اداء المركبة في الطرق المعبدة والوعرة ......
4
2
إضغط هنا للإخفاء
.
.
صباح الخير او مساء الخير علي الجميع ...
امس بعد العشاء حول الساعه 10 مساء ...
جالسين بالاستراحه بالمونسيه دخل علينا خوينا تركي مبتسماً ويتشقق من الفرح
وهو يقول باركولي شريت سيارة طلعتها اليوم ....
قلت له
ياولد عدل بدل
وكلنا ...
بصوت واحد قلنا له مبروووك
الله يعطيك خيرها ويكفيك شرها ... وبعضهم تأخر في نطقها حتى يبتلع في جوفه
اكبر كمية من جراك باعشن قالها مغلفة بدخان كثيف وهو مستغرب ...
.
خرجنا من الاستراحة لنعاين السيارة
وجدناها
جيب تويوتا من نوع برادو 2013م فل كامل لون ابيض
.
عدنا لنكمل صكة البلوت الأخيرة
وسألته بكم شريتها من ابو قبيح ...
قال 195000ريال
قلت انت صاحي ولا فيك بلا تترك التاهو و الفخامه وتروح الي مافيها راحه وتكسير الظهر و الضيق
قلت انت متأكد انها برادو بالقيمه
قال نعم برادو
قال احدهم لاتستغرب الباترول نيسان الفل
البترول الجديد ب285000
دخلنا في مقارنة بين السيارات الأمريكية واليابانية
في رفاهيتها وتجهيزاتها وأسعارها وجودتها
ووجدت الفرق كبير جداً
.
والفرق كما تعرفون لصالح التاهو بالمميزات و السعر الاول والأخير بأكثر من 40000 الف ريال الفرق كبير
1- سعر البرادو 198000 الف
2- سعر التاهو 158000 الف
.
هناك تساؤلات دائمة بخصوص هذا الموضوع فالكثير يفضل سيارات الدفع الرباعي اليابانية من طايوطا خاصة في منطقة الخليج بسبب قوتها وسهوله صيانتها وهناك من يفضل سيارات الدفع الرباعي الامريكية مثل التاهو و اليوكن و جيوب الشروكي الجديد لاتساعها وراحتها
.
ولاكن يبقى السؤال كما هو ايها افضل من وجه نظرك اذا خيروك .....؟
.
عليه ارجو من الادلاء بأرائهم بخصوص هذا الموضوع بعيداً عن التعصب مع الاخذ في الحسبان الامور التالية ....:
.
1- جودة الصنع - وقوة التحمل
2- اداء المركبة في الطرق المعبدة والوعرة
3- اسعار قطع الغيار والصيانة
4- الفخامة والشكل
5- سعر المركبة مقابل ما تحصل علية من مميزات
.
.
حبيت اخذ أرائكم في هذا الموضوع والمقارنه هنا لقرب حجم وطبيعة السيارتين
.
وشكرا لكم علي المتابعه
فاصل و نواصل
تحياتي لكم
.
ابومطلق
.
.
إبلاغ
الردود
2
0
كلامك منطقي انا اتكلم عن نصف فل ل تي ومافيه فرق كبير بين المميزات
عموما شرفني وجودك وتعليقك ...
الوافي
كلامك غير صحيح
الامريكي في السنوات الاخيره اثبت جدارته
هي علي الاستخدام استخدام نظيف تعيش معك الموتر
الاهمال و عدم الصيانه اكيد تخرب
وشكرا علي تعليقك وادايك المتميز
.
3
0
وتايوتا قطعها تحصلها عند حلاق < قويه ههههه بس السعر غالي:(
والتاهو برضوا حلو وافخم من برادو .. بس القطع اغلى نسبياآ > ماتحصلها عند حلاق..وسعره حلو
واحلا ﻻيك..
4
0
شرفني حضورك و تعليقك
لكن والله ياناس حراااااااااااام السعر 195000 الف علي كسره طايوطا
لو نفرض ان السعر بحدود المعقول 130000 الف الفل كامل ممكن تنهضم
لكن ربك كريم
.
3
1
2
0
فلذلك الواقع الي قدامنا هو الي راح يحكم
حيث اكثر السياراتين اعتمادية هو جيب برادو ( وش حال لو بمسجل)
4
0
ثانيا: التاهو حلو وفخم ولو خيروني بينه وبين البرادوا ماراح اختار غير التاهو .
يمكن اختار البرادوا في حالة اني احب الطلعات والكشتات والجبال
3
0
راجعي كلامي من البدايه و لاتستعجل في الرد
.
انا كاتب
بصوت واحد قلنا له مبروووك
الله يعطيك خيرها ويكفيك شرها ...
وبعدين حنا نتكلم علي السعر و المميزات
بارك الله فيك لاتستعجل بالرد قبل القراء كامله
موفق خير
2
0
نعم جريمه لكن مين يفهم سعره 195000 ريال عند ابو قبيح ....
يارجال خليها علي الله عش رجب تسمع عجب ههههههههههه
سلطان
كلامك صحيح
لكن منطقيأ التاهو من وجه نظري التاهو افضل
والله ثم والله ثم والله مايقف البرادو عندي بيتي بسعر الخورافي
قال ايش قال 195000 ريال
عموما شرفني حضورك و تعليقك
.
2
1
لكن خلونا نبحث عن العمليه شوي
انت راعي بر وراعي كشتات وتطعيس ورمال واوديه وجبال وكل شوي من جرف لدحديره
فلاتدور غير الجيوب اليابانيه بشكل عام
انا اتكلم عن قوة التحمل والكرف والسياره اللي تكون مهيئه للاستخدام الشاق
اما الجموس فتراه تنفع لواحد استخدامه رمل خفيف وخطوط وداخل مدينه لكن ماتنفع للاستخدام الشاق
اخوي فارامكو فمنطقه اسمها ( شيبه ) يقول مره جابو سييرا وساتخدموه فالتحميل اغراض ونقل
بس مااخذ فتره مع حرارة الجو والجهد الا ارتفعت حرارته رغم قوته
بعدها صارو مايستخدمون الا جويب يابانيه
شاص وربع ولاندكروزر وباترول وباجيرو حتى الرحلات الاستكشافيه عند الاجانب فالغابات والاماكن الوعره تلقى معاهم جيوب يابانيه
5
0
1
1
وجه نظر نحترمها وكلامك لا غبار عليه ...
الموضوع ومافيه ان خوي شري الموتر امس بسعر جنوني
اذا فكرنا انا وانت والثاني و الثالث يوجد بدائل غير تويوتا و نيسان
مثل ماذكرات سابقا عندك تاهو عندك قراند شوركي الجديد 2013م
جميع انواع الدفع الرباعي الامريكي
وبعدينا هدي من روعك ريلكس هذا الموضوع بعيداً عن التعصب
اخيرا شكرا لك علي المداخله ...
.
0
1
اضافه مميزه منك وكلامك عين الصواب
شكرا
2013 hmada
والله فعلأ لا يوجد رساوه ولا عزل تسمع صفير الهواء داخل اذنك ...
10% ماتقارنها بسيارات الجبابره شركه شفر ومن ضمنها جيوب التاهو
تشرفت بوجودك
.
0
0
و بالاخص اليوكن
باعطيك تجربه صغيره لكن لا تنصدمون
واحد من قرآيبي معآه تآهو 2008 ltz و الوآلد الله يحفظه معآه
يوكن 2007 slt طبعا كلهم فل اوبشن
سوينا نجربه هي تعبية بنزين ب 10ريآل نوع البنزين 91
ولمدة يوم وين ما يروح الوآلد باليوكن التاهو يلحقه
مشينا لمدة 10سآعآت متقطعه بحيث يقول الوآلد باطلع . . قريبي يطلع معه
بنفس الوجهه .. ذهآب و عوده
بعد ما انتهت ال 10سإعآت المتقطعه .. اكتشفنا اللي ما توقعنآه
ان التاهو طلع نغمة التحذير بانه يحتآج تعبية بنزين
بينما اليوكن بآقي فيه بنزين
طبعا كلهم عبو و التآنكي حق البنزين ع الصفر
اليوكن بآقي خطين ع نهآية البنزين بينما التآهو خلص البنزين
بذلك تبين ان التآهو يشرب بنزين بكثره ..
لكن انت حطيت خيآرين ي اخوي ماجد اليآبآني و الامريكي و اكثر ما حددت
التآهو و البرآدو
انا معك مو ضدك .. افضل التآهو ..
اولا جوده .. و اجمل مافيه تمآسكه و حتى لو تلاحظ اغلب صوآميل الابوآب
تقول ماشاء الله صوآميل عوآميد كهربا من كبرها .. هذا مثآل بسيط
بينما المصنع غني عن التعريف جينرآل موتور
من نآحية قوة التحمل اقدر اكرر لك و اعيد بان التآهو افضل
و من نآحية الاداء في الطريق .. انا اميل للتآهو
الوعره يمكن البرآدو لانه خفيف .. بس دبله ما سمعت عنه هل هو قوي
ولا من جنبها
بامانه انا ما اعرف عن اسعآر قطعه .. لاني ما املكه
الوآلد الله يحفظه علمني ان سعر الفحمات الاماميه 365 ريآل .. بصرآحه
سعر معقول جدا ع سيآره ثقيله و جبآره اعتقد اسعآر القطع الاستهلاكيه
و قطع المركبه منإسب جدا .
طيب فخآمه المركبه و شكلها
انا يلفت نظري شكل التآهو الفل كامل .. المقصود في الشكل الخآرجي
بينما الدآخلي هو و اليوكن و الاسكلد نفس الشكل الدآخلي بس الاسكلد
طبلونه غير
بس التآهو فخم شكله افضل شكل من الوكن .. شكل التآهو جبآاآاآاآاآر جدا جدا
سعر التآهو ال تي زد اتوقع الى 176000يزيد او يقل
لكن يستآهل السعر هذا و بكل ثقه افضل الامريكي بصفه عآمه عن غيره
دمتم بود و تحيآتي ي ابة مطلق
2
0
والدبل حقه يجي فيه دفلوك اوتوماتيك اذا تعلق اشتغل الدفلوك حتى اللي بدون دبل
1
0
ياخي يازين الشروكي والله اني اعشقه بس عيبه وكيله
يعني لو اخذ لي شروكي صحيح اني بتوهق بلصيانة بس برتاح من السعر والاستخدام
وموب كل شوي ترا بسوي لها صيانة مدري ليه الشعب عندنا كل ما قلت له شي يقول لك قطع يخوي انت تبي تشتري قطع ع كل مشوار ؟؟؟؟
القطع ما تنشرا الا وين وين وبلتحديد الامريكي وقطعه رخيصه وخدومة
1
0
قبل 11 سنه و 5 شهر