أيش تقترحون لي شباب ترافيس او اكاديا او بافندر 2008

تبي الصدق ابعد عنها كلها نصيحه
كثيره الاعطال بذات الاكاديا والترافيس

والله اقتراحي وانا اخوك تأخذ لك تاهو ولا يوكن قطع قصير افضل منهم كلهم مع احترامي لملاكها خصوصاً الاكاديا والترافرس يعني على ما سمعناه من ملاكها يشتكون منها دايم ومهيب دارجه بين الناس وحتى على مستوى توفر القطع مهب في كل محل تلقاها يعني بتلقى معانات شوي


فنصيحتي خذ تاهو قصير ولا يوكن قصير يعني تقريباً حول طول هذولي ان جيت للشيل يشيل ويجمل اكثر منهم ولا ينزل واجد مثلهم وان بغيت سفر يطلق وجهكك عزمه في الخط مع التحميل هذولي مدري وش وضعها

والنقطةة المهمة انها سيارات مجربة اليوكن والتاهو وسهله صيانتها وتوفر قطعها في كل مكان هذا رأيي


الباثفندر صراحة مدري عنه تحديداً يفيدونك ملاكه فيه


بالتوفيق واقترح اللي قلت لك

عليكم السلام انحش عنهن كلهن مالك ومال وجع الراس
مثل ماقال الاخ خذ يوكون تاهو سيارات عملية وتكرف وقطع بكل مكان
واذا ماتبغى اليوكون والتاهو شوف لك فورتنشر مع انه قاسي جدا وقطعه غاليه
لكن موتر كرررف عملي جدا

السلام عليكم
مثل ما تفضل الاخوان فوق هذه السيارات مشاكلها كثيرة وبها اخطاء مصنعية كثيرة
عندك مازدا cx9 او تويوتا فورتشنر ولك حرية الاختيار بالاخير وبالتوفيق

الشكل هذا من الأكاديا و الترافيرس فيهن مشاكل بالقير لذلك لاتقربك
الباثفندر يلزم يكون نظيف حتى تاخذه و لا أتوقع أه كذلك مديل ٢٠٠٨ يكون مستهلك

ماختلفنا ياشباب .. بس اليوكن والتاهو يشرب بنزين شٌرب وانا ابغى اهرب من صرفية البنزين ..!

حتى السيارات اللي حطيتها ماتعتبر موفرة للبنزين

السيارات اللي انت حاطها بتدفع قيمه البنزين ادبال مدبله في الصيانات
سيارات ماش

جيب المازدا ممتاز وعملي CX9

ثلاثتهم كوارث .. ابعد
خذ مازدا cx9 الجديدة صارت ٤ سلندر
او فورشنر ٤ سلندر
او هيونداي

السيارات الثلاث من أسوأ السيارات - الباث فايندر حصل على تقييم خامس أسوأ سيارة من حيث الأعطال في أمريكا.
غريبه أختياراتك ، لايكون اختياراتك هذي سببها السعر؟؟؟