أضف سؤال أو موضوع جديد          

صوت احتكاك حديد يطلع من عند الهوب رايكم

up 0 down 0



السلام عليكم
يا جماعة الخير عندي اكسنت موديل 2009
صار لها اسبوع تطلع صوت احتكاك من جهة الهوب واذا تجاوزت سرعة 60 الصوت يختفي
يطلع فقط على السرعات البطيئة طبعا الفحمات جديدة وهذا الي حيرني !
وديتها لورشة في ام الحمام حصلت يماني طلع معي وسمع الصوت قالي كلام غريب
قال ادفع 2000 ريال وانا بروح واشتري لها اربع فلنجات واربع رمانات وشغل يدي 250 وشغل المخرطة لكبس الرمانات 200 قمت كرشتة قلت خلاص ما ابي ازينها قال سعرها بالوكالة غالي ورح تأكد بنفسك
رحت اليوم للوعلان وسألتهم قالو الرمانه مع فلنجة سعرها 400 يعني الطقم اربع كفرات تطلع 1600 مو هنا المشكلة
الي انا مستغرب منه ليش اليماني ما يزين الي قدام فقط لأن الصوت يجي من قدام جهة اليمين
بس هو رافض يقول لزم تغير الأربع عشان يختفي الصوت لأنها وزنية هههه احد يعرف لي ورشة شغلهم مضبوط وراعين ذمة فيه واحد قالي تغير الرمانات الي خربانة لحالها بدون الفلنجة بيختفي الصوت







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


متاك مغير الفحمات من قريب ؟ وهل خرطت الهوبات معها ولا لا ؟ وهل متاكد ان الكليبر والفحمة راكبة مكانها كويس مهيب متحركه وتحك مع الهوب ؟ 

والنقطة الثانية هل الموتر يوقف في منطقة كلها تراب او حولكم بيوت تبنى ولا شي ؟ جربت غسلت الموتر ونظفت المنطقة كاملة حقت الهوبات وكل شي ترى احياناً تصير من الوسخ ويروح واحياناً تطلع مع الموية بعد ؟ 

وبخصوص اليماني ابو 4 فلنجات قله جعلها تطيح على راسك 


up 1 down 0
a.ibrahem 3167
قبل سنه



الفحمات غيرتها بالخدمة السريعة الولعان وخرطو الهوبات معها قبل يمكن ثلاث شهور فقط
والموتر نظيف وديتها المغسلة قبل يومين ولا تغير شي الصوت باقي ولا حولي لا تراب ولا شي بس الصوت طلع فجاءة الكليبر والفحمة راكبة مضبوط ثابتة
بس



up 0 down 0



ادخل على آخر موضوع لي واسمع الصوت نفس الصوت الموجود عندك


up 0 down 0
mohammed shareef 1074
قبل سنه



انت من سكان جنوب الرياض او حولها اذا تبي دليتك على محل ميزان كويس وان شاء الله بيجيب لك العله انا ما اقدر احكم على الموتر من خلف الشاشة وبالذات هالامور ذي لابد كشف دقيق مهب بس تسمع صوت لأنها صعبة


اذا بتجيه كلمني على الخاص وارسلك رقمه وبياناته


up 0 down 0
a.ibrahem 3167
قبل سنه



شيك على القماشات الخلفية تصير منتهية


up 0 down 0
abdullah-978 8
قبل سنه



شيك على الصاجة اللي خلف الهوب


up 0 down 0
aliyy-2010 242
قبل سنه



صوت الحديد الي يحك في بعضه الرمان ممكن يسببه حطه في الحسبان قيد واجهت مشكلة قريبة من مشكلتك شيك على موضوعي



up 0 down 0
ms3al 1782
قبل سنه



يا راعي الموضوع وش صار معك


up 0 down 0
aliyy-2010 242
قبل سنه



هذا الصوت من الفلنجة كانت عندي في السوناتا بس سويت الأمامي وراحت