أضف سؤال أو موضوع جديد          

هل يوجد مركز ممتاز بالرياض لتصفية المكينه فورد اكسبدشن

up 2 down 0
ابوخالد1397 2869
قبل 3 شهر



السلام عليكم ورحمة الله وبركاته

عندي اكسبدشن 2014 وودي اسوي له تصفية للمكينه.. لاني احسه قل عزمه و زاد استهلاكه للبنزين.. خصوصا اذا سافرت عليه وكان فيه طلوع ونزول.. عزمه جدا مختلف على ماكان عليه قبل سنوات لدرجه اني اضغظ على البنزين كامل

فودي بمركز يكون قد الثقه.. وعنده الاجهزه المتطوره

يعني مثلا تنظيف الثروتل.. اغلب المراكز يخلي السياره شغاله ويقول ادعس ويبخ بالثروتل.. وهذا غلط.. لان بعض الاوساخ تدخل

وحتى البخاخات.. اغلبهم يفكها وينظفها بمنظف ويرجعها.. والمفروض يسونها بالجهاز.. لان فيه ١٥ اختبار للبخاخ.. ويعطي تنظيف بالكامل

ابغا مركز يفك الثروتل بالكامل وينظفه وينظف الثلاجه من الزيوت باداوت وسوائل اصليه.. ويفك البخاخات.. ويركبها بالجهاز حق تنظيف البخاخات اللي فيه ١٥ خطوه.. ويشيك على البواجي بالجهاز اللي يقيس مدى الشرر ويشوف اذا تحتاج تغير.. علما اني مغيرها قبل ٥٠ الف كيلو.. ثم يرجع يطبقها بالملي.. ويكون فاهم شغله

وسلامتكم








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


عندك ورشة النافع في صناعية الشفاء اذا انت من سكان الجنوب فيها أبو إبراهيم سعودي شايب هو اللي يشرف على الورشة بنفسه وصراحة سمعتهم طيبة بالحيل وامين في الشغل انا صلحت عنده شغلات بسيطة في الجمس عندي طبات المكينة وكذا وتهاريب وجه غطا البلوف والحمدلله ما عانيت من شي وسعرهم ممتاز حتى الأمانة العامة لمجلس الوزرا ما يصينون سياراتهم الا عندهم الامريكية أتكلم حقت الحركة وكذا لأن نسيبي من ضمنهم وسيارتهم كلها عندهم ويوضبون مكاين وكذا وقيور يعني ان شاء الله انهم جيدين


ف اذا حبيت تمرهم الله يوفقنا وياك مجرد رأي وصيحة بالتوفيق لك


up 1 down 0
a.ibrahem 3158
قبل 3 شهر



ليه تسوي تصفية

يمكن مشكلتك شي ثاني

ممكن حساسات الاكسجين لانه تسوي نفس الحركة، عزم ميت وصرفية بنزين

المفروض تروح للمركز المختص وهو يشخص لك المشكلة ويتحمل النتيجة، اذا قالك تصفية هو يجيب القطع ويصفي ويعطيك السيارة مضبوطة 100% والا ما تدفع له ولا قرش

اي تشخيص هو يتحمله ويجيب القطع وتحاسبه على الفواتير

لان مشكلتك لها اسباب كثيرة ولو بتسلم الصناعية رقبتك جلسوا يعطونك اقتراحات، واذا ما ضبطت قالك طيب جرب تسوي كذا، بالعربي يتعلمون على حسابك

سالفة انك تجيب سيارتك وانت تقترح الحل كذا تصرف فلوس على الفاضي


وفقك الله


up 2 down 2
نديم الطيف 248
قبل 3 شهر



بارك الله فيكم
والله يجزاكم كل خير
على نصايحكم وعلى تبادل الخبرات

حصلت مركز بالرياض ولكن مشكلة السعر
تكلف ٨٥٠ ريال ولا رضى ينزل شوي من سعرها

والشغل عباره عن فك الثروتل وتنظيفه و مسطره البنزين والبخاخات بالجهاز وتنظيف الثلاجه من الزيوت

حاولت معه بال٧٠٠ لكن مارضى والله يرزقه


up 0 down 0
ابوخالد1397 2869
قبل 2 شهر و 4 أسبوع



حياك الله شرفنا بحول الله امورك في السليم
مركز جوانا لصيانة السيارات
0554490909


up 1 down 1
مركز جوانا لصيانةالسيارات
قبل 2 شهر و 4 أسبوع