قبل 2 أسبوع و يوم



يعطيك العافيه عل التنبيه
ممكن تشرح لنا وش الفروقات اللي حسيت فيها



up 0 down 0
midnight_963 625
قبل 2 أسبوع و يوم



للأسف يا شباب ما فية صور نسيت اصورها. لكن مثل ما قلت لكم، الكوري هو الأفضل وسعرة اغلى شوي.
بالنسبة للفروقات بينهم
الشكل يختلف
جودة البطارية نفسها (العلبة البلاستيكية السوداء نفسها) الأسباني واضح انه ضعيف جداً وحتى فيه تعرجات في البطارية نفسها
والكوري عليه تاريخ مكتوب فوق، الأسباني ما عليه تاريخ قلبتها يمين ويسار وما حصلت شي ابداً.

طبعاً انا اخذتها من بنشر بـ 260 مع الرجيع ولكن مثل ماقال احد الأعضاء في الصناعية تكون ارخص والرجيع يكون اغلى.


up 0 down 0
محمد5001 16
قبل 2 أسبوع و يوم



اذا 60 امبير قيمتها مع الرجيع ماتوصل 180 واقل بعد سواء هانكوك الاصلي
او ايسدلكو

واذا تبي تغير بطارية روح الصناعية افضل لك ولاتجي المحلات على الشارع العام او عند
محطات البنزين يصلخون بالاسعار من واقع تجربة


up 0 down 0
aboahmed2014 1118
قبل 2 أسبوع



احبابي
الكلام الاكيد ....في كل مدينه
فيه محلات تصين لك البطاريه
وتجددها لك ... ويعطيك ضمان
اسال وراح تحصل ... ترى شغلتها
سهله ... يشيك ع الاصابع .. والمويه
وتضبط ... احرصو لان الشغله ما تكلف
الا تقريبا 70 ريال ... او اقل


up 0 down 0
لا للغلاء 796
قبل أسبوع و 5 يوم



خذ ماكس بلا هانكوك الفاشل اذا ماتشغل السياره كثير تخرب وهي جديده .. ماكس عن تجربه


up 0 down 0
راعى الحيزا
قبل 4 يوم و 10 ساعه



خذ ماكس بلا هانكوك الفاشل اذا ماتشغل السياره كثير تخرب وهي جديده .. ماكس عن تجربه


up 0 down 0
راعى الحيزا
قبل 4 يوم و 10 ساعه



خذ ماكس بلا هانكوك الفاشل اذا ماتشغل السياره كثير تخرب وهي جديده .. ماكس عن تجربه


up 0 down 0
راعى الحيزا
قبل 4 يوم و 10 ساعه